മണിപ്പൂരിലേത് ഞെട്ടിക്കുന്ന നടപടിയെന്ന് വി ഡി സതീശൻ

MARCH 28, 2024, 2:07 PM

ഇംഫാൽ: ഈസ്റ്റർ ഞായറാഴ്ചയായ മാർച്ച് 31 പ്രവൃത്തി ദിനമായി പ്രഖ്യാപിച്ച മണിപ്പൂർ സർക്കാരിനെതിരെ വി ഡി സതീശൻ.

മാർച്ച് 30, 31 തീയതികളിൽ എല്ലാ സർക്കാർ ഓഫീസുകൾക്കും പ്രവൃത്തിദിനമായി പ്രഖ്യാപിച്ച് മണിപ്പൂർ ഗവർണർ അനുസൂയ ഉയ്‌കെയാണ് ഉത്തരവിറക്കിയത്.

ഈ സാമ്പത്തിക വർഷത്തിലെ അവസാന ദിനങ്ങളായതിനാൽ സർക്കാർ ഓഫീസിലെ പ്രവർത്തനങ്ങൾ സുഗമമായി പൂർത്തികരിക്കുന്നതിനാണ് ഈ ദിവസങ്ങൾ പ്രവൃത്തിദിനമായി പ്രഖ്യാപിച്ചത് എന്നാണ് സർക്കാരിന്റെ വിശദീകരണം.

ഈ ഉത്തരവിനെതിരെയാണ് വിഡി സതീശൻ രംഗത്ത് വന്നത്.

ഞെട്ടിക്കുന്ന നടപടിയാണെന്നും മണിപ്പൂർ ജനതക്ക് ഇപ്പോഴും അരക്ഷിതത്വം സമ്മാനിക്കുകയാണെന്നും അദ്ദേഹം പ്രതികരിച്ചു. ഇവരാണ് കേരളത്തിൽ കേക്കുമായി ആളെ കാണാൻ നടക്കുന്നത്. ആട്ടിൻ തോലണിഞ്ഞ ചെന്നായ്ക്കളാണ് സംഘപരിവാറെന്നും അദ്ദേഹം ആരോപിച്ചു.