ഡാളസ്: ഇൻഡോഅമേരിക്കൻ പ്രസ് ക്ലബ് (ഐ.എ.പി.സി) ഡാളസ് ചാപ്റ്ററിന്റെ 2026 -2027 പ്രവർത്തന വർഷങ്ങളിലേക്കുള്ള പുതിയ ഭാരവാഹികളെ തിരഞ്ഞെടുത്തു. പ്രമുഖ മാധ്യമ സാമൂഹിക പ്രവർത്തകനായ വിൽസൺ തരകൻ പ്രസിഡന്റായി ചുമതലയേൽക്കും.

മാധ്യമ രംഗത്തും സാമൂഹികസാംസ്‌കാരിക മേഖലയിലും ദീർഘകാല പ്രവർത്തന പരിചയമുള്ള വ്യക്തികളാണ് പുതിയ കമ്മിറ്റിയിൽ ഇടം നേടിയിരിക്കുന്നത്.

പുതിയ ഭാരവാഹികൾ:

പ്രസിഡന്റ്: വിൽസൺ തരകൻ - ജെന്യൂവിൻ ഹോം ഹെൽത്ത് സർവീസസ് സി.ഇ.ഒ, ഫ്‌ളവേഴ്‌സ് ടിവി യു.എസ്.എ ഡാളസ് റീജിയണൽ മാനേജർ, 24 യു.എസ്.എ ഡാളസ് ബ്യൂറോ ചീഫ് എന്നീ നിലകളിൽ പ്രവർത്തിക്കുന്നു.

വൈസ് പ്രസിഡന്റ്: ജോജി അലക്‌സാണ്ടർ - മനോരമ ബാലജനസഖ്യം മുൻ ഭാരവാഹി, മാർത്തോമാ യുവജനസഖ്യം സഭ ഭദ്രാസന തലങ്ങളിലെ മുൻ ജനറൽ സെക്രട്ടറി, യൂത്ത് കോൺഗ്രസ് മുൻ നേതാവ്, വേൾഡ് മലയാളി കൗൺസിൽ വിവിധ തലങ്ങളിലെ മുൻ ഭാരവാഹി എന്നീ നിലകളിലും കൂടാതെ ഐ.എ.പി.സിചാപ്റ്റർ പ്രസിഡന്റുമായിരുന്നു.

സെക്രട്ടറി: ഡോ. ദീപ്തി സക്കറിയ - ഡാളസിലെ മാധ്യമസാംസ്‌കാരിക രംഗത്തെ സജീവ സാന്നിധ്യം. 24 ന്യൂസിന്റെയും ഫ്‌ളവേഴ്‌സ് ടിവിയുടെയും റിപ്പോർട്ടറാണ്. നാടകം, മിമിക്രി, ഷോർട്ട് ഫിലിം, സോഷ്യൽ മീഡിയ എന്നീ മേഖലകളിലും ശ്രദ്ധേയയാണ്. നിലവിൽ വെറ്ററൻസ് അഫയേഴ്‌സ് ഡെർമറ്റോളജി ഡിപ്പാർട്ട്‌മെന്റിന്റെ നാഷണൽ കോചെയറായി സേവനമനുഷ്ഠിക്കുന്നു.

ട്രഷറർ: ലിസമ്മ സേവ്യർ - ഫോർട്ട് വർത്ത് നഗരസഭയുടെ ജലശുദ്ധീകരണ വകുപ്പിൽ 30 വർഷത്തെ സേവനത്തിന് ശേഷം സീനിയർ കെമിസ്റ്റും ക്വാളിറ്റി കൺട്രോൾ സൂപ്പർവൈസറുമായാണ് വിരമിച്ചത്. ഐ.എ.പി.സി ഡാളസ് ചാപ്റ്ററിന്റെ മുൻ സെക്രട്ടറിയും വേൾഡ് മലയാളി കൗൺസിൽ ഡി.എഫ്.ഡബ്ല്യു റീജിയൻ വൈസ് ചെയർപേഴ്‌സണുമാണ്. നാഷണൽ ഇൻസ്റ്റിറ്റിയൂട്ട് ഓഫ് ഓഷ്യനോഗ്രഫിയിലെ മുൻ ഗവേഷകയും കൊച്ചിൻ സർവകലാശാലയിലെ കെമിസ്ട്രി റാങ്ക് ഹോൾഡറുമാണ്. മികച്ച പ്രഭാഷകയും നാടക നടിയുമായും അറിയപ്പെടുന്നു.

അഡൈ്വസറി ബോർഡ് ചെയർമാൻ: സാമുവൽ മത്തായി - ഫോമാ ലാംഗ്വേജ് ആൻഡ് എഡ്യൂക്കേഷൻ ഫോറം ചെയർമാൻ, ഫോമാ നാഷണൽ കമ്മിറ്റി അംഗം, ഡാളസ് മലയാളി അസോസിയേഷൻ പ്രസിഡന്റ്, ഫോമാ കൺവെൻഷൻ കോചെയർമാൻ.

നാഷണൽ കമ്മിറ്റി അംഗങ്ങൾ: പ്രൊഫ. ജോയ് പല്ലാട്ടുമഠം, മീന ചിറ്റിലപ്പിള്ളി, പട്രീഷ്യ ഉമാശങ്കർ എന്നിവരെ നാഷണൽ കമ്മിറ്റി അംഗങ്ങളായും തിരഞ്ഞെടുത്തു.

ഡാളസ് ഫോർട്ട് വർത്ത് മേഖലയിലെ മാധ്യമപ്രവർത്തകരുടെയും മാധ്യമപ്രവർത്തന രംഗത്ത് താൽപര്യമുള്ളവരുടെയും കൂട്ടായ്മയെ കൂടുതൽ ശക്തിപ്പെടുത്തുന്നതിനും, മാധ്യമ പ്രവർത്തകരുടെ ശാക്തീകരണത്തിനും, പ്രവാസ മലയാളി സമൂഹത്തിന് പ്രയോജനകരമായ വിവിധ മാധ്യമസാംസ്‌കാരിക പരിപാടികൾ സംഘടിപ്പിക്കുന്നതിനും പുതിയ കമ്മിറ്റി പ്രതിജ്ഞാബദ്ധമാണെന്ന് ഭാരവാഹികൾ അറിയിച്ചു.

വരുന്ന പ്രവർത്തന വർഷങ്ങളിൽ വിപുലമായ മാധ്യമ സംവാദങ്ങൾ, പരിശീലന പരിപാടികൾ, കമ്മ്യൂണിറ്റി ഔട്ട്രീച്ച് പ്രവർത്തനങ്ങൾ, യുവ മാധ്യമപ്രവർത്തകരെ പ്രോത്സാഹിപ്പിക്കുന്ന പദ്ധതികൾ എന്നിവക്ക് ഡാളസ് ചാപ്റ്റർ നേതൃത്വം നൽകുമെന്നും അവർ കൂട്ടിച്ചേർത്തു.

ഡോ. മാത്യു ജോയ്‌സ്്

വൈസ് ചെയർമാൻ

ഇൻഡോഅമേരിക്കൻ പ്രസ് ക്ലബ് (ഐ.എ.പി.സി)

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്