ഓപ്പറേഷൻ തൂഫാനിൽ 126 പേരെ കൂടി അറസ്റ്റ് ചെയ്തു: 113 കേസുകളെടുത്തു

JULY 7, 2026, 8:08 AM

തിരുവനന്തപുരം: ഓപ്പറേഷൻ തൂഫാൻറെ ഭാഗമായി സംസ്ഥാന വ്യാപകമായി നടത്തിയ പരിശോധനയിൽ 126 പേർ അറസ്റ്റിലായി.113 കേസുകൾ രജിസ്റ്റർ ചെയ്തു.

രജിസ്റ്റർ ചെയ്ത കേസുകളിൽ സ്മാൾ ക്വാണ്ടിറ്റി കൈവശം വെച്ചതിന് 36 കേസുകളും മീഡിയം ക്വാണ്ടിറ്റി കൈവശം വെച്ചതിന് അഞ്ചു കേസുകളും 27 എൻ.ഡി.പി.എസ് ആക്ട് പ്രകാരം 72 കേസുകളും കൂടാതെ കോട്പ (COTPA) പ്രകാരം 42 കേസുകളും രജിസ്റ്റർ ചെയ്തിട്ടുണ്ട്. ഇവരിൽ നിന്ന് 4.762 ഗ്രാം എം.ഡി.എം.എയും 8.714 കി.ഗ്രാം കഞ്ചാവും 0.9 ഗ്രാം ഹെറോയിൻ 8 ഗ്രാം ബ്രൗൺ ഷുഗറും നാല് കഞ്ചാവ് ചെടികളും പിടിച്ചെടുത്തു.

ഓപ്പറേഷൻ തൂഫാൻറെ ഭാഗമായി ഇതുവരെ 5997 കേസുകളാണ് രജിസ്റ്റർ ചെയ്തത്. ആകെ 6439 അറസ്റ്റുകൾ നടന്നു. ഇതുവരെ പിടിച്ചെടുത്ത എം.ഡി.എം.എ 3877 ഗ്രാം. കഞ്ചാവ് 439.276 കി.ഗ്രാം.

ഓപ്പറേഷൻ തൂഫാൻറെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 89 ബോധവൽക്കരണ ക്ലാസുകൾ നടത്തി. ഇതുവരെ നടത്തിയ ആകെ ബോധവൽക്കരണ ക്ലാസ്സുകളുടെ എണ്ണം 6430 ഉം കൗൺസിലിങ്ങുകളുടെ എണ്ണം 301 ഉം ആണ്. സ്കൂൾ, കോളേജ് പ്രൊട്ടക്ഷൻ ഗ്രൂപ്പുകളുടെ നേതൃത്വത്തിൽ ആകെ 5264 ബോധവത്ക്കരണ പരിപാടികളും നടത്തി.

ലഹരി വിപണനത്തെക്കുറിച്ചുള്ള വിവരങ്ങൾ പൊതുജനങ്ങൾക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങൾ രഹസ്യമായി സൂക്ഷിക്കും.