പത്തനംതിട്ട: പുല്ലുമേട് കാനന പാത വഴി സന്നിധാനത്തേക്ക് വരുന്നതിനിടെ വനത്തിൽ കുരുങ്ങിയ ശബരിമല തീർത്ഥാടകരെ രക്ഷപ്പെടുത്തി. സന്നിധാനത്ത് നിന്ന് രണ്ട് കിലോ മീറ്റർ ഉള്ളിലാണ് തീർത്ഥാടകർ കുടുങ്ങിയത്. 

 തമിഴ്നാട്ടിൽ നിന്നുമെത്തിയ സംഘത്തിലെ മൂന്ന് പേർക്ക് നടക്കാൻ കഴിയാതെ വന്നതോടെയാണ് തീർത്ഥാടക സംഘം വനത്തിൽ കുടുങ്ങിയത്.

32 അംഗ സംഘത്തിലെ മൂന്ന് പേർക്കാണ് പേശി വലിവ് കാരണം നടക്കാൻ സാധിക്കാതെ വന്നത്. 

  വനംവകുപ്പ് ഉദ്യോഗസ്ഥർ അറിയിച്ചതിനെ തുടർന്ന് എൻഡിആർഎഫും ഫയർഫോഴ്സും പൊലീസും ചേർന്ന് ഇവരെ രക്ഷിച്ച് സന്നിധാനത്ത് എത്തിക്കുകയായിരുന്നു. സംഘത്തിലുണ്ടായിരുന്ന എല്ലാവരും സുരക്ഷിതരാണെന്ന് അധികൃതർ അറിയിച്ചു.

 വിവരം ലഭിച്ചതിനെ തുടർന്ന് ഫയർഫോഴ്സ്, എൻഡിആർഎഫ്, ഫോറസ്റ്റ് സംഘം സ്ഥലത്തെത്തി രക്ഷപ്പെടുത്തുകയായിരുന്നു.  

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്