പദവി തെറിച്ചേക്കും; മിൽമ എറണാകുളം യൂണിയൻ ചെയർമാൻ വത്സലൻ പിള്ളയ്ക്ക് തുടരാൻ യോഗ്യതയില്ലെന്ന് ക്ഷീരവികസന വകുപ്പ്

AUGUST 13, 2026, 9:49 PM

കൊച്ചി: മിൽമ എറണാകുളം പ്രാദേശിക സഹകരണ ക്ഷീര ഉത്പാദക യൂണിയൻ ചെയർമാൻ വത്സലൻ പിള്ളയ്ക്ക് ക്ഷീരസംഘം ഭരണസമിതിയംഗമായി തുടരാനുള്ള അടിസ്ഥാന യോഗ്യതയില്ലെന്ന് ക്ഷീരവികസന വകുപ്പിന്റെ കണ്ടെത്തൽ. വകുപ്പ് ഡെപ്യൂട്ടി ഡയറക്ടർ നടത്തിയ വിശദമായ റിപ്പോർട്ടിലാണ് ചെയർമാന് പദവിയിൽ തുടരാൻ ആവശ്യമായ മാനദണ്ഡങ്ങൾ ഇല്ലെന്ന് വ്യക്തമായത്.

സ്വന്തമായി പശുവോ ഫാമോ ഇല്ലാതെയാണ് വത്സലൻ പിള്ള ഭരണസമിതിയിൽ തുടരുന്നതെന്നും, യോഗ്യത തെളിയിക്കുന്നതിനായി അദ്ദേഹം സമർപ്പിച്ച രേഖകൾ വ്യാജമാണെന്നും ഡെപ്യൂട്ടി ഡയറക്ടറുടെ അന്വേഷണ റിപ്പോർട്ടിൽ ചൂണ്ടിക്കാണിക്കുന്നു.

അന്വേഷണ റിപ്പോർട്ടിനെതിരെ അദ്ദേഹം നൽകിയ അപ്പീൽ നിലവിൽ ക്ഷീരവികസന വകുപ്പ് സെക്രട്ടറിയുടെ സവിശേഷ പരിഗണനയിലാണ്. ഡെപ്യൂട്ടി ഡയറക്ടറുടെ കണ്ടെത്തലുകൾ വകുപ്പ് സെക്രട്ടറി ശരിവെക്കുകയാണെങ്കിൽ വത്സലൻ പിള്ളയ്ക്ക് ചെയർമാൻ സ്ഥാനം നഷ്ടപ്പെടും.

ഭരണസമിതിയിലെ കോൺഗ്രസ് യൂണിയനെ സംരക്ഷിക്കുന്നതിനായി വകുപ്പുതലത്തിലുള്ള അന്തിമ തീരുമാനം മനഃപൂർവം വൈകിപ്പിക്കുകയാണെന്ന ആരോപണവും നിലവിൽ ശക്തമാണ്. എന്നാൽ തനിക്കെതിരെയുള്ള മുഴുവൻ കണ്ടെത്തലുകളും ആരോപണങ്ങളും തള്ളിക്കളഞ്ഞ വത്സലൻ പിള്ള, പരാതിക്ക് പിന്നിൽ കൃത്യമായ രാഷ്ട്രീയ ലക്ഷ്യങ്ങളാണുള്ളതെന്ന് വിശദീകരിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്