അമേരിക്കയുടെ 250-ാം സ്വാതന്ത്ര്യ വാർഷികം ആഘോഷിച്ച് സെന്റ് മേരീസ് മലങ്കര ഓർത്തഡോക്‌സ് ചർച്ച്, ഹൂസ്റ്റൺ

JULY 16, 2026, 2:15 AM

ഹൂസ്റ്റൺ: അമേരിക്കയുടെ 250-ാം സ്വാതന്ത്ര്യ വാർഷികം സെന്റ് മേരീസ് മലങ്കര ഓർത്തഡോക്‌സ് ചർച്ച്, ഹൂസ്റ്റണിന്റെ ആഭിമുഖ്യത്തിൽ ആഘോഷപൂർവം ആചരിച്ചു.

ജൂലൈ 4ന് ദേശീയ പതാക ഉയർത്തിക്കൊണ്ട് ആരംഭിച്ച ആഘോഷങ്ങളുടെ സമാപന സമ്മേളനം ജൂലൈ 05 ന് വിശുദ്ധ കുർബാനയ്ക്കുശേഷം നടന്നു. ഇടവക വികാരി റവ. ഫാ. രാജേഷ് കെ. ജോൺ അധ്യക്ഷത വഹിച്ചു.

ഫോർട്ട് ബെൻഡ് കൗണ്ടി 387-ാം ഫാമിലി കോടതി അസോസിയേറ്റ് ജഡ്ജിയായ ഹോണറബിൾ ജഡ്ജ് ജെറ്റി എബ്രഹാമിനെ ചടങ്ങിൽ ഇടവക മെമന്റോ നൽകി ആദരിച്ചു.

പുതുതായി വൈദികപട്ടം സ്വീകരിച്ച റവ. ഫാ. ഗീവർഗീസ് ജോൺ (ടോബിയച്ചൻ) ഇടവകയുടെ അനുമോദനവും ഉപഹാരവും ഏറ്റുവാങ്ങി.

അമേരിക്കയുടെ 250-ാം സ്വാതന്ത്ര്യ വാർഷികത്തോടനുബന്ധിച്ച് 'America – 250 Years' എന്ന വിഷയത്തിൽ ദിയാ മറിയം ജോർജ് പ്രഭാഷണം നടത്തി.

ഇടവകയുടെ സീനിയർ വൈദികനായ റവ. ഫാ. പൗലോസ് പീറ്റർ അച്ചനും സമ്മേളനത്തിൽ സന്നിഹിതനായിരുന്നു.

ഇടവക സെക്രട്ടറി മോൻസൺ പുന്നൂസ് സ്വാഗതം ആശംസിച്ചു. ഇടവക ട്രസ്റ്റി അനിൽ എബ്രഹാം നന്ദി രേഖപ്പെടുത്തി.

അമേരിക്കയുടെ ദേശീയ ഗാനത്തോടെയാണ് സമ്മേളനം സമാപിച്ചത്.
പരിപാടിയിൽ പങ്കെടുത്ത എല്ലാ ഇടവകാംഗങ്ങൾക്കും മറ്റ് ഇടവകകളിൽ നിന്നെത്തിയ വിശ്വാസികൾക്കും സംഘാടകർ നന്ദി അറിയിച്ചു.

ജീമോൻ റാന്നി

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്