ന്യൂഡല്‍ഹി: രാജ്യത്തെ വ്യവസായ-വാണിജ്യ മേഖലയ്ക്ക് വലിയ ഊര്‍ജ്ജവും ആശ്വാസവും പകരുന്ന ചരിത്രപരമായ നീക്കവുമായി കേന്ദ്ര സര്‍ക്കാര്‍. ജിഎസ്ടി ഉദ്യോഗസ്ഥരില്‍ കേന്ദ്രീകരിച്ചിരിക്കുന്ന അറസ്റ്റ് ചെയ്യാനുള്ള വിപുലമായ അധികാരങ്ങള്‍ എടുത്തുമാറ്റാന്‍ കേന്ദ്ര സര്‍ക്കാര്‍ ഒരുങ്ങുന്നു. നികുതി തട്ടിപ്പുകള്‍ തടയാന്‍ എന്ന പേരില്‍ ഉദ്യോഗസ്ഥര്‍ക്ക് നല്‍കിയ ഈ അധികാരം വ്യാപാരികളെ ഭയപ്പെടുത്താനും പീഡിപ്പിക്കാനും വ്യാപകമായി ദുരുപയോഗം ചെയ്യുന്നുവെന്ന ആക്ഷേപങ്ങള്‍ക്കിടയിലാണ് സര്‍ക്കാറിന്റെ ഈ നിര്‍ണ്ണായക ഇടപെടല്‍.
രാജ്യത്തെ ഈസി ഓഫ് ഡൂയിംഗ് ബിസിനസ് സാഹചര്യം മെച്ചപ്പെടുത്തുന്നതിന്റെ ഭാഗമായി ഉയര്‍ന്ന തലത്തില്‍ ഉയര്‍ന്നുവന്ന ആവശ്യങ്ങള്‍ പരിഗണിച്ചാണ് കേന്ദ്രം ഇപ്പോള്‍ കനത്ത നടപടിയിലേക്ക് കടക്കുന്നത്. ഒക്ടോബര്‍ ഏഴിന് ചേരുന്ന നിര്‍ണ്ണായകമായ ജിഎസ്ടി കൗണ്‍സില്‍ യോഗത്തില്‍ ഈ ശുപാര്‍ശ ഔദ്യോഗികമായി അവതരിപ്പിക്കും. കൗണ്‍സിലിന്റെ പച്ചക്കൊടി ലഭിക്കുന്നതോടെ വരാനിരിക്കുന്ന പാര്‍ലമെന്റ് സമ്മേളനത്തില്‍ നിയമഭേദഗതി ബില്ല് കൊണ്ടുവന്ന് ഇത് പ്രാബല്യത്തില്‍ വരുത്താനാണ് കേന്ദ്രത്തിന്റെ തീരുമാനം. ഇതോടെ ഉദ്യോഗസ്ഥരുടെ അനാവശ്യ ഭീഷണികളില്ലാതെ സ്വതന്ത്രമായി വ്യാപാരം നടത്താന്‍ വ്യാപാരികള്‍ക്ക് സാധിക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260320092004.webp)
