പശ്ചിമേഷ്യയിൽ യുദ്ധം ആരംഭിച്ച് ഒരു മാസം പിന്നിടുമ്പോൾ അതീവ ഗുരുതരമായ ആരോപണവുമായി ഇറാൻ രംഗത്ത്. നയതന്ത്ര തലത്തിൽ സമാധാന ചർച്ചകൾ നടക്കുന്നുണ്ടെന്ന് അമേരിക്ക പുറംലോകത്തെ വിശ്വസിപ്പിക്കുമ്പോൾ തന്നെ രഹസ്യമായി ഇറാനിലേക്ക് കരയുദ്ധത്തിന് പദ്ധതിയിടുകയാണെന്ന് പാർലമെന്റ് സ്പീക്കർ മുഹമ്മദ് ബാഖർ ഖാലിബാഫ് കുറ്റപ്പെടുത്തി. ശത്രു പരസ്യമായി ചർച്ചകളുടെ സന്ദേശം അയക്കുകയും രഹസ്യമായി ആക്രമണത്തിന് തയ്യാറെടുക്കുകയുമാണെന്ന് അദ്ദേഹം പ്രസ്താവനയിൽ പറഞ്ഞു.
ഇറാൻ ഔദ്യോഗിക വാർത്താ ഏജൻസിയായ ഇർന പുറത്തുവിട്ട പ്രസ്താവനയിലാണ് അമേരിക്കയുടെ ഇരട്ടത്താപ്പിനെ ഖാലിബാഫ് രൂക്ഷമായി വിമർശിച്ചത്. അമേരിക്കൻ സൈനികർ ഇറാന്റെ മണ്ണിലേക്ക് കാൽവെക്കാൻ തങ്ങളുടെ പോരാളികൾ കാത്തിരിക്കുകയാണെന്ന് അദ്ദേഹം മുന്നറിയിപ്പ് നൽകി. അത്തരമൊരു നീക്കമുണ്ടായാൽ അമേരിക്കൻ സൈനികരെ അഗ്നിക്കിരയാക്കുമെന്നും മേഖലയിലെ അവരുടെ സഖ്യകക്ഷികളെ കടുത്ത രീതിയിൽ ശിക്ഷിക്കുമെന്നും അദ്ദേഹം കൂട്ടിച്ചേർത്തു.
മിസൈലുകൾ സജ്ജമാണെന്നും പോരാട്ടവീര്യം വർദ്ധിച്ചതായും സ്പീക്കർ വ്യക്തമാക്കി. കഴിഞ്ഞ മാസം ഫെബ്രുവരി 28ന് ഇസ്രായേലും അമേരിക്കയും ചേർന്ന് ഇറാനിൽ നടത്തിയ വ്യോമാക്രമണത്തിന് പിന്നാലെയാണ് മേഖലയിൽ യുദ്ധം പൊട്ടിപ്പുറപ്പെട്ടത്. നിലവിൽ പശ്ചിമേഷ്യ ചരിത്രത്തിലെ തന്നെ ഏറ്റവും നിർണ്ണായകമായ ഘട്ടത്തിലൂടെയാണ് കടന്നുപോകുന്നത്. ഒരു വശത്ത് പാകിസ്ഥാൻ ഉൾപ്പെടെയുള്ള രാജ്യങ്ങൾ സമാധാന ചർച്ചകൾക്ക് മുൻകൈ എടുക്കുന്നുണ്ടെങ്കിലും മറുവശത്ത് സൈനിക നീക്കങ്ങൾ ശക്തമാണ്.
അമേരിക്കൻ പ്രസിഡന്റ് ഡൊണാൾഡ് ട്രംപ് മുന്നോട്ടുവെച്ച 15 ഇന സമാധാന നിർദ്ദേശങ്ങൾ ഇറാനെ കീഴടക്കാനുള്ള തന്ത്രം മാത്രമാണെന്നാണ് ഖാലിബാഫിന്റെ പക്ഷം. യുദ്ധത്തിലൂടെ നേടാൻ കഴിയാത്ത കാര്യങ്ങൾ സമാധാനത്തിന്റെ മറവിൽ നേടിയെടുക്കാനാണ് വാഷിംഗ്ടൺ ശ്രമിക്കുന്നത്. ഇറാൻ ഒരിക്കലും അപമാനം സഹിച്ചുള്ള ഒരു ഒത്തുതീർപ്പിന് തയ്യാറല്ലെന്ന് അദ്ദേഹം വ്യക്തമാക്കി. ഇറാനിലെ ജനങ്ങൾ ഐക്യത്തോടെ നിൽക്കണമെന്നും അദ്ദേഹം ആഹ്വാനം ചെയ്തു.
അതിനിടെ അമേരിക്കൻ നാവികസേനയുടെ വമ്പൻ യുദ്ധക്കപ്പലായ യുഎസ്എസ് ട്രിപ്പോളി 3,500 ഓളം സൈനികരുമായി പശ്ചിമേഷ്യൻ തീരത്ത് എത്തിയതായാണ് വിവരം. ഇത് കരയുദ്ധത്തിനുള്ള മുന്നൊരുക്കമാണെന്ന ഇറാൻ സ്പീക്കറുടെ ആരോപണത്തിന് ബലം നൽകുന്നു. ഹോർമുസ് കടലിടുക്ക് വഴിയുള്ള ചരക്ക് നീക്കം നിലച്ചതോടെ ആഗോള എണ്ണ വിപണിയും പ്രതിസന്ധിയിലാണ്. വരും ദിവസങ്ങളിൽ അമേരിക്കയുടെ നീക്കങ്ങൾ എന്താകുമെന്ന ഭയത്തിലാണ് ലോകരാജ്യങ്ങൾ.
English Summary: Iran parliament speaker Mohammad Bagher Ghalibaf accused the United States of secretly plotting a ground attack while publicly engaging in diplomatic efforts and warned that Iranian forces are ready to respond decisively.
Tags: Malayalam News, News Malayalam, Latest Malayalam News, Vachakam News, Iran US War, Mohammad Bagher Ghalibaf, Ground Attack Threat, Middle East Crisis, USA News Malayalam, ഇറാൻ അമേരിക്ക യുദ്ധം, പശ്ചിമേഷ്യൻ പ്രതിസന്ധി
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20251117093228.jpg)
-20260329043623.jpg)
-20250508030843.jpg)
-20260130064601.jpg)
-20260119112314.webp)
-20260326060932.jpg)
