കെ സുധാകരൻറെ നീക്കം കോൺഗ്രസിനെ ഏറ്റവുമധികം പ്രതിസന്ധിയിലാക്കുന്നത് പേരാവൂരിൽ

MARCH 19, 2026, 12:06 AM

കണ്ണൂർ: കെ സുധാകരൻറെ ഇപ്പോഴത്തെ നീക്കം കോൺഗ്രസിനെ പ്രതിസന്ധിയിലാക്കുന്നത് പേരാവൂരിൽ.

സിറ്റിംഗ് എംഎൽഎയും കെപിസിസി പ്രസിഡൻറുമായ അഡ്വ. സണ്ണി ജോസഫാണ് നിലവിൽ പേരാവൂരിലെ യുഡിഎഫ് സ്ഥാനാർഥി.

കണ്ണൂരിൽ കെ സുധാകരന് സീറ്റില്ല എന്ന് ഉറപ്പായതോടെ, പേരാവൂരിൽ യുഡിഎഫിൻറെ തെരഞ്ഞെടുപ്പ് പ്രതീക്ഷകളെ ഇത് പ്രതികൂലമായി ബാധിക്കുമോ എന്ന ആശങ്ക ബലപ്പെടുകയാണ്.

പടിഞ്ഞാറ് പയ്യാമ്പലം മുതൽ കിഴക്ക് പേരാവൂർ വരെ ഇപ്പോഴും ശക്തമായ അണിവൃന്ദമുണ്ട് കെ സുധാകരന്. മാറിയ രാഷ്‌ട്രീയ സാഹചര്യങ്ങൾ, പുതിയ വോട്ടർമാർ എന്നിവ വരും നിയമസഭ തെരഞ്ഞെടുപ്പിനെ സ്വാധീനിക്കുമെങ്കിലും കേവലം 3,172 വോട്ടുകളുടെ ഭൂരിപക്ഷം മാത്രമേ 2021-ലെ നിയമസഭ തെരഞ്ഞെടുപ്പിൽ പേരാവൂരിൽ യുഡിഎഫിനുള്ളൂ.

സിപിഎമ്മിൻറെ യുവമുഖം സക്കീർ ഹുസൈനോട് ശക്തമായ പോരാട്ടത്തിനൊടുവിലാണ് സണ്ണി ജോസഫ് അന്ന് വിജയിച്ചത്. ഇക്കഴിഞ്ഞ തദ്ദേശ തെരഞ്ഞെടുപ്പിൽ ഇടത് കോട്ടകൾ ഇളകുന്നത് പേരാവൂരിൽ കണ്ടു. എന്നാൽ മണ്ഡലത്തിലെ മുൻ എംഎൽഎ കൂടിയായ കെ കെ ശൈലജ ടീച്ചർ എത്തിയതോടെ പേരാവൂർ പോരാട്ടം കനക്കുമെന്ന് ഉറപ്പായി. ഇതിനിടെയാണ്, കണ്ണൂർ നിയമസഭാമണ്ഡലം സീറ്റിനായുള്ള സുധാകരൻറെ നീക്കം