മുംബൈ: സിജെപിയുടെ പ്രതിഷേധ പരിപാടിയിൽ പങ്കെടുത്തതിന് ബോളിവുഡ് നടൻ ഇമ്രാൻ ഖാൻ നിരുപാധികം മാപ്പ് പറയണമെന്ന് ബോംബൈ ഹൈക്കോടതി ആവശ്യപ്പെട്ടു. നടൻ സമർപ്പിച്ച സത്യവാങ്മൂലം മാത്രം പോരെന്നും കോടതി ചൂണ്ടിക്കാട്ടി.
സിജെപിയുടെ പ്രതിഷേധ പരിപാടിയിൽ പങ്കെടുത്തതിനെ തുടർന്ന് രാജ്യം വിടാൻ ആവശ്യപ്പെട്ട് വിദേശ പ്രാദേശിക രജിസ്ട്രേഷൻ ഓഫീസ് നൽകിയ നോട്ടീസിനെതിരെയാണ് നടൻ ബോംബെ ഹൈക്കോടതിയെ സമീപിച്ചത്. പ്രതിഷേധ സംഘാടകരുമായി തനിക്ക് നേരിട്ട് ബന്ധമില്ലെന്നും സത്യവാങ്മൂലം നൽകാൻ തയ്യാറാണെന്നും ഇമ്രാൻ ഖാൻ സമർപ്പിച്ച ഹർജിയിൽ വ്യക്തമാക്കിയിരുന്നു.
എന്നാൽ വെറുമൊരു സത്യവാങ്മൂലം മാത്രം പോരെന്നും നിരുപാധികം മാപ്പു പറയണമെന്നും കോടതി കർശനമായി വ്യക്തമാക്കി. ഒരു ഇന്ത്യൻ പൗരനാണ് വിദേശത്ത് ഇതുപോലെ പ്രതിഷേധിച്ചതെങ്കിൽ തൊട്ടടുത്ത വിമാനത്തിൽ അവരെ തിരികെ അയക്കുമായിരുന്നു എന്ന് കോടതി ചൂണ്ടിക്കാട്ടി. വർഷങ്ങളായി ഇന്ത്യയിൽ താമസിക്കുന്നയാൾ ഇപ്പോൾ എന്തിനാണ് സമരം ചെയ്യാൻ ഇറങ്ങിയതെന്നും കോടതി ചോദിച്ചു.
അതേസമയം, നോട്ടീസിന്മേലുള്ള ഇടക്കാല സ്റ്റേ കോടതി ഡിസംബർ 7 വരെ നീട്ടി നൽകിയിട്ടുണ്ട്. അമേരിക്കൻ പൗരത്വമുള്ള ഇമ്രാൻ ഖാന് ഇന്ത്യയിലെ പൊതു പ്രതിഷേധങ്ങളിൽ പങ്കെടുക്കാൻ പരിമിതമായ അവകാശങ്ങൾ മാത്രമേയുള്ളൂ എന്നാണ് എഫ്.ആർ.ആർ.ഒ കോടതിയിൽ വാദിച്ചത്. തന്റെ കുടുംബവും തൊഴിലും വേരുകളും പൂർണ്ണമായും ഇന്ത്യയിലാണെന്നും രാജ്യം വിടാൻ നിർബന്ധിക്കരുതെന്നുമാണ് ഇമ്രാൻ ഖാൻ കോടതിയോട് അഭ്യർത്ഥിച്ചിരിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261102055446.jpg)
-20261102125308.jpg)
-20261102121306.jpg)
-20261101123639.jpg)
