സൂറിച്ച്: ഉയര്‍ന്ന അന്തരീക്ഷ ഊഷ്മാവും കുറഞ്ഞ മഞ്ഞുവീഴ്ചയും കാരണം 2026-ല്‍ സ്വിറ്റ്സര്‍ലന്‍ഡിലെ ഹിമാനികളില്‍ (ഏഹമരശലൃ)െ അസാധാരണമായ മഞ്ഞുരുകല്‍ രേഖപ്പെടുത്തിയതായി പുതിയ പഠന റിപ്പോര്‍ട്ട്. ഒറ്റ വര്‍ഷം കൊണ്ട് രാജ്യത്തെ മൊത്തം മഞ്ഞുശേഖരത്തിന്റെ 5.5 ശതമാനമാണ് നഷ്ടമായത്.
ഗ്ലേസിയര്‍ മോണിറ്ററിംഗ് സ്വിറ്റ്സര്‍ലന്‍ഡ് (GLAMOS)പ്രസിദ്ധീകരിച്ച വാര്‍ഷിക റിപ്പോര്‍ട്ടിലാണ് ഈ വിവരങ്ങളുള്ളത്. ചരിത്രത്തില്‍ ഏറ്റവും കൂടുതല്‍ മഞ്ഞുരുകല്‍ രേഖപ്പെടുത്തിയ 2022-ന് തൊട്ടുപിന്നിലാണ് നിലവിലെ മഞ്ഞുരുകല്‍ നിരക്ക്. 2022-ല്‍ 5.9 ശതമാനം മഞ്ഞുശേഖരമാണ് സ്വിസ് ഹിമാനികള്‍ക്ക് നഷ്ടമായത്. 23 പ്രമുഖ ഹിമാനികളില്‍ നടത്തിയ അളവെടുപ്പില്‍ ചിലതില്‍ 2022-ലേതിനേക്കാള്‍ ഉയര്‍ന്ന മഞ്ഞുരുകല്‍ രേഖപ്പെടുത്തിയിട്ടുണ്ട്.
കഴിഞ്ഞ അഞ്ച് വര്‍ഷത്തിനിടയില്‍ മഞ്ഞുരുകലിന്റെ വേഗതയില്‍ വന്‍ വര്‍ദ്ധനവാണ് ഉണ്ടായതെന്ന് GLAMOS തലവനും റിപ്പോര്‍ട്ടിന്റെ സഹരചയിതാവുമായ മത്യാസ് ഹസ് വ്യക്തമാക്കി. തുടക്കത്തില്‍ മഞ്ഞുരുകുന്നത് മൂലം പുഴകളില്‍ ജലലഭ്യത കൂടുമെങ്കിലും, ദീര്‍ഘകാലാടിസ്ഥാനത്തില്‍ ഇത് വേനല്‍ക്കാല ജല ലഭ്യതയെ പൂര്‍ണ്ണമായും ഇല്ലാതാക്കും. ഇത് കുടിവെള്ള വിതരണം, ജലവൈദ്യുത ഉല്‍പ്പാദനം, കാര്‍ഷിക ജലസേചനം, ജലഗതാഗതം എന്നിവയെ സാരമായി ബാധിക്കും.
മെയ് മുതല്‍ സെപ്റ്റംബര്‍ വരെയുള്ള മാസങ്ങളില്‍ അനുഭവപ്പെട്ട കടുത്ത ഉഷ്ണതരംഗവും, ശൈത്യകാലത്ത് ആല്‍പ്‌സ് പര്‍വ്വതനിരകളില്‍ ലഭിച്ച കുറഞ്ഞ മഞ്ഞുവീഴ്ചയുമാണ് ഇതിന് പ്രധാന കാരണമായത്. സ്വിറ്റ്സര്‍ലന്‍ഡിന്റെ ചരിത്രത്തിലെ ഏറ്റവും ചൂടേറിയ വേനല്‍ക്കാലമായിരുന്നു ഇത്തവണത്തേതെന്ന് ഫെഡറല്‍ ഓഫീസ് ഓഫ് മെറ്റിയോറോളജി ആന്‍ഡ് ക്ലൈമറ്റോളജി സ്ഥിരീകരിച്ചു.
2016 മുതല്‍ 2026 വരെയുള്ള കഴിഞ്ഞ പത്ത് വര്‍ഷത്തിനിടയില്‍ സ്വിസ് ഹിമാനികളിലെ 27 ശതമാനം മഞ്ഞാണ് ഉരുകിത്തീര്‍ന്നത്. ഹിമാനികളുടെ വലിപ്പം ചുരുങ്ങുന്നതോടെ പര്‍വ്വതനിരകളുടെ സ്വാഭാവിക രൂപം തന്നെ മാറുകയാണെന്ന് ശാസ്ത്രജ്ഞര്‍ ആശങ്ക പ്രകടിപ്പിക്കുന്നു.
English summary
A recent report by Glacier Monitoring Switzerland (GLAMOS) reveals that Swiss glaciers suffered an "extraordinary" 5.5% loss of their total ice volume in 2026—the second-highest annual drop on record behind 2022—driven by record summer heatwaves and minimal winter snowfall across the Alps. Scientists warn that while melting initially spikes water flow, the long-term shrinkage of these ice masses will severely impair seasonal water availability, threatening drinking supplies, hydroelectric power generation, agricultural irrigation, and waterway transportation, while fundamentally altering the alpine landscape as ice gives way to bare rock.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260413101910.jpg)
-20260224034230.jpg)
-20260518060851.jpg)
