സാൻ ഹൊസെ: ഐസിഇ (ഇമിഗ്രേഷൻ ആൻഡ് കസ്റ്റംസ് എൻഫോഴ്‌സ്‌മെന്റ്) നിർത്തലാക്കൽ, ഗ്രീൻ കാർഡ് മുൻഗണനകൾ, ശകോടീശ്വരന്മാർക്കുള്ള നികുതി എന്നിവയെച്ചൊല്ലി കാലിഫോർണിയയിലെ 17-ാം കോൺഗ്രഷണൽ ഡിസ്ട്രിക്റ്റ് സ്ഥാനാർത്ഥികളായ റോ ഖന്നയും റിതേഷ് ടണ്ടനും തമ്മിൽ രൂക്ഷമായ വാദപ്രതിവാദം.
സാൻ ഹൊസെയിൽ നടന്ന ഓൺലൈൻ സംവാദത്തിൽ, ഐസിഇ എന്ന ഏജൻസി റദ്ദാക്കി അതിന് പകരം നീതിന്യായ വകുപ്പിന് കീഴിൽ കൂടുതൽ മാനുഷിക മൂല്യങ്ങളുള്ള സംവിധാനം കൊണ്ടുവരണമെന്ന് നിലവിലുള്ള ഡെമോക്രാറ്റിക് കോൺഗ്രസ് അംഗം റോ ഖന്ന ആവശ്യപ്പെട്ടു.
കൂടാതെ, ഇവിടെ പഠിക്കുകയും ബിസിനസ് ആരംഭിക്കുകയും ചെയ്യുന്നവർക്ക് ഗ്രീൻ കാർഡ് നൽകണമെന്നും ഖന്ന വാദിച്ചു.
അതേസമയം, 1.2 ദശലക്ഷത്തിലധികം ആളുകൾ ഗ്രീൻ കാർഡിനായി കാത്തിരിക്കുകയാണെന്നും, ഓരോ രാജ്യത്തിനും ഏർപ്പെടുത്തിയിട്ടുള്ള ഗ്രീൻ കാർഡ് പരിധി (per-coutnry cap) അവസാനിപ്പിക്കുകയാണ് പരിഹാരമെന്നും റിപ്പബ്ലിക്കൻ സ്ഥാനാർത്ഥിയായ റിതേഷ് ടണ്ടൻ തിരിച്ചടിച്ചു.
സാമ്പത്തിക വിഷയങ്ങളിൽ, ശതകോടീശ്വരന്മാർക്ക് 5 ശതമാനം നികുതി ഏർപ്പെടുത്തണമെന്ന ഖന്നയുടെ നിർദ്ദേശത്തെ ടണ്ടൻ എതിർത്തു. നവംബർ 3നാണ് ഇവിടെ വോട്ടെടുപ്പ് നടക്കുന്നത്.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
