യു എസ് - കാനഡ വ്യാപാര യുദ്ധം; രാജ്യങ്ങൾ തമ്മിലുള്ള ബന്ധം ഇതുവരെ കണ്ടിട്ടില്ലാത്തത്ര ദോഷകരമായ സാഹചര്യത്തിലേക്ക്

MARCH 5, 2025, 8:29 PM

യു.എസ്. പ്രസിഡന്റ് ഡൊണാൾഡ് ട്രംപ് കാനഡ, മെക്സിക്കോ, ചൈന എന്നിവയ്‌ക്കെതിരെ പുതിയ താരിഫ് (ഇറക്കുമതി നികുതി) നയങ്ങൾ പ്രഖ്യാപിച്ചു. ട്രംപ് കാനഡയിൽ നിന്ന് വരുന്ന ഉൽപ്പന്നങ്ങൾക്ക് 25% നികുതി ഏർപ്പെടുത്തിയപ്പോൾ, എനർജി (ഇന്ധനം) ഇറക്കുമതിക്കുള്ളത് 10% ആക്കി ചുരുക്കി.

എന്നാൽ ഇതിൽ പ്രതികരിച്ച കാനഡയുടെ പ്രധാനമന്ത്രി ജസ്റ്റിൻ ട്രൂഡോ യു.എസ്. എല്ലാ നികുതികളും പിൻവലിച്ചാലേ കാനഡയും പ്രതികാരനടപടികൾ അവസാനിപ്പിക്കൂ എന്ന നിലപാട് ആണ് സ്വീകരിച്ചിരിക്കുന്നത്. "കുറച്ചു താരിഫ് അല്ല, എല്ലാ നികുതികളും പിൻവലിക്കണം," എന്നാണ് കാനഡൻ ഫിനാൻസ് മന്ത്രി ഡൊമിനിക് ലെബ്ലാങ്ക് വ്യക്തമാക്കിയത്.

ഒന്റാറിയോ പ്രീമിയർ ഡഗ് ഫോർഡ്, കാനഡയിലെ ഏറ്റവും വലിയ പ്രവിശ്യയുടെ നേതാവ്, ട്രൂഡോയുടെ നിലപാടിനെ പിന്തുണച്ചു."ഒന്നോ രണ്ടോ നികുതി കുറയ്ക്കുന്നത് ഞങ്ങൾ അംഗീകരിക്കില്ല. ഈ പ്രശ്നം കാനഡ ആരംഭിച്ചതല്ല. ട്രംപ് തന്നെ ഞങ്ങളുടെ നേരെ സാമ്പത്തിക യുദ്ധം പ്രഖ്യാപിച്ചു. അതിനാൽ, ഒരു നികുതി പോലും ഞങ്ങൾ സഹിക്കില്ല. കാനഡ ശക്തമായി നിലകൊള്ളും." എന്നാൽ അദ്ദേഹം വ്യക്തമാക്കിയത്

"ട്രംപ് ഉദ്ദേശിക്കുന്നത് കാനഡയെ സാമ്പത്തികമായി തളർത്തി പിന്നീട് യുഎസിലേയ്ക്ക് ചേർക്കാനാണ്. അതിനാൽ, നാം ശക്തമായി പ്രതികരിക്കണം" എന്ന് കാനഡൻ വിദേശകാര്യ മന്ത്രി മെലാനി പറഞ്ഞു.

ഈ വ്യാപാര യുദ്ധത്തിന്റെ ആഘാതം എന്തൊക്കെയെന്ന് നോക്കാം

യു.എസ്.-കാനഡ ഓട്ടോ വ്യവസായം 10 ദിവസത്തിനുള്ളിൽ അടച്ചുപൂട്ടാൻ സാധ്യത.
അന്താരാഷ്ട്ര വിപണികൾ തകർന്നേക്കാം, തൊഴിലില്ലായ്മ വർദ്ധിക്കും.
ടാരിഫ് നയങ്ങൾ കാരണം കാനഡയും യു.എസ്. വിപണികളും കടുത്ത സമ്മർദ്ദത്തിൽ.

"യു.എസ്. എല്ലാ ടാരിഫുകളും പിൻവലിച്ചാലേ ഞങ്ങളും പ്രതികാരം അവസാനിപ്പിക്കൂ" എന്നാണ് കാനഡയുടെ നിലപാട്. യു.എസ്.-കാനഡ ബന്ധങ്ങൾ ഇതുവരെ കണ്ടിട്ടില്ലാത്തത്ര ദോഷകരമായ സാഹചര്യത്തിലേക്കാണ് നീങ്ങുന്നത്. വ്യവസായ മേഖലയെ കാക്കാൻ ഇരുരാജ്യങ്ങളും ഉടൻ തന്നെ പുതിയ ചർച്ചകൾ ആരംഭിക്കേണ്ടതുണ്ട് എന്നാണ് വിദഗ്ധർ വ്യക്തമാക്കുന്നത്.