-20251119125248.jpg)
വാഷിംഗ്ടണ്: ഓപ്പറേഷന് സിന്ദൂറിനിടെ ഇന്ത്യയുടെ റഫാല് വിമാനങ്ങള് തകര്ക്കപ്പെട്ടുവെന്ന പ്രചാരണത്തിന് പിന്നില് ചൈനയാണെന്ന് യു.എസ് റിപ്പോര്ട്ട്. യുഎസ് കോണ്ഗ്രസിന്റെ ഉപദേശക സമിതിയാണ് വ്യാജ പ്രചാരണങ്ങള്ക്ക് പിന്നില് ചൈനയാണെന്ന റിപ്പോര്ട്ട് പുറത്തുവിട്ടത്. എഐ നിര്മിത ചിത്രങ്ങളും വിവരങ്ങളും ഉപയോഗിച്ച് സാമൂഹിക മാധ്യമങ്ങള് വഴി വ്യാപക പ്രചാരണമാണ് നടന്നതെന്നാണ് റിപ്പോര്ട്ടില് പറയുന്നത്.
യുഎസ്-ചൈന ഇക്കണോമിക് ആന്ഡ് സെക്യൂരിറ്റി റിവ്യൂ കമ്മീഷന് യുഎസ് കോണ്ഗ്രസിന് സമര്പ്പിച്ച വാര്ഷിക റിപ്പോര്ട്ടിലാണ് ഇക്കാര്യങ്ങള് പറയുന്നത്. റഫാല് വിമാനത്തിന്റെ അവശിഷ്ടങ്ങളെന്ന തോന്നിക്കുന്ന എഐ നിര്മിത ചിത്രങ്ങള് പ്രചരിപ്പിക്കാന് ചൈന വ്യാജ സോഷ്യല് മീഡിയ അക്കൗണ്ടുകള് ഉപയോഗിച്ചതായി റിപ്പോര്ട്ട് ചൂണ്ടിക്കാട്ടുന്നു. ചൈനീസ് പ്രതിരോധ സംവിധാനങ്ങള് ഉപയോഗിച്ച് ഇന്ത്യന്, ഫ്രഞ്ച് വിമാനങ്ങളെ നശിപ്പിച്ചതായി ചിത്രീകരിക്കാനാണ് ഇവര് ശ്രമിച്ചതെന്നും റിപ്പോര്ട്ട് വ്യക്തമാക്കുന്നു.
ഇന്ത്യന് വ്യോമസേന ഉപയോഗിക്കുന്ന ഫ്രഞ്ച് നിര്മ്മിത റഫാല് യുദ്ധവിമാനത്തിന്റെ ആഗോള വിപണി സാധ്യതകളെ തകര്ക്കുക എന്നതായിരുന്നു ചൈനയുടെ പ്രധാന ലക്ഷ്യം. ഇതിലൂടെ ചൈനയുടെ യുദ്ധവിമാനമായ ജെ-35ന്റെ വിപണി സാധ്യതകള് വര്ധിപ്പിക്കാനും ശ്രമിച്ചുവെന്നും റിപ്പോര്ട്ട് ചൂണ്ടിക്കാട്ടുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-11-20260113024610.webp)
-20201011060831.jpg)
-20260228043934.jpeg)
-20260302012446.jpeg)
-20260302012445.jpeg)
