വാഷിംഗ്ടൺ ഡി.സി : യു.എസ്.എ.യിലെ ആരോഗ്യ ഇൻഷുറൻസ് പദ്ധതിയായ മെഡികെയർ (Medicare) ഉൾപ്പെടെയുള്ള 15 മുൻനിര മരുന്നുകളുടെ വില കുറയ്ക്കാൻ തീരുമാനിച്ചു. പ്രമേഹത്തിനും ശരീരഭാരം കുറയ്ക്കുന്നതിനും ഉപയോഗിക്കുന്ന ഓസെമ്പിക് (Ozempic), വെഗോവി (Wegovy) എന്നിവ ഈ പട്ടികയിൽ ഉൾപ്പെടുന്നു.

പ്രസിഡന്റ് ജോ ബൈഡന്റെ ഭരണകൂടം കൊണ്ടുവന്ന 'ഇൻഫ്‌ളേഷൻ റിഡക്ഷൻ ആക്ട്' (Inflation Reduction Act) പ്രകാരം ആരംഭിച്ച മരുന്ന് വിലപേശൽ പരിപാടിയിലൂടെയാണ് വിലക്കുറവ് സാധ്യമായത്.

ഓസെമ്പിക്, വെഗോവി (ടൈപ്പ് 2 പ്രമേഹം, ശരീരഭാരം കുറയ്ക്കൽ): നിലവിലെ ലിസ്റ്റ് വില $959ൽ നിന്ന് $274 ആയി കുറച്ചു. ട്രെലെജി എലിപ്റ്റ (Trelegy Ellipta) (ആസ്ത്മ): $654ൽ നിന്ന് $175 ആയി കുറച്ചു. എക്സ്റ്റാൻഡി (Xtandi) (പ്രോസ്റ്റേറ്റ് കാൻസർ): $13,480ൽ നിന്ന് $7,004 ആയി കുറച്ചു. പോമലിസ്റ്റ് (Pomalyst) (കീമോതെറാപ്പി): $21,744ൽ നിന്ന് $8,650 ആയി കുറച്ചു.

മൊത്തത്തിൽ, ഈ 15 മരുന്നുകൾക്ക് മെഡികെയർ പാർട്ട് ഡി (Medicare Part D) ചെലവിന്റെ 15% (ഏകദേശം $42.5 ബില്യൺ) വരും.

ഈ റൗണ്ടിലെ കുറഞ്ഞ വിലകൾ 2027 മുതൽ പ്രാബല്യത്തിൽ വരും. 2026 മുതൽ പ്രാബല്യത്തിൽ വരുന്ന 10 മരുന്നുകളുടെ ആദ്യ റൗണ്ട് വിലപേശൽ നേരത്തെ പൂർത്തിയാക്കിയിരുന്നു.

ഈ വിലക്കുറവ് വഴി നികുതിദായകർക്ക് 12 ബില്യൺ ഡോളറും, മെഡികെയർ ഗുണഭോക്താക്കൾക്ക് 2027ൽ $685 മില്യൺ ഡോളറും ലാഭിക്കാൻ കഴിയുമെന്ന് പ്രതീക്ഷിക്കുന്നു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്