മൂന്നാമത് ഇന്ത്യ അമേരിക്ക പ്രതിരോധ അക്‌സിലേറേഷന്‍ എക്കോ സിസ്റ്റം (ഇന്‍ഡസ്-എക്സ്) ഉച്ചകോടി ഈ മാസം ഒന്‍പത്, പത്ത് തീയതികളില്‍ നടത്തപ്പെടും. ഇരുരാജ്യങ്ങളിലെയും പ്രതിരോധ മേഖലയിലെ ഉന്നതര്‍ സ്റ്റാന്‍ഫോര്‍ഡ് സര്‍വകലാശാലയില്‍ നടക്കുന്ന ഉച്ചകോടിയില്‍ പങ്കെടുക്കും.

യുഎസ് ഇന്ത്യ സ്ട്രാറ്റജിക് ആന്‍ഡ് പാര്‍ട്ട്ണര്‍ഷിപ്പ് ഫോറവും സ്റ്റാന്‍ഡ്‌ഫോര്‍ഡ് സര്‍വകലാശാലയുടെ ദേശീയ സുരക്ഷ ഇന്നൊവേഷന്റെ ഗോര്‍ഡിയന്‍ നോട്ട് സെന്ററും ഹൂവര്‍ ഇന്‍സ്റ്റിറ്റിയൂഷനും ചേര്‍ന്നാണ് ഉച്ചകോടി സംഘടിപ്പിക്കുന്നത്. അമേരിക്കന്‍ മുന്‍ വിദേശകാര്യ സെക്രട്ടറി കോണ്ടലീസ റൈസ് അടക്കമുള്ള പ്രമുഖര്‍ ഉച്ചകോടിയെ അഭിസംബോധന ചെയ്യും.

പ്രതിരോധ രംഗത്തെ പുത്തന്‍ കണ്ടെത്തലുകള്‍ക്കുള്ള സാങ്കേതികത പങ്കാളിത്തത്തിന് ഇന്ത്യയിലെയും അമേരിക്കയിലെയും നയരൂപകര്‍ത്താക്കളുടെ കൂടിച്ചേരല്‍ കൂടുതല്‍ കരുത്ത് പകരും. സ്റ്റാര്‍ട്ടപ്പുകള്‍, വെഞ്ച്വര്‍ കാപ്പിറ്റല്‍, അക്കാദമിക്, ആക്സിലറേറ്ററുകള്‍, വ്യവസായം എന്നിവയില്‍ നിന്നുള്ള പ്രതിരോധ നവീകരണത്തില്‍ ഇന്ത്യന്‍, അമേരിക്കന്‍ നേതാക്കളെ ഉച്ചകോടി ബന്ധിപ്പിക്കും. കൂടാതെ ഇരു രാജ്യങ്ങളിലെയും സഹ ഉത്പാദനത്തിനും നിക്ഷേപത്തിനും അവസരമുണ്ട്.

മൂന്നാമത് ഇന്‍ഡസ്-എക്സ് ഉച്ചകോടി 'അതിര്‍ത്തി കടന്നുള്ള പ്രതിരോധ നവീകരണ ആവാസവ്യവസ്ഥകള്‍ മെച്ചപ്പെടുത്തുന്നതിനുള്ള നിക്ഷേപ അവസരങ്ങള്‍ പ്രയോജനപ്പെടുത്തുക' എന്ന വിഷയത്തെ ചുറ്റിപ്പറ്റിയുള്ളതാണ്, കൂടാതെ പ്രതിരോധ നവീകരണ മേഖലയിലെ സ്വകാര്യ മൂലധനത്തിന്റെ/നിക്ഷേപങ്ങളുടെ പങ്ക് എടുത്തുകാട്ടുകയും ചെയ്യും.

2023 ജൂണില്‍ ഇന്ത്യ-യുഎസ് സര്‍ക്കാരുകള്‍, ബിസിനസുകള്‍, ആക്സിലറേറ്ററുകള്‍/ഇന്‍കുബേറ്ററുകള്‍, നിക്ഷേപകര്‍, അക്കാദമിക് എന്നിവയ്ക്കിടയിലുള്ള തന്ത്രപരമായ സാങ്കേതിക പങ്കാളിത്തവും പ്രതിരോധ വ്യാവസായിക സഹകരണവും വികസിപ്പിക്കുന്നതിനാണ് ഇന്‍ഡസ്-എക്സ് ആരംഭിച്ചത്.

ഡിഫന്‍സ് എക്സലന്‍സ്, ഡിഫന്‍സ് ഇന്നൊവേഷന്‍ യൂണിറ്റ്, ഓഫിസ് ഓഫ് ഡിഫന്‍സ് എന്നിവ യഥാക്രമം ഇന്ത്യന്‍ പ്രതിരോധ മന്ത്രാലയത്തിനും യുഎസ് ഡിപ്പാര്‍ട്ട്മെന്റ് ഓഫ് ഡിഫന്‍സിനുമായി ഇന്‍ഡസ്-എക്സിനെ നയിക്കുന്നു. പ്രധാനമന്ത്രി നരേന്ദ്ര മോദിയുടെ യുഎസ് സന്ദര്‍ശനത്തിന് മുന്നോടിയായി ആരംഭിച്ച ആദ്യ പതിപ്പ് കഴിഞ്ഞ വര്‍ഷം ജൂണ്‍ 21 ന് വാഷിംഗ്ടണ്‍ ഡിസിയില്‍ നടന്നു.

ഇന്ത്യന്‍, യുഎസ് സ്റ്റാര്‍ട്ടപ്പുകളുടെ നൂതന സാങ്കേതിക വിദ്യകളുടെ ആദ്യ സംയുക്ത പ്രദര്‍ശനവും ചടങ്ങില്‍ നടന്നു. സമുദ്രം, എഐ, സ്വയംഭരണ സംവിധാനങ്ങള്‍, ബഹിരാകാശം തുടങ്ങിയ ഒന്നിലധികം മേഖലകളില്‍ നിന്നുള്ള 15 ഇന്ത്യന്‍ സ്റ്റാര്‍ട്ടപ്പുകളും 10 യുഎസ് സ്റ്റാര്‍ട്ടപ്പുകളും തങ്ങളുടെ സാങ്കേതിക വിദ്യകള്‍ പങ്കാളികള്‍ക്കായി പ്രദര്‍ശിപ്പിച്ചു.

സൈബര്‍, ഇന്നൊവേറ്റീവ് ടെക്‌നോളജീസ് ആന്‍ഡ് ഇന്‍ഫര്‍മേഷന്‍ സിസ്റ്റംസ് സബ്കമ്മിറ്റിയുടെ റാങ്കിങ് അംഗം, ഇന്ത്യയിലെ കോണ്‍ഗ്രസ് കോക്കസ് കോ-ചെയര്‍ എന്നീ നിലകളില്‍ ഹൗസ് ആംഡ് സര്‍വീസസ് കമ്മിറ്റിയില്‍ സേവനമനുഷ്ഠിക്കുന്ന കോണ്‍ഗ്രസുകാരന്‍ റോ ഖന്ന ഉള്‍പ്പെടെയുള്ള മുതിര്‍ന്ന യുഎസ് ഉദ്യോഗസ്ഥര്‍ എക്സിബിഷന്‍ സന്ദര്‍ശിച്ചു. കൂടാതെ ഇന്ത്യന്‍ അമേരിക്കന്‍ വംശജരും പരിപാടിക്കെത്തി. ഡെപ്യൂട്ടി അണ്ടര്‍ സെക്രട്ടറി ഓഫ് ഡിഫന്‍സ് രാധ അയ്യങ്കാര്‍ പ്ലംബും പരിപാടിയ്ക്കെത്തിയിരുന്നു.

അത്യാധുനിക ഇന്‍ഡസ്-എക്സ് ടെക് എക്സ്പോ പ്രതിരോധ, എയ്റോസ്പേസ് സ്റ്റാര്‍ട്ടപ്പുകളില്‍ നിന്നും കമ്പനികളില്‍ നിന്നുമുള്ള അത്യാധുനിക സാങ്കേതികവിദ്യകളും നൂതനാശയങ്ങളും പ്രദര്‍ശിപ്പിക്കും.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1