എഫ്.സി ഗോവയുടെ മുഖ്യപരിശീലകനായി ഏഞ്ചൽ വിയാഡെറോ

NOVEMBER 17, 2026, 11:20 AM

ഇന്ത്യൻ സൂപ്പർ ലീഗ് ക്ലബ്ബായ എഫ്‌സി ഗോവ, 2026-27 സീസണിലെ ശേഷിക്കുന്ന മത്സരങ്ങൾക്കായി സ്പാനിഷ് ഫുട്‌ബോൾ പരിശീലകൻ ഏഞ്ചൽ വിയാഡെറോയെ പുതിയ മുഖ്യ പരിശീലകനായി നിയമിച്ചു.

മുൻ ഇന്ത്യൻ ക്യാപ്ടൻ ഗൗരമംഗി സിംഗ് ടീമിൽ നിന്ന് പടിയിറങ്ങിയതിന് പിന്നാലെയാണ് ഈ നിയമനം. നവംബറിലെ അന്താരാഷ്ട്ര മത്സരങ്ങൾക്കായുള്ള ഇടവേളയിൽ, പരസ്പര ധാരണയോടെയാണ് ഗൗരമംഗി സിംഗ് ടീമിൽ നിന്ന് വിട്ടുപോയത്. സ്‌പെയിനിലും വിദേശത്തുമായി 700ലധികം മത്സരങ്ങളിൽ പരിശീലകനായി പ്രവർത്തിച്ച വിപുലമായ അനുഭവസമ്പത്താണ് ഏഞ്ചൽ വിയാഡെറോയ്ക്കുള്ളത്. എസ്ഡി ഐബാർ, എസ്ഡി പോൺഫെറാഡിന, ബർഗോസ് സിഎഫ്, സെസ്റ്റാവോ റിവർ ക്ലബ്, ലെയ്ഡ എസ്‌പോർടിയു തുടങ്ങിയ നിരവധി സ്പാനിഷ് ക്ലബ്ബുകളിൽ അദ്ദേഹം പ്രവർത്തിച്ചിട്ടുണ്ട്.

സ്‌പെയിനിലെ സാന്റാൻഡറിൽ ജനിച്ച വിയാഡെറോ, റേസിംഗ് ഡി സാന്റാൻഡറിന്റെ റിസർവ് ടീമിലൂടെയാണ് തന്റെ പരിശീലന ജീവിതം ആരംഭിച്ചത്. അവിടെ ചെലവഴിച്ച ആറ് വർഷത്തിനിടയിൽ, അദ്ദേഹം 'ടെർസെറ ഡിവിഷൻ' കിരീടം നേടുകയും, ടീമിനെ രണ്ട് തവണ 'സെഗുണ്ട ഡിവിഷൻ ബി' യിലേക്ക് ഉയർത്താൻ സഹായിക്കുകയും ചെയ്തു.

vachakam
vachakam
vachakam

പിന്നീട് 2016ൽ റേസിംഗ് ഡി സാന്റാൻഡറിന്റെ പ്രധാന ടീമിന്റെ പരിശീലകനായി അദ്ദേഹം തിരിച്ചെത്തി. അവിടെ താൻ കൈകാര്യം ചെയ്ത മത്സരങ്ങളിൽ 60 ശതമാനത്തിലധികവും വിജയിപ്പിക്കാനും, ക്ലബ്ബിനെ പ്രൊമോഷൻ പ്ലേഓഫ് ഫൈനലിലെത്തിക്കാനും അദ്ദേഹത്തിന് സാധിച്ചു. ചിട്ടയായതും മത്സരക്ഷമതയുള്ളതുമായ ടീമുകളെ കെട്ടിപ്പടുക്കുന്നതിൽ വിയാഡെറോയ്ക്കുള്ള അനുഭവസമ്പത്തിനെ എടുത്തുപറഞ്ഞ ഗോവ സിഇഒ രവി പുസ്‌കൂർ, പുതിയ പരിശീലകനിൽ പൂർണ്ണ വിശ്വാസം പ്രകടിപ്പിച്ചു. അദ്ദേഹത്തിന്റെ നേതൃത്വത്തിൽ ആക്രമണോത്സുകമായ ഫുട്‌ബോൾ കാഴ്ചവെക്കാൻ കഴിയുമെന്ന് ക്ലബ് പ്രതീക്ഷിക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

LATEST NEWS
RELATED NEWS

Get daily updates from vachakam.com

vachakam
vachakam
RELATED NEWS
vachakam