അമേരിക്കയുടെ പുതിയ വിസ നിയന്ത്രണ നയത്തെ ശക്തമായി വിമർശിച്ചു ചൈന. അമേരിക്ക സെൻട്രൽ അമേരിക്കൻ രാജ്യങ്ങളിൽ ബീജിംഗുമായി ബന്ധമുള്ള ആളുകൾക്ക് വിസ നിയന്ത്രണം ഏർപ്പെടുത്തുമെന്ന് പ്രഖ്യാപിച്ചതിനെതിരെ ആണ് ചൈന ബുധനാഴ്ച കടുത്ത പ്രതിഷേധം രേഖപ്പെടുത്തിയത്. ചൈനയുടെ അഭിപ്രായത്തിൽ, ഈ നടപടി ഐക്യരാഷ്ട്രസഭയുടെ ചട്ടങ്ങൾ ലംഘിക്കുന്നതാണ്.

പുതിയ നയം പ്രകാരം, ചൈനീസ് കമ്മ്യൂണിസ്റ്റ് പാർട്ടിക്കുവേണ്ടി മനപ്പൂർവ്വം പ്രവർത്തിക്കുന്നു എന്ന് കരുതപ്പെടുന്ന സെൻട്രൽ അമേരിക്കൻ രാജ്യങ്ങളിലെ ആളുകൾക്കും അവരുടെ നേരിട്ടുള്ള കുടുംബാംഗങ്ങൾക്കും യുഎസിലേക്ക് വിസ ലഭിക്കുന്നത് തടയുമെന്ന് ആണ് അമേരിക്കൻ വിദേശകാര്യ സെക്രട്ടറി മാർക്കോ റൂബിയോ വ്യക്തമാക്കിയത്.

വിസയെ രാഷ്ട്രീയ സമ്മർദ്ദമായി ഉപയോഗിക്കരുത് എന്നാണ് ചൈന പ്രതികരിച്ചത്. വിസ നിയന്ത്രണങ്ങളെ രാഷ്ട്രീയ ആയുധമാക്കുന്നത് എന്ന ഐക്യരാഷ്ട്രസഭാ ചട്ടമാണ് അമേരിക്ക ലംഘിക്കുന്നത് എന്നും സമാനാധികാരവും പരസ്പര ഇടപെടൽ ഇല്ലായ്മയും എന്ന തത്വങ്ങൾ ഇതോടെ ലംഘിക്കപ്പെടുന്നു എന്നും ചൈനീസ് എംബസി എക്‌സിൽ പ്രതികരിച്ചു. ചൈന ഈ രാജ്യങ്ങളുമായി നടത്തുന്ന സഹകരണം അവിടുത്തെ ജനങ്ങളുടെ തൊഴിൽ, സാമ്പത്തിക വളർച്ച, ജീവിത നിലവാരം എന്നിവയ്ക്ക് സഹായകരമാണെന്നും രാജ്യങ്ങൾ തമ്മിലുള്ള ബന്ധം ബഹുമാനത്തിലും പങ്കാളിത്തത്തിലും ആധാരപ്പെടുത്തണം എന്നും സമ്മർദത്തിൽ അല്ല എന്നും അവർ കൂട്ടിച്ചേർത്തു.

അതേസമയം ഈ വിഷയത്തിൽ അമേരിക്കൻ സ്റ്റേറ്റ് ഡിപ്പാർട്ട്മെന്റ് ഇതുവരെ പ്രതികരിച്ചിട്ടില്ല. സെപ്റ്റംബറിൽ നയം പ്രഖ്യാപിച്ചെങ്കിലും, എത്രപേരെയാണ് വിസ നിയന്ത്രണം ബാധിച്ചതെന്ന് അമേരിക്ക ഇതുവരെ വ്യക്തമാക്കിയിട്ടില്ല.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്