ഓസ്റ്റിൻ:ടെക്സാസിലെ എല്ലാ ഹൈസ്കൂൾ കാമ്പസുകളിലും ടേണിംഗ് പോയിന്റ് യു.എസ്.എ. (TPUSA) എന്ന യാഥാസ്ഥിതിക യുവജന സംഘടനയുടെ ചാപ്റ്ററുകൾ സ്ഥാപിക്കുന്നതിനുള്ള പങ്കാളിത്തത്തിന് തുടക്കമായി.
ടെക്സാസ് ഗവർണർ ഗ്രെഗ് ആബട്ട്, ലെഫ്റ്റനന്റ് ഗവർണർ ഡാൻ പാട്രിക്, TPUSA സീനിയർ ഡയറക്ടർ ജോഷ് തിഫാൾട്ട് എന്നിവർ ചേർന്നാണ് 'ക്ലബ്ബ് അമേരിക്ക' എന്ന പേരിലുള്ള ഈ പദ്ധതി പ്രഖ്യാപിച്ചത്.
ഈ ക്ലബ്ബുകൾ തുടങ്ങുന്നതിന് തടസ്സം നിൽക്കുന്ന സ്കൂളുകൾക്കെതിരെ കർശനമായ അച്ചടക്ക നടപടി ഉണ്ടാകുമെന്ന് ഗവർണർ ആബട്ട് മുന്നറിയിപ്പ് നൽകി. ഇത്തരം സ്കൂളുകളെ ഉടൻ ടെക്സാസ് വിദ്യാഭ്യാസ ഏജൻസിയെ (TEA) അറിയിക്കണമെന്നും അദ്ദേഹം ആവശ്യപ്പെട്ടു.
പദ്ധതി യാഥാർത്ഥ്യമാക്കാൻ ലെഫ്റ്റനന്റ് ഗവർണർ പാട്രിക് തന്റെ പ്രചാരണ ഫണ്ടിൽ നിന്ന് 1 മില്യൺ ഡോളർ (ഏകദേശം ?8.3 കോടി) സഹായം പ്രഖ്യാപിച്ചിരുന്നു.
യാഥാസ്ഥിതിക മൂല്യങ്ങൾ പ്രോത്സാഹിപ്പിക്കാൻ കോളേജ് കാമ്പസുകളിൽ പ്രവർത്തിച്ചിരുന്ന സംഘടനയാണ് TPUSA. ഇതിന്റെ സ്ഥാപകനായ ചാൾസ് കിർക്ക് ഈ വർഷം സെപ്തംബറിൽ കൊല്ലപ്പെട്ടതിനു പിന്നാലെ, ചില അധ്യാപകർ അദ്ദേഹത്തെ പരിഹസിച്ച് പോസ്റ്റിട്ടെന്ന ആരോപണത്തിൽ ടെക്സാസ് സർക്കാർ അന്വേഷണം ആരംഭിച്ചിരുന്നു.
TPUSA യുടെ ഹൈസ്കൂൾ ചാപ്റ്ററുകളായ 'ക്ലബ്ബ് അമേരിക്ക' ശക്തമായ ശൃംഖലകൾ നിർമ്മിക്കാനും, വോട്ടർ രജിസ്ട്രേഷന് സഹായിക്കാനും, സ്വതന്ത്ര സമൂഹത്തിന്റെ അടിസ്ഥാനങ്ങളെക്കുറിച്ച് സംഭാഷണങ്ങൾ പ്രചോദിപ്പിക്കാനും ലക്ഷ്യമിടുന്നു.
TPUSA, വംശീയവും ലൈംഗിക ന്യൂനപക്ഷ വിരുദ്ധവുമായ വിദ്വേഷ പ്രസംഗങ്ങൾ പ്രചരിപ്പിക്കുന്നു എന്ന് ആരോപിച്ച് വിദ്യാർത്ഥികളും രക്ഷിതാക്കളും ഇതിനെതിരെ പ്രതിഷേധിക്കുകയും ചാപ്റ്ററുകൾ നീക്കം ചെയ്യണമെന്ന് ആവശ്യപ്പെടുകയും ചെയ്തിട്ടുണ്ട്.
ടെക്സാസിനു പുറമേ ഒക്ലഹോമ, ഫ്ളോറിഡ എന്നിവിടങ്ങളിലെ റിപ്പബ്ലിക്കൻ ഉദ്യോഗസ്ഥരും TPUSA യുടെ പ്രവർത്തനങ്ങൾ വിപുലീകരിക്കാൻ പങ്കാളിത്തം പ്രഖ്യാപിച്ചിട്ടുണ്ട്.
നിലവിൽ ടെക്സാസിലെ 500ലധികം ഹൈസ്കൂളുകളിൽ 'ക്ലബ്ബ് അമേരിക്ക' ചാപ്റ്ററുകൾ ഉണ്ടെന്ന് അധികൃതർ അറിയിച്ചു.
പി പി ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-11-20260113024610.webp)
-20201011060831.jpg)
-20260228043934.jpeg)
-20260302012446.jpeg)
-20260302012445.jpeg)
