ഫോമാ നാഷണൽ കൺവൻഷൻ സുവനീർ കവർ പേജ് ഡിസൈൻ മത്സരം; വിജയികൾക്ക് കാഷ് അവാർഡ്

MAY 5, 2026, 10:10 PM

ഹൂസ്റ്റൺ: ജൂലൈ 30, 31 ആഗസ്റ്റ് 1, 2 (വ്യാഴം, വെള്ളി, ശനി, ഞായർ) തീയതികളിൽ വിഖ്യാതമായ എൻ.ആർ.ജി സ്റ്റേഡത്തിന് സമീപമുള്ള ആഡംബര ഹോട്ടൽ സമുച്ചയമായ 'വിൻധം ഹൂസ്റ്റണി'ൽ അരങ്ങേറുന്ന ഫോമാ നാഷണൽ കൺവൻഷനോടനുബന്ധിച്ച് പ്രസിദ്ധീകരിക്കുന്ന സുവനീറിനുള്ള കവർ പേജ് ഡിസൈൻ നോർത്ത് അമേരിക്കയിലെ മലയാളികളിൽ നിന്നും ക്ഷണിച്ചുകൊള്ളുന്നു.

തിരഞ്ഞെടുക്കുന്ന ഡിസൈനിന് 500 ഡോളർ ക്യാഷ് അവാർഡ് നൽകുന്നതാണെന്ന് ഫോമാ പ്രസിഡന്റ് ബേബി മണക്കുന്നേൽ അറിയിച്ചു. കവർ പേജ് ഡിസൈനിന്റെ കൺസപ്റ്റ്, യു.എസ്.എ, കേരള, ഹൂസ്റ്റൺ എന്നിവയിലധിഷ്ഠിതമായ തീം ആയിരിക്കണം. ജെ.പി.ജി അല്ലെങ്കിൽ പി.ഡി.എഫ് ഫോർമാറ്റിൽ ആയിരിക്കണം പ്രിന്റബിൾ ഡിസൈൻ അയയ്‌ക്കേണ്ടത്.

സുവനീർ കമ്മിറ്റി ആയിരിക്കും ഉചിതമായ ഡിസൈൻ തിരഞ്ഞെടുക്കുക. കമ്മറ്റിയുടെ തീരുമാനം അന്തിമം ആയിരിക്കും. നിങ്ങളുടെ ഡിസൈനുകൾ ജൂൺ 10ന് മുമ്പ് ലഭിച്ചിരിക്കണം.

ഇതോടൊപ്പം ഫോമായുടെ ചരിത്രമുഹൂർത്തങ്ങളെ കോർത്തിണക്കിക്കൊണ്ട് പുറത്തിറക്കുന്ന സുവനീറിൽ ചേർക്കുന്നതിനായി നോർത്ത് അമേരിക്കൻ മലയാളികളിൽ നിന്നും ലേഖനങ്ങൾ, കവിത, ഷോർട്ട് സ്റ്റോറി, സമകാലീന സംഭവങ്ങളെ കുറിച്ചുള്ള ലേഖനങ്ങൾ എന്നിവയും ക്ഷണിക്കുന്നു. രചനകളോടൊപ്പം നിങ്ങളുടെ പാസ്സ്‌പോർട്ട് ഫോട്ടോയും കൂടി അയച്ചുതരിക.

സുവനീർ കവർപേജ് ഡിസൈനും സുവനീർ രചകളും സംബന്ധിച്ച കൂടുതൽ വിവരങ്ങൾ സുവനീർ കമ്മറ്റി മെമ്പർ അച്ചൻ കുഞ്ഞ് മാത്യുവിന് അയയ്ക്കാം. മറ്റ് സുവനീർ കമ്മറ്റി മെമ്പർമാരെയും ബന്ധപ്പെടാവുന്നതാണ്.

രചനകൾ ജൂൺ 20ന് മുമ്പ് ലഭിച്ചിരിക്കണം. കവർ പേജ് ഡിസൈനും മറ്റ് സൃഷ്ടികളും [email protected] എന്ന മെയിലിൽ അയയ്‌ക്കേണ്ടതാണ്.