ചെന്നൈ: സംഗീത സംവിധായകൻ പ്രവീൺ കുമാർ അന്തരിച്ചു. ചെന്നൈയില് വച്ചാണ് 28 കാരനായ പ്രവീണ് കുമാറിന്റെ അന്ത്യം. ആരോഗ്യ സംബന്ധമായ പ്രശ്നങ്ങള് കാരണം പ്രവീണ് അടുത്തകാലത്തായി വിശ്രമത്തിലായിരുന്നു.
എല്ടിടിഇ നേതാവ് പുലി പ്രഭാകരന്റെ ആദ്യകാലത്തെ ജീവിതം പറയുന്ന മേധഗു എന്ന ചിത്രത്തില് സംഗീതം നല്കിയാണ് പ്രവീൺ കുമാർ ശ്രദ്ധേയനായത്. മേധഗു, രാകഥൻ തുടങ്ങിയ ചിത്രങ്ങൾക്ക് സംഗീതം പകർന്നിരുന്നു അദ്ദേഹം. കഴിഞ്ഞ കുറച്ച് കാലമായി ആരോഗ്യസ്ഥിതി മോശമായതിനാല് ചെന്നൈയിലെ ഒരു സ്വകാര്യ ആശുപത്രിയില് ചികില്സയിലായിരുന്നു പ്രവീണ്.
തുടർന്ന് ആരോഗ്യനില കൂടുതല് വഷളായതിനാല് പ്രവീണിനെ ഓമന്ഡൂര് ആശുപത്രിയിലേക്ക് ഇന്നലെ ഉച്ചയോടെ മാറ്റിയിരുന്നു. ഇവിടെ ചികില്സയില് കഴിയവെയാണ് വ്യാഴാഴ്ച രാവിലെ 6.30ന് മരണം സംഭവിച്ചത്.
അതേസമയം പ്രവീണിന്റെ ആരോഗ്യ പ്രശ്നം സംബന്ധിച്ച് കൂടുതല് വിവരങ്ങള് ലഭ്യമല്ല. വ്യാഴാഴ്ച രാവിലെ തന്നെ ഭൗതിക ശരീരം ബന്ധുക്കള്ക്ക് വിട്ടു നല്കി. വ്യാഴാഴ്ച വൈകീട്ടോടെ അന്തിമ കര്മ്മകള് നടത്തിയെന്നാണ് ബന്ധുക്കള് വ്യക്തമാക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്