വെയിൽസിനെ തോൽപ്പിച്ച് പോർച്ചുഗൾ നേഷൻസ് ലീഗ് ക്വാർട്ടർ ഫൈനലിൽ

NOVEMBER 20, 2026, 7:08 AM

കാർഡിഫ് സിറ്റി സ്റ്റേഡിയത്തിൽ നടന്ന 2026-27 യുവേഫ നേഷൻസ് ലീഗ് ഗ്രൂപ്പ് A4-ലെ അവസാന മത്സരത്തിൽ വെയിൽസിനെതിരെ പോർച്ചുഗൽ 3-2 മികച്ച വിജയം നേടി.

ജോവോ നെവെസ് നൽകിയ പാസ് മനോഹരമായി ഗോളാക്കി മാറ്റിക്കൊണ്ട്, 11-ാം മിനിറ്റിൽ പോർച്ചുഗൽ ക്യാപ്ടൻ ബ്രൂണോ ഫെർണാണ്ടസ് ടീമിന് ലീഡ് നൽകി. 13-ാം മിനിറ്റിൽ ഡേവിഡ് ബ്രൂക്ക്‌സിലൂടെ വെയിൽസ് തിരിച്ചടിച്ചു. തുടർന്ന് 40-ാം മിനിറ്റിൽ സോർബ തോമസ് നേടിയ ഗോളിലൂടെ വെയിൽസ് മുന്നിലെത്തി.

എന്നാൽ, ആദ്യ പകുതി അവസാനിക്കുന്നതിന് തൊട്ടുമുമ്പ്, 43-ാം മിനിറ്റിൽ ഫ്രാൻസിസ്‌കോ ട്രിങ്കാവോ നൽകിയ ക്രോസ് പെഡ്രോ നെറ്റോ ഗോളാക്കിയതോടെ പോർച്ചുഗൽ സമനില പിടിച്ചു. ഡെന്മാർക്കിനെതിരായ കഴിഞ്ഞ മത്സരത്തിൽ 4-1 എന്ന തോൽവി വഴങ്ങിയ പോർച്ചുഗൽ, അതിൽ നിന്ന് കരകയറാനുള്ള ലക്ഷ്യവുമായാണ് ഈ മത്സരത്തിനിറങ്ങിയത്.

vachakam
vachakam
vachakam

രണ്ടാം പകുതിയിൽ പോർച്ചുഗൽ വരുത്തിയ നിർണായക മാറ്റങ്ങൾ മത്സരത്തിന്റെ നിയന്ത്രണം തിരിച്ചുപിടിക്കാൻ അവരെ സഹായിച്ചു. ബെൻ കബാംഗോയുടെ പ്രതിരോധ പിഴവ് മുതലെടുത്ത്, പകരക്കാരനായി ഇറങ്ങിയ കാർലോസ് ഫോർബ്‌സ് 70-ാം മിനിറ്റിൽ വിജയഗോൾ നേടി. എന്നാൽ, ഇതിനു പിന്നാലെ പെഡ്രോ നെറ്റോ രണ്ട് മിനിറ്റിനുള്ളിൽ രണ്ട് മഞ്ഞക്കാർഡുകൾ കണ്ട് പുറത്തായതോടെ പോർച്ചുഗൽ 10 പേരായി ചുരുങ്ങി. മത്സരത്തിന്റെ അവസാന നിമിഷങ്ങളിൽ സമനിലയ്ക്കായി വെയിൽസ് പൊരുതിയെങ്കിലും ഗോ

ൾകീപ്പർ ഡിയോഗോ കോസ്റ്റ നടത്തിയ നിർണായക സേവുകൾ പോർച്ചുഗലിന്റെ ലീഡ് കാത്തുസൂക്ഷിച്ചു. സ്റ്റോപ്പേജ് ടൈമിൽ ഹാരി വിൽസൺ ലഭിച്ച അവസരം പാഴാക്കിയതും പോർച്ചുഗലിന് തുണയായി. ഈ വിജയത്തോടെ 15 പോയിന്റുമായി ഗ്രൂപ്പ് A4ൽ ഒന്നാമതെത്തിയ പോർച്ചുഗൽ, 2027 മാർച്ചിൽ നടക്കുന്ന യുവേഫ നേഷൻസ് ലീഗ് ക്വാർട്ടർ ഫൈനലിലേക്ക് യോഗ്യത നേടി. വെയിൽസ് മൂന്ന് പോയിന്റുമായി ഗ്രൂപ്പിൽ അവസാന സ്ഥാനത്തായി; അവർക്ക് ഇനി ലീഗ് A/B റിലഗേഷൻ പ്ലേഓഫ് മത്സരങ്ങളിൽ പങ്കെടുക്കേണ്ടി വരും.

vachakam
vachakam
vachakam

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

LATEST NEWS
RELATED NEWS

Get daily updates from vachakam.com

vachakam
vachakam
RELATED NEWS
vachakam