ന്യൂയോർക്: മുൻ അമേരിക്കൻ പ്രസിഡന്റ് ഡൊണാൾഡ് ട്രംപിന് വീണ്ടും പിഴയിട്ട് കോടതി. പീഡനം മറച്ചുവെക്കാൻ കോഴ നൽകിയ കേസിൽ മൗനം പാലിക്കാനുള്ള ജഡ്ജിയുടെ നിർദേശം ലംഘിച്ചതിനാണ് പിഴ ചുമത്തിയത്.
ക്രിമിനൽ കേസിൽ വിചാരണ നടക്കുന്നതിനിടെ കേസിനെക്കുറിച്ചുള്ള പരാമർശങ്ങൾ പാടില്ലെന്നായിരുന്നു കോടതി നിർദേശം. ഇത് മറികടക്കുന്നത് കോടതി വെച്ചുപൊറുപ്പിക്കില്ലെന്നും ന്യൂയോർക് ജഡ്ജി ജുവാൻ മെർക്കൻ വ്യക്തമാക്കി.
കഴിഞ്ഞയാഴ്ച കേസിലെ സാക്ഷികളെയും മറ്റുള്ളവരെയും വിമർശിച്ച് ട്രംപ് എഴുതിയ ഓരോ പോസ്റ്റിനും ആയിരം ഡോളർ വീതം (ആകെ 9,000 ഡോളർ) പിഴയിട്ടിരുന്നു. ഒമ്പത് നിയമലംഘനങ്ങൾക്കാണ് അന്ന് ശിക്ഷിച്ചത്. ഒരാഴ്ചക്കകം പിഴയൊടുക്കണമെന്നും നിർദേശിച്ചിരുന്നു.
2016ലെ പ്രസിഡന്റ് തിരഞ്ഞെടുപ്പിന് മുന്നോടിയായി ബിസിനസ് രേഖകളിൽ കൃത്രിമം കാണിച്ചതിനാണ് ട്രംപ് വിചാരണ നേരിടുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്