കടൽക്ഷോഭത്തിൽ മരണമടഞ്ഞ അഞ്ചുതെങ്ങ് സ്വദേശിയായ ഫ്രീമോന്റെ ഭവനത്തിലും കാണാതായ അഞ്ചുതെങ്ങ് സ്വദേശിയായ ഷിജിന്റെ ഭവനത്തിലും പ്രാർത്ഥനയും സഹായഹസ്തവുമായി ലത്തീൻ കത്തോലിക്കാ ഐക്യവേദി

AUGUST 27, 2026, 1:08 AM

തിരുവനന്തപുരം : കഴിഞ്ഞദിവസം കടൽക്ഷോഭത്തിൽപ്പെട്ടു മരണമടഞ്ഞ അഞ്ചുതെങ്ങ് സ്വദേശി ഫ്രീമോന്റെ ഭവനത്തിലും, കാണാതായ ഷിജിന്റെ ഭവനത്തിലും ലത്തീൻ കത്തോലിക്ക ഐക്യവേദി പ്രവർത്തകർ എത്തി അവരുടെ ദുഃഖത്തിൽ പങ്കുചേർന്ന്, പ്രാർത്ഥിക്കുകയും ധനസഹായം നൽകുകയും ചെയ്തു.

ലത്തീൻ കത്തോലിക്ക ഐക്യവേദി സംസ്ഥാന പ്രസിഡന്റ് ഡോ. ഫ്രാൻസിസ് ആൽബർട്ട് OFS ന്റെ നേതൃത്വത്തിൽ എത്തിച്ചേർന്ന സംസ്ഥാന ജില്ലാ ഭാരവാഹികളോടൊപ്പം അഞ്ചുതെങ്ങ് ഇടവക സഹ വികാരി ഫാ. റിനു സേവിയർ പ്രാർത്ഥനയ്ക്ക് നേതൃത്വം നൽകുകയും, ലത്തീൻ കത്തോലിക്ക ഐക്യവേദി ജില്ലാ പ്രസിഡന്റ് ഡോ. ട്രിസ ഫെർണാന്റസും, സഹവികാരി ഫാദർ റിനു സേവിയറും ചേർന്ന് ഫ്രീമോന്റെ അമ്മ അമ്പിളിക്കും ഷിജിന്റെ ഭാര്യ സ്റ്റിജിക്കും ധനസഹായം കൈമാറി. ലത്തീൻ ഐക്യവേദി ഭാരവാഹികളായ തങ്കച്ചൻ എം ഡിക്രൂസ്, വില്യം ലാൻസി, ആൻഡ്രൂ എഡിസൺ അഞ്ചുതെങ്ങ് സേവിയർ, കെ.സി.വൈ.എം പ്രസിഡന്റ് മിൽഡൺ എന്നിവർ സന്നിഹിതരായിരുന്നു.