-20250613012854.jpg)
ജയ്പൂര്: അഹമ്മദാബാദില് എയര് ഇന്ത്യ വിമാനം തകര്ന്നുവീണ് ഉണ്ടായ അപകടത്തില് കൊല്ലപ്പെട്ടവരില് രാജസ്ഥാനില് നിന്നുളള ഡോക്ടര് ദമ്പതികളും മൂന്ന് മക്കളും.
അപകടത്തിന് നിമിഷങ്ങള് മുന്പ് വിമാനത്തില് നിന്ന് കുടുംബം നിറചിരിയോടെ എടുത്ത സെല്ഫി നോവായി മാറുകയാണ്.
ഉദയ്പൂര് സ്വദേശികളായ ഡോ. പ്രതീക് ജോഷി, ഭാര്യ ഡോ. കോമി വ്യാസ്, മക്കളായ നകുല്, പ്രദ്യുത്, മിറായ എന്നിവരാണ് വിമാനാപകടത്തില് മരിച്ചത്. നകുലും പ്രദ്യുതും ഇരട്ടക്കുട്ടികളാണ്. ഉദയ്പൂരിലെ ആശുപത്രിയില് ജോലി ചെയ്യുകയായിരുന്ന കോമിയും മക്കളും ലണ്ടനിലേക്ക് പ്രതീക് ജോഷിയോടൊപ്പം പോകാനായി കയറിയ വിമാനമാണ് അപകടത്തില്പ്പെട്ടത്.
ഡോ. കോമി വ്യാസും പ്രതീക് ജോഷിയും ഉദയ്പൂരിലെ പസഫിക് ആശുപത്രിയില് ജോലിചെയ്തിരുന്നവരാണ്. പ്രതീക് നേരത്തെ തന്നെ ലണ്ടനിലേക്ക് പോയിരുന്നു. കുടുംബത്തെ കൂടെ കൂട്ടാനായി ഒരാഴ്ച്ച മുന്പാണ് രാജസ്ഥാനിലെ ബന്സ്വരയിലേക്ക് തിരിച്ചെത്തിയത്.
അഞ്ചുവയസുകാരായ നകുലിനെയും പ്രദ്യുതിനെയും എട്ടുവയസുകാരിയായ മിറായയെയും ചേര്ത്ത് നിര്ത്തിയുളള ദമ്പതികളുടെ ചിത്രങ്ങള് സമൂഹമാധ്യമങ്ങളില് പ്രചരിക്കുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
