ഇതുവരെ 550ൽ പരം രജിസ്‌ട്രേഷനുകൾ ലഭിച്ചിട്ടുണ്ട്. എർലി ബേർഡ് രജിസ്‌ട്രേഷൻ അവസാന തീയതി 2026 ഫെബ്രുവരി 21 ആണ്. അതിനു ശേഷം ഫാമിലി രജിസ്‌ട്രേഷനിന് 100ഡോളർ, സിംഗിൾ രജിസ്‌ട്രേഷനിന് 50 ഡോളർ അധികമായി ഈടാക്കുന്നതായിരിക്കും. അതിനാൽ എല്ലാവരും ഈ സമയപരിധിക്കുള്ളിൽ രജിസ്റ്റർ ചെയ്യണമെന്ന് അഭ്യർത്ഥിക്കുന്നു. കൂടാതെ, രജിസ്‌ട്രേഷൻ പേയ്‌മെന്റ്  ചെയ്തതിനുശേഷമേ രജിസ്‌ട്രേഷൻ പൂർത്തിയായതായി കണക്കാക്കുകയുള്ളൂ.

ഹോട്ടൽ റൂമുകൾ പേയ്‌മെന്റ് ചെയ്ത തീയതിയുടെ അടിസ്ഥാനത്തിലാണ് അനുവദിക്കുക. അതിനാൽ മികച്ച താമസ സൗകര്യം ഉറപ്പാക്കാൻ എത്രയും വേഗം രജിസ്റ്റർ ചെയ്ത് പേയ്‌മെന്റ് പൂർത്തിയാക്കണമെന്നും  സംഘാടകർ ഓർമ്മിപ്പിക്കുന്നു. രജിസ്‌ട്രേഷൻ പൂർത്തിയാക്കുന്നതിനായി ഔദ്യോഗിക വെബ്‌സൈറ്റ് സന്ദർശിക്കുക: https://convention.kccna.com

3,500ൽ അധികം പ്രതിനിധികൾ പങ്കെടുക്കുമെന്ന് പ്രതീക്ഷിക്കുന്ന ഈ കൺവെൻഷൻ, ക്‌നാനായ സമൂഹത്തിന്റെ ഐക്യവും ശക്തിയും പ്രതിഫലിപ്പിക്കുന്ന വൻസംഗമമായിരിക്കും. 16-ാമത് കെ.സി.സി.എൻ.എ കൺവെൻഷനെ ഏറ്റവും വലിയതും വിജയകരവുമായ സംഗമമാക്കി മാറ്റാൻ എല്ലാവരും ഒന്നുചേരാം.

പ്രസിഡന്റ് - ജെയിംസ്  ഇല്ലിക്കൽ (ഫ്‌ളോറിഡ), എക്‌സിക്യൂട്ടീവ് വൈസ് പ്രസിഡന്റ് - സിജു ചെരുവൻകാലായിൽ (ന്യൂയോർക്ക്), ജനറൽ സെക്രട്ടറി - വിപിൻ ചാലുങ്കൽ (ഷിക്കാഗോ), ജോയിന്റ് സെക്രട്ടറി - സൂസൻ തെങ്ങുംതറയിൽ (സാൻ ഹൊസെ), ട്രഷറർ - ജോജോ തറയിൽ (ഹൂസ്റ്റൺ), വൈസ് പ്രസിഡന്റ് - ജേക്കബ് കുസുമാലയം(ന്യൂ യോർക്ക്), ജോയിന്റ് ട്രഷറർ - ജെസ്‌നി കൊട്ടിയാനിക്കൽ (അറ്റലാന്റ) എന്നിവരാണ് കെ.സി.സി.എൻ.എയ്ക്ക് നേതൃത്വം നൽകുന്നത്.

ഇവരോടൊപ്പം കൺവെൻഷൻ ചെയർപേഴ്‌സൺ ജോബി ഊരാളിൽ, ആതിഥേയ യൂണിറ്റ് പ്രസിഡന്റുമാരായ ജയമോൾ മൂശാരിപ്പറമ്പിൽ (ടാമ്പാ), ജെയിംസ് തെക്കനാട്ട് (മയാമി) തുടങ്ങി നിരവധി കമ്മറ്റി അംഗങ്ങൾ കൺവൻഷന്റെ ഒരുക്കത്തിനായി അഹോരാത്രം പ്രയത്‌നിക്കുന്നു.

ബൈജു ആലപ്പാട്ട്, കെ.സി.സി.എൻ.എ. പി.ആർ.ഒ (ഡാളസ്)