സ്പേസ് റേസിൽ മുന്നേറാനുള്ള ശ്രമങ്ങളുടെ ഭാഗമായി, അമേരിക്ക ചന്ദ്രനിൽ ഒരു ആണവ റിയാക്ടർ സ്ഥാപിക്കാൻ പദ്ധതിയിടുന്നതായി റിപ്പോർട്ട്. ചന്ദ്രനിൽ ഒരു ചെറിയ ആണവ റിയാക്ടർ സ്ഥാപിക്കാനുള്ള പദ്ധതി ഉടൻ പ്രഖ്യാപിക്കാനാണ് തയ്യാറെടുക്കുന്നത് എന്നാണ് നാസയുടെ പുതിയ തലവനായ ഷോൺ ഡഫി വ്യക്തമാക്കുന്നത്.

അതിവിശാലമായ ദൗത്യങ്ങൾ ചന്ദ്രനിൽ നടത്താനും ഭാവിയിലെ മാർസ് യാത്രകൾക്ക് അടിസ്ഥാനം ഒരുക്കാനും ഇത് സഹായിക്കും എന്നാണ് അദ്ദേഹം വ്യക്തമാക്കുന്നത്. നാസ തയാറാക്കുന്ന ആണവ റിയാക്ടർ ചന്ദ്രനിൽ ദീർഘകാല ദൗത്യങ്ങൾ നടത്താൻ സഹായിക്കും. ഭാവിയിൽ മാർസിലേക്ക് മനുഷ്യരെ അയയ്ക്കുന്നതിനുള്ള തയ്യാറെടുപ്പുകൾക്കാണ് ഇത് വലിയ അടിസ്ഥാനം ഒരുക്കുക. മനുഷ്യരെ ചന്ദ്രനിലേക്കും മാർസിലേക്കും സ്ഥിരമായി അയയ്‌ക്കാൻ അമേരിക്ക ഉദ്ദേശിക്കുന്ന പദ്ധതികളുടെ ഭാഗമാണിത് എന്നാണ് പുറത്തു വരുന്ന റിപ്പോർട്ട്.

ചന്ദ്രന്റെ രാത്രികൾ ഭൂമിയിലെ രണ്ടാഴ്ചയ്ക്കു സമമാണെന്നും അതുകൊണ്ട് തന്നെ സോളാർ പാനലുകൾ ഉപയോഗിക്കാൻ കഴിയില്ലെന്നും നാസ വ്യക്തമാക്കുന്നു. അതിനാൽ തന്നെ സ്ഥിരമായ വൈദ്യുതി ഉറവിടം ഒരുക്കുന്നതാണ് ഏറ്റവും പ്രധാനപ്പെട്ടത്. അതിനാണ് ആണവ റിയാക്ടറുകൾ ഉപയോഗിക്കുന്നത് ആണ് ഏറ്റവും ഉചിതമെന്നും ശാസ്ത്രജ്ഞർ വ്യക്തമാക്കുന്നു.

"നമ്മൾ ചന്ദ്രനിൽ താമസിക്കാവുന്ന സംവിധാനം ഒരുക്കണമെങ്കിൽ, അതിനായി ശക്തമായ വൈദ്യുതി ഉറവിടം വേണ്ടിവരും. ഇപ്പോൾ സബ്‌മാരിനുകളിലും എയർക്രാഫ്റ്റ് കെയറിയറുകളിലും ചെറിയ ആണവ റിയാക്ടറുകൾ ഉപയോഗിച്ചു വരികയല്ലോ. അതുപോലെ ചന്ദ്രനിലേക്കും ഒരുപോലെ റിയാക്ടർ കൊണ്ടുപോകേണ്ടതുണ്ട്" എന്നാണ് ഒരു നാസ ഉദ്യോഗസ്ഥൻ പറഞ്ഞത്.

ചൈനയും റഷ്യയും ചേർന്ന് 2030കളുടെ മധ്യത്തിൽ തന്നെ ചന്ദ്രനിൽ ആണവ റിയാക്ടർ സ്ഥാപിക്കാൻ പദ്ധതിയിട്ടിട്ടുണ്ട്. അതിനാൽ തന്നെ ഈ വിഷയത്തിൽ അമേരിക്ക വൈകാതെ നടപടി സ്വീകരിക്കണമെന്നാണ് നാസയുടെ പുതിയ നയത്തിൽ വ്യക്തമാക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്