തിരുവനന്തപുരം: പകര്ച്ചവ്യാധി പടർന്നു പിടിക്കുന്ന സാഹചര്യത്തില് പ്രതിരോധപ്രവര്ത്തനത്തനങ്ങള്ക്കായി സര്ക്കാര് 4 കമ്മിറ്റികള് രൂപീകരിച്ചു.
ആരോഗ്യമന്ത്രി അധ്യക്ഷനായ ഉന്നത അധികാര സമിതി, ഡോ. എസ് എസ് ലാല് അധ്യക്ഷനായ വിദഗ്ധ ഉപദേശ സമിതി, ജില്ലാ കളക്ടര്മാർ അധ്യക്ഷനായ ജില്ലാതല സ്റ്റിയറിങ് കമ്മിറ്റി, ആശുപത്രി സൂപ്രണ്ട് അധ്യക്ഷനായ സ്ഥാപന തല സ്റ്റിയറിങ് കമ്മിറ്റി എന്നിവയാണ് അവ.
എല്ലാ സീസണിലും വരാന് സാധ്യതയുള്ള രോഗങ്ങള് മുന്കൂട്ടി കണ്ടുപിടിക്കാനും, ജാഗ്രതാ സംവിധാനം ശക്തിപ്പെടുത്താനും മരുന്നിന്റെ ലഭ്യതയും സംഭരണവും ഉറപ്പാക്കുന്നതിനും ആണ് സര്ക്കാര് ആഭിമുഖ്യത്തില് ഈ ഹൈപ്പവര് കമ്മിറ്റി രൂപീകരിച്ചത്.
വാര്ഷിക പകര്ച്ചവ്യാധി കലണ്ടര് തയാറാക്കല്, ക്വാറന്റീന് പ്രോട്ടോക്കോള് പുതുക്കുക എന്നിവയൊക്കെയാണ് ഉന്നത അധികാര സമിതിയുടെ പരിധിയിൽ ഉള്ക്കൊള്ളുന്നത്. വിദഗ്ധ ഉപദേശ സമിതി ഗവണ്മെന്റുമായി ചര്ച്ച നടത്തുകയും ദേശീയ അന്തര്ദേശീയ തലത്തില് ഇതിനെ കുറിച്ച് പ്രെപ്പോസല് നല്കുകയും ചെയ്യുന്നു.
ജില്ലാതല സ്റ്റിയറിങ് കമ്മിറ്റി ഓരോ ആഴ്ചയിലും പകര്ച്ചവ്യാധി വ്യാപന പ്രവര്ത്തനങ്ങള്ക്കായി ജില്ലാതല മീറ്റിങ്ങുകള് നടത്തുകയും മറ്റ് നടപടികള് സ്വീകരിക്കുകയും ചെയ്യുന്നു. സ്ഥാപന തല സ്റ്റിയറിങ് കമ്മിറ്റി പകര്ച്ചവ്യാധി പടരുന്ന സ്ഥലങ്ങളിലേക്ക് വേണ്ട ചട്ടങ്ങള് നല്കുകയും, അനുബന്ധ പ്രവര്ത്തനങ്ങള് സ്വീകരിക്കയും ചെയ്യുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260619115745.jpg)
-20201019113435.jpg)
-20260619115200.jpg)
-20260619114607.jpg)
-20260619114223.jpg)
