ലോകത്തിലെ ഏറ്റവും പ്രധാനപ്പെട്ട ഇന്ധന ഗതാഗത പാതയായ ഹോർമുസ് കടലിടുക്കിലൂടെയുള്ള കപ്പൽ ഗതാഗതം പുനഃസ്ഥാപിക്കുന്നതിനായുള്ള ഇറാന്റെയും ഒമാന്റെയും ശ്രമങ്ങളിൽ നിർണ്ണായക പുര പുരോഗതി. കടലിടുക്കിലെ കപ്പൽ ഗതാഗതം സുരക്ഷിതമാക്കാൻ ഇരുരാജ്യങ്ങളും തമ്മിൽ നടത്തിയ നയതന്ത്ര ചർച്ചകൾ വിജയകരമായ ദിശയിലാണ് മുന്നേറുന്നതെന്ന് വിദേശ മാധ്യമങ്ങൾ റിപ്പോർട്ട് ചെയ്തു.

കഴിഞ്ഞ ദിവസങ്ങളിൽ ഇറാന്റെ തലസ്ഥാനമായ ടെഹ്‌റാനിൽ എത്തിയ ഒമാൻ പ്രതിനിധി സംഘം ഉന്നത ഉദ്യോഗസ്ഥരുമായി മണിക്കൂറുകളോളം നീണ്ട ചർച്ചകളാണ് നടത്തിയത്. തന്ത്രപ്രധാനമായ ഈ വാണിജ്യ പാത തുറന്നുകൊടുക്കുന്നതുമായി ബന്ധപ്പെട്ട സാങ്കേതികവും രാഷ്ട്രീയവുമായ വിഷയങ്ങൾ ചർച്ചയിൽ കൈകാര്യം ചെയ്തു.

കഴിഞ്ഞ കുറച്ചുദിവസങ്ങളായി മേഖലയിൽ അമേരിക്ക നടത്തിവന്ന ബോംബാക്രമണങ്ങൾ താത്കാലികമായി നിർത്തിവെച്ചതും ഈ നയതന്ത്ര ചർച്ചകൾക്ക് വലിയ ഊർജ്ജമായിട്ടുണ്ട്. പ്രതിനിധികൾ നേരിട്ട് നടത്തുന്ന സമാധാന ചർച്ചകൾക്ക് തടസ്സമുണ്ടാകാതിരിക്കാനാണ് യുഎസ് സേന ആക്രമണങ്ങളിൽ നിന്ന് വിട്ടുനിൽക്കുന്നത്.

അമേരിക്കൻ പ്രസിഡന്റ് ഡൊണാൾഡ് ട്രംപ് ഒമാൻ വഴി നടക്കുന്ന നയതന്ത്ര നീക്കങ്ങളെ വളരെ സൂക്ഷ്മമായി നിരീക്ഷിച്ചു വരികയാണെന്ന് റിപ്പോർട്ടുകളുണ്ട്. ഇറാനുമായി ഒരു ധാരണയിലെത്താൻ താൽപ്പര്യമുണ്ടെങ്കിലും അതിനുള്ള കൃത്യമായ സമയമായിട്ടില്ലെന്നാണ് ട്രംപ് വ്യക്തമാക്കിയത്.

അതേസമയം ഹോർമുസ് കടലിടുക്കിൽ അമേരിക്ക സ്വന്ത നിലയിൽ പുതിയ ഗതാഗത പാത സൃഷ്ടിക്കാൻ ശ്രമിക്കുന്നത് കരാറുകളുടെ ലംഘനമാണെന്ന് ഇറാൻ ആരോപിച്ചു. ഇതിനെതിരെ ഇറാനിയൻ വിദേശകാര്യ മന്ത്രി അബ്ബാസ് അരാഗ്ചി കടുത്ത ഭാഷയിലാണ് പ്രതികരിച്ചത്.

എന്നാൽ തങ്ങളുടെ സമുദ്ര ഉപരോധം ഇപ്പോഴും പ്രാബല്യത്തിലുണ്ടെന്നും അനുമതിയില്ലാതെ സർവീസ് നടത്താൻ ശ്രമിച്ച കപ്പലുകളെ തടഞ്ഞിട്ടുണ്ടെന്നും യുഎസ് സെൻട്രൽ കമാൻഡ് അറിയിച്ചു. ഹോർമുസ് വഴി ഇറാനിയൻ തുറമുഖങ്ങളിലേക്ക് എത്തുന്ന ചരക്കുനീക്കം പൂർണ്ണമായി തടയുകയാണ് അമേരിക്കൻ തന്ത്രം.

ആഗോള ഇന്ധന വിപണിയെയും വ്യാപാര മേഖലയെയും ഒരുപോലെ ബാധിച്ച ഹോർമുസ് കടലിടുക്കിലെ തടസ്സങ്ങൾ മാറ്റാൻ ഒമാൻ നടത്തുന്ന മധ്യസ്ഥത നിർണ്ണായകമാണ്. മേഖലയിലെ സുരക്ഷയും സമാധാനവും ഉറപ്പാക്കാൻ ഇരുരാജ്യങ്ങളും ഒന്നിച്ച് പ്രവർത്തിക്കുമെന്ന് വിദേശകാര്യ വക്താക്കൾ പ്രത്യാശ പ്രകടിപ്പിച്ചു.
പോരാട്ടങ്ങൾ കടുക്കുന്ന പശ്ചിമേഷ്യയിൽ അന്താരാഷ്ട്ര കപ്പലുകളുടെ സുരക്ഷിതമായ സഞ്ചാരം ഉറപ്പാക്കുകയാണ് ഈ ചർച്ചകളിലൂടെ ലക്ഷ്യമിടുന്നത്. വരും ദിവസങ്ങളിൽ ഇത് സംബന്ധിച്ച് കൂടുതൽ നിർണ്ണായകമായ ഔദ്യോഗിക പ്രഖ്യാപനങ്ങൾ ഉണ്ടായേക്കും.

English Summary:
Negotiations between Iran and Oman regarding the reopening of the Strait of Hormuz for commercial shipping have shown positive progress. Official Omani delegates held discussions in Tehran coinciding with a temporary pause in US bombing operations in the region.
Tags:
Malayalam News, News Malayalam, Latest Malayalam News, Vachakam News, World News Malayalam, USA News, USA News Malayalam, Iran Oman Talks Strait of Hormuz, Donald Trump Iran Diplomacy, Middle East Maritime Crisis

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്