വാഷിംഗ്ടൺ ഡി.സി.: ഫെഡറൽ സർക്കാരിന്റെ ഷട്ട്ഡൗൺ മൂലം ലക്ഷക്കണക്കിന് താഴ്ന്ന വരുമാനമുള്ള കാലിഫോർണിയക്കാർക്ക് അടുത്ത മാസം ഭക്ഷ്യസഹായം ലഭിക്കില്ലെന്നു ഗവർണർ ഗാവിൻ ന്യൂസം മുന്നറിയിപ്പ് നൽകി.

SNAP എന്ന ഫെഡറൽ ഭക്ഷ്യസഹായ പദ്ധതി നവംബർ മാസത്തിൽ നിർത്തിവെക്കപ്പെടാൻ സാധ്യതയുണ്ടെന്ന് യുഎസ് കാർഷിക വകുപ്പ് സംസ്ഥാനങ്ങൾക്ക് അറിയിച്ചു. കാലിഫോർണിയയിൽ മാത്രം 55 ലക്ഷം പേർ ഈ പദ്ധതിയിൽ ആശ്രിതരാണ്.

'ഫെഡറൽ സർക്കാരിന്റെ ഷട്ട്ഡൗൺ തുടരുന്നത് അവശ്യസാധനങ്ങൾക്ക് കൂടുതൽ വില കൊടുക്കേണ്ട സാഹചര്യമാണുണ്ടാകുന്നത്,' ന്യൂസം ആരോപിച്ചു. കാലിഫോർണിയയിലെ SNAP പദ്ധതി *CalFresh* എന്ന പേരിലാണ് പ്രവർത്തിക്കുന്നത്. ഇതിൽ ഭാഗമാകുന്നവരിൽ 63% പേരും കുട്ടികളോ മുതിർന്നവരോ ആണെന്ന് അധികൃതർ പറഞ്ഞു.

മഹിളകൾക്കും കുഞ്ഞുങ്ങൾക്കും *WIC* പോഷകപദ്ധതിയും ഫണ്ടില്ലാതെ നിലച്ചേക്കാനുള്ള സാഹചര്യമുണ്ട്, എന്നാൽ ഇത് നിലനിർത്താൻ ട്രംപിന്റെ ഭരണകൂടം ടാരിഫ് വരുമാനം ഉപയോഗിക്കുമെന്ന് റിപ്പോർട്ടുകളുണ്ട്.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്