രാജ്യമെമ്പാടും വിൽക്കുന്ന നേസൽ സ്‌പ്രേ തിരിച്ചുവിളിച്ചു; ജീവന് ഭീഷണിയായേക്കാമെന്ന് FDA മുന്നറിയിപ്പ്

DECEMBER 15, 2025, 9:29 AM

മിനസോട്ട ആസ്ഥാനമായുള്ള മെഡിനാച്ചുറ ന്യൂ മെക്‌സിക്കോ നിർമ്മിക്കുന്ന 'റീബൂസ്റ്റ് നേസൽ സ്‌പ്രേ' പൂപ്പലും മറ്റ് സൂക്ഷ്മാണുക്കളും കണ്ടെത്തിയതിനെ തുടർന്ന് സ്വമേധയാ തിരിച്ചുവിളിക്കുന്നു. ഈ ഉൽപ്പന്നത്തിന്റെ ഉപയോഗം ഉടനടി നിർത്താൻ ഉപഭോക്താക്കൾക്ക് നിർദ്ദേശം നൽകിയിട്ടുണ്ട്.

രോഗപ്രതിരോധ ശേഷി കുറഞ്ഞവർ ഈ സ്‌പ്രേ ഉപയോഗിച്ചാൽ ഗുരുതരമായ ആരോഗ്യപ്രശ്‌നങ്ങളോ ജീവന് ഭീഷണിയായേക്കാവുന്ന അണുബാധകളോ ഉണ്ടാകാൻ 'ന്യായമായ സാധ്യതയുണ്ട്' എന്ന് ഫുഡ് ആൻഡ് ഡ്രഗ് അഡ്മിനിസ്‌ട്രേഷൻ (FDA) മുന്നറിയിപ്പ് നൽകി.

ഒരു ബാച്ച് നേസൽ സ്‌പ്രേയിൽ പൂപ്പലും യീസ്റ്റും, കൂടാതെ അപകടകരമായ അളവിൽ 'അക്രോമോബാക്ടർ' എന്ന ബാക്ടീരിയയും കണ്ടെത്തി. ഈ ഹോമിയോപ്പതി നേസൽ സ്‌പ്രേ CVS, Walmart, Amazon ഉൾപ്പെടെയുള്ള റീട്ടെയിൽ സ്ഥാപനങ്ങൾ വഴി രാജ്യവ്യാപകമായി വിതരണം ചെയ്തിട്ടുണ്ട്.

ലോട്ട് നമ്പർ 224268, എക്‌സ്പയറി ഡേറ്റ് ഡിസംബർ 2027 ഉള്ള 'റീബൂസ്റ്റ്' ഉൽപ്പന്നമാണ് തിരിച്ചുവിളിച്ചിട്ടുള്ളത്. തിരിച്ചുവിളിച്ച ഉൽപ്പന്നം ഉപയോഗിക്കുന്നത് ഉടനടി നിർത്തിവെച്ച്, പണം തിരികെ ലഭിക്കുന്നതിനായി വാങ്ങിയ സ്ഥാപനത്തിൽ തിരികെ ഏൽപ്പിക്കണമെന്ന് FDA അറിയിച്ചു.

ഈ തിരിച്ചുവിളിക്കലുമായി ബന്ധപ്പെട്ട് ഇതുവരെ ആരോഗ്യപ്രശ്‌നങ്ങൾ റിപ്പോർട്ട് ചെയ്തിട്ടില്ലെന്ന് കമ്പനി വ്യക്തമാക്കി.

പി പി ചെറിയാൻ