കാനഡയിൽ തൊഴിൽക്ഷാമം കുറയ്ക്കാൻ കുടിയേറ്റക്കാർക്കായി ₹26,000 കോടി നിക്ഷേപം

JULY 23, 2025, 10:02 PM

കാനഡയിലെ പുതിയ സർക്കാർ ശക്തമായ സാമ്പത്തിക വളർച്ചയ്ക്ക് തുടക്കം കുറിക്കാൻ ലോകത്തിലെ മികച്ച കഴിവുകൾക്കായി കാത്തിരിക്കുകയാണ്. അതായത്, വിവിധ രാജ്യങ്ങളിൽ നിന്ന് വരുന്ന കഴിവുള്ള ആളുകളെ സ്വാഗതം ചെയ്യുകയും, തൊഴിൽ മേഖലയിൽ ഉണ്ടാകുന്ന വലിയ ശൂന്യതകൾ നികത്തുകയും ചെയ്യാനാണ് കാനഡയുടെ ദീർഘകാല ലക്ഷ്യം എന്നാണ് ലഭിക്കുന്ന വിവരം.

ഇതിനായി, ഇമിഗ്രേഷൻ, റിഫ്യൂജീസ് ആൻഡ് സിറ്റിസൺഷിപ്പ് മന്ത്രി ലെന മെറ്റ്ലെഗ് ഡിയാബ്, ക്യൂബെക്ക് സംസ്ഥാനത്തൊഴികെ, ബാക്കി കാനഡയിൽ പ്രവർത്തിക്കുന്ന 520-ലധികം സംഘടനകൾക്ക് അടുത്ത 3 വർഷത്തിനുള്ളിൽ $3.2 ബില്യൺ (ഏകദേശം ₹26,000 കോടി) സഹായധനം പ്രഖ്യാപിച്ചു.

ഈ പണം പുതുതായി കുടിയേറിവന്നവരെ അവരുടെ ജീവിതത്തിലേക്ക് സുഗമമായി ചേർക്കാനും, അവർക്ക് തൊഴിൽ ലഭിക്കാനും, ഭാഷ അഭ്യാസം നേടാനും, തദ്ദേശീയ സമൂഹങ്ങളിൽ ഇടപെടാനുമായി ഉപയോഗിക്കും എന്നാണ് ലഭിക്കുന്ന വിവരം.

ഈ പദ്ധതിയിലൂടെ ലഭിക്കുന്ന സേവനങ്ങൾ എന്തൊക്കെ എന്നറിയാം

തൊഴിലിനായി ലൈസൻസ്/സർട്ടിഫിക്കറ്റ് നേടാൻ സഹായം – ചില ജോലികൾക്ക് നിയമപരമായി അംഗീകാരം ആവശ്യമുള്ളതിനാൽ അതിന് സഹായം
ഇംഗ്ലീഷും ഫ്രഞ്ചുമടക്കമുള്ള ഭാഷാ പരിശീലനം – പൊതുവായതും ജോലിക്ക് അനുയോജ്യവുമായതുമുള്ള ക്ലാസുകൾ
ഫ്രഞ്ച് സംസാരിക്കുന്ന കുടിയേറ്റക്കാർക്ക് ക്യൂബെക്കിന് പുറത്തുള്ള ഫ്രാങ്കോഫോൺ (Francophone) സമൂഹങ്ങളിലേയ്ക്ക് ചേർന്ന് ജീവിക്കാനുളള പിന്തുണ
പ്രദേശത്തെ അവശ്യങ്ങൾക്കനുസരിച്ചുള്ള സർവീസുകൾ നൽകുകയാണ് സർക്കാർ ലക്ഷ്യമിടുന്നത്.

അതേസമയം കാനഡയിൽ ഇപ്പോൾ ആരോഗ്യരംഗത്ത്, കെട്ടിടനിർമ്മാണം, പൈപ്പ്‌ലൈൻ തൊഴിലാളികൾ, മറ്റും ഉൾപ്പെടെയുള്ള നിരവധി മേഖലകളിൽ തൊഴിലാളികളുടെ കുറവ് അനുഭവപ്പെടുന്നു എന്നാണ് റിപ്പോർട്ടുകൾ വ്യക്തമാക്കുന്നത്. ഈ പദ്ധതിയിലൂടെ പുതിയ കുടിയേറ്റക്കാർക്ക് ജോലി ലഭിക്കാൻ കഴിയും എന്നും തൊഴിൽവിപണിയിലെ ശൂന്യത കുറയും എന്നും കാനഡയുടെ ഉൽപ്പാദനക്ഷമത ഉയരും എന്നും രാജ്യത്തിന്റെ ആഗോള സാമ്പത്തിക സ്ഥാനം മെച്ചപ്പെടും എന്നുമാണ് പ്രതീക്ഷ.

2025 ഏപ്രിൽ 1 മുതൽ കാനഡയിലെ 520-ലധികം സംഘടനകൾക്ക് ഈ പദ്ധതിയുടെ കീഴിൽ സഹായധനം ലഭിച്ചു എന്നാണ് കണക്കുകൾ വ്യക്തമാക്കുന്നത്. ക്യൂബെക്കിന്റെ പ്രത്യേക നിയമവ്യവസ്ഥയനുസരിച്ച് അവിടത്തെ കുടിയേറ്റ സേവനങ്ങൾക്ക് പ്രത്യേക പദ്ധതികൾ തുടരും. 2014 മുതൽ 2025 വരെയുള്ള കാലയളവിൽ, ക്യൂബെക്കിന് പുറത്തുള്ള 47% കുടിയേറ്റക്കാർയും, പുനരധിവാസം നേടിയ 93% അഭയാർത്ഥികളും, IRCC (Immigration, Refugees and Citizenship Canada) നൽകുന്ന സേവനങ്ങൾ ഉപയോഗിച്ചു എന്നും റിപ്പോർട്ടുകൾ വ്യക്തമാക്കുന്നു.