ഡോക്യുമെന്ററി എഡിറ്റിംഗ് വിഷയത്തില്‍ യ.എസ് പ്രസിഡന്റ് ഡൊണാള്‍ഡ് ട്രംപിനോട് ക്ഷാമാപണം നടത്തി ബിബിസി. 2021 ജനുവരി 6 ന് യുഎസ് പ്രസിഡന്റ് ഡൊണാള്‍ഡ് ട്രംപ് നടത്തിയ പ്രസംഗത്തിന്റെ ഭാഗങ്ങള്‍ ഒരുമിച്ച് ചേര്‍ത്ത പനോരമ എപ്പിസോഡിനാണ് ബിബിസി അദ്ദേഹത്തോട് ക്ഷമാപണം നടത്തിയത്. എന്നാല്‍ നഷ്ടപരിഹാരത്തിനായുള്ള അദ്ദേഹത്തിന്റെ ആവശ്യം കമ്പനി  നിരസിച്ചു.

മാത്രമല്ല പ്രോഗ്രാം വീണ്ടും പ്രദര്‍ശിപ്പിക്കില്ലെന്നും കോര്‍പ്പറേഷന്‍ അറിയിച്ചു. കമ്പനി എപ്പിസോഡ് പിന്‍വലിക്കുകയും ക്ഷമാപണം നടത്തുകയും നഷ്ടപരിഹാരം നല്‍കുകയും ചെയ്തില്ലെങ്കില്‍ ബിബിസിക്കെതിരെ 1 ബില്യണ്‍ യുഎസ് ഡോളര്‍ (1.5 ബില്യണ്‍ ഡോളര്‍) നഷ്ടപരിഹാരം നല്‍കണമെന്നാണ് ട്രംപിന്റെ അഭിഭാഷകര്‍ വ്യക്തമാക്കിയിരിക്കുന്നത്.

ചെയര്‍മാന്‍ സമീര്‍ ഷാ യുഎസ് പ്രസിഡന്റിന് ക്ഷമാപണം നടത്തിക്കൊണ്ട് വ്യക്തിപരമായി കത്തെഴുതിയെന്നാണ് ട്രംപിന്റെ അഭിഭാഷകര്‍ക്ക് ബിബിസിയുടെ നിയമ സംഘം മറുപടി നല്‍കിയത്.

'ഞങ്ങളുടെ എഡിറ്റ് പ്രസംഗത്തിലെ വ്യത്യസ്ത പോയിന്റുകളില്‍ നിന്നുള്ള ഭാഗങ്ങളല്ല, മറിച്ച് പ്രസംഗത്തിന്റെ തുടര്‍ച്ചയായ ഒരു ഭാഗം മാത്രമാണ് ഞങ്ങള്‍ കാണിക്കുന്നതെന്ന ധാരണ മനപൂര്‍വ്വം സൃഷ്ടിച്ചുവെന്നും, പ്രസിഡന്റ് ട്രംപ് അക്രമാസക്തമായ നടപടിക്ക് നേരിട്ട് ആഹ്വാനം ചെയ്തുവെന്ന തെറ്റായ ധാരണ ഇത് നല്‍കിയെന്നും ഞങ്ങള്‍ അംഗീകരിക്കുന്നു,' ബിബിസി എപ്പിസോഡ്  പിന്‍വലിച്ചുകൊണ്ട് എഴുതിയ കത്തില്‍ വ്യക്തമാക്കി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്