ന്യൂയോർക്ക്: നോർത്ത് അമേരിക്കയിലെ ദി ബെസ്റ്റ്  ഓഫ് ദ ബെസ്റ്റ് ആർട്ടിസ്റ്റുകളെ കണ്ടെത്തുകയും അവരെ ഒരു കുടക്കിഴിൽ അണിനിരത്തി ഒരു ഷോ ആയി ഫൊക്കാന കൺവെൻഷനിൽ അവതരിപ്പിക്കുന്നു. ഫൊക്കാനയുടെ രണ്ടാം ദിനമാണ് അമേരിക്ക 'ഗോട്ട് ടാലന്റഡ്' എന്ന പ്രോഗ്രാം അവതരിപ്പിക്കുന്നത്.

മികച്ച സംഗീതം, ഡാൻസ്, ഫ്യൂഷൻ, കേരളത്തിന്റെ തനതായ നാടൻ കലകൾ തുടങ്ങിയ കലകളിൽ പ്രാവിണ്യം തെളിയിച്ച നോർത്ത് അമേരിക്കയിലെ കലാകാരന്മാർക്കും കലാകാരികൾക്കും ഫൊക്കാന കൺവെൻഷനിൽ നടത്തുന്ന 'അമേരിക്ക ഗോട്ട് ടാലന്റഡ്' എന്ന പ്രോഗ്രമിലേക്ക് സ്വാഗതം.

ഫൊക്കാനാ ഇന്റർനാഷണൽ കൺവെൻഷൻ 2026 ഓഗസ്റ്റ് 6 മുതൽ 9 വരെ പെൻസിൽവേനിയയിലെ മനോഹരമായ പോക്കനോസ് മൗണ്ടൻസിലെ കൽഹാരി റിസോർട്ടിൽ നടക്കുമ്പോൾ അത് ഫൊക്കാനയുടെയും മറ്റ് ഏത് പ്രവാസി സംഘാടനകളുടെയും ചരിത്രത്തിൽ ഇന്നുവരെ വരെ കണ്ടിട്ടില്ലാത്ത ഒരു കൺവെൻഷന് സാക്ഷിയാകുവാൻ പോവുകയാണ്. ഓഗസ്റ്റ് 7ന് വൈകിട്ടാണ് ഈ പ്രോഗ്രാം അരങ്ങേറുന്നത്.

നോർത്ത് അമേരിക്കയിലെ ഏറ്റവും കഴിവുറ്റ കലാകാരന്മാരെ കണ്ടെത്തി ഒരു ചരടിൽ കോർത്തിണക്കി ഒരു ഷോ ആയി അവതരിപ്പിക്കുബോൾ അത് നമ്മുടെ കലാകാരന്മാർക്കു കൊടുക്കുന്ന ഒരു ആദരവ് കൂടിയായിരിക്കും.

ഈ  പ്രോഗാമിന്റെ ചെയർമാനായി ശബരി നായരും കോർഡിനേറ്ററായി ഗണേഷ് നായരുമാണ് പ്രവർത്തിക്കുന്നത്. ഇതിൽ പങ്കെടുക്കാൻ ആഗ്രഹിക്കുന്നവർ ഈ ഇ-മെയിലിൽ ബന്ധപ്പെടുക:  [email protected]

എത്രയോ വർഷങ്ങളായി അഭ്യസിക്കുന്ന കലകൾ, ഒട്ടനവധി രാപ്പകലുകൾ ചെലവഴിച്ചു നടത്തിയ   പരിശ്രമങ്ങളുടെയും പല വെല്ലുവിളികളെയും അതിജീവിച്ചുമാണ് ഓരോ വ്യക്തിയും അതാത് കലയിൽ പ്രാവിണ്യം തെളിയിക്കുന്നത്. അങ്ങനെയുള്ള കലാകാരന്മാരെയും കലാകാരികളെയും പ്രോത്സാഹിപ്പിക്കുകയും അവർക്ക് വേദി ഒരുക്കുക എന്നത് ഫൊക്കാനയുടെ ലക്ഷ്യം കൂടിയാണ്.

കാണികളെ ആനന്ദത്തിന്റേയും ആസ്വാദനത്തിന്റേയും കൊടുമുടികളേറ്റുവാൻ എല്ലാ കലാപ്രതിഭകളെയും 'അമേരിക്ക ഗോട്ട് ടാലന്റ' എന്ന പ്രോഗ്രാമിലേക്ക് സ്വാഗതം ചെയ്യുന്നതായി പ്രസിഡന്റ് സജിമോൻ ആന്റണി അറിയിച്ചു.

ശ്രീകുമാർ ഉണ്ണിത്താൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്