കീവ്: ഉക്രെയ്‌നിലെ സൈനിക ആവശ്യങ്ങള്‍ക്കായി ഉപയോഗിക്കുന്ന സ്റ്റാര്‍ലിങ്ക് ഉപഗ്രഹ ഇന്റര്‍നെറ്റ് സേവനങ്ങള്‍ക്ക് വേഗപരിധി ഏര്‍പ്പെടുത്തി ഇലോണ്‍ മസ്‌കിന്റെ ഉടമസ്ഥതയിലുള്ള സ്‌പേസ് എക്‌സ്. മുന്‍കൂട്ടി യാതൊരു അറിയിപ്പും നല്‍കാതെ രാത്രിക്ക് രാത്രി നടപ്പിലാക്കിയ ഈ തീരുമാനം ഉക്രെയ്‌ന്റെ യുദ്ധമേഖലയിലെ പ്രവര്‍ത്തനങ്ങളെയും പ്രത്യാക്രമണങ്ങളെയും സാരമായി ബാധിച്ചതായി പ്രസിഡന്റ് വോളോഡിമിര്‍ സെലെന്‍സ്‌കിയുടെ ഉപദേഷ്ടാവും സാങ്കേതിക വിദഗ്ദ്ധനുമായ സെര്‍ഹി ബെസ്‌ക്രെസ്റ്റ്‌നോവ് മുന്നറിയിപ്പ് നല്‍കി.
മണിക്കൂറില്‍ 160 കി.മീ വേഗതയ്ക്ക് മുകളില്‍ സഞ്ചരിക്കുന്ന സ്റ്റാര്‍ലിങ്ക് ടെര്‍മിനലുകളുടെ ഇന്റര്‍നെറ്റ് കണക്ഷന്‍ വിച്ഛേദിക്കപ്പെടുന്ന രീതിയിലാണ് പുതിയ നിയന്ത്രണം. സ്റ്റാര്‍ലിങ്കിന്റെ സൈനിക പതിപ്പായ സ്റ്റാര്‍ഷീല്‍ഡ് ടെര്‍മിനലുകളെയാണ് ഇത് പ്രധാനമായും ബാധിച്ചിരിക്കുന്നത്. വാഹനം അല്ലെങ്കില്‍ ഉപകരണം ഈ വേഗപരിധി കടക്കുമ്പോള്‍ തന്നെ സാറ്റലൈറ്റ് കണക്ഷന്‍ പൂര്‍ണ്ണമായി നഷ്ടപ്പെടും. റഷ്യ വിന്യസിക്കുന്ന പുതിയ തരം ജെറ്റ് ഡ്രോണുകളെ വായുവില്‍ വെച്ച് തകര്‍ക്കുന്ന ഇന്റര്‍സെപ്റ്റര്‍ ഡ്രോണുകള്‍, മിഡില്‍ സ്‌ട്രൈക്ക് ഡ്രോണുകള്‍, മുന്‍നിരയിലെ രഹസ്യാന്വേഷണ പ്രവര്‍ത്തനങ്ങള്‍, ലൊജിസ്റ്റിക്‌സ് എന്നിവയെല്ലാം പുതിയ വേഗപരിധി മൂലം വന്‍ തടസ്സം നേരിടുന്നു.
നിലവിലെ രാഷ്ട്രീയ സാഹചര്യങ്ങളുമായി ബന്ധപ്പെടുത്തിയാണ് സ്‌പേസ് എക്‌സിന്റെ ഈ നീക്കമെന്ന് ബെസ്‌ക്രെസ്റ്റ്‌നോവ് ആരോപിച്ചെങ്കിലും സ്‌പേസ് എക്‌സ് ഇതുവരെ ഔദ്യോഗികമായി പ്രതികരിച്ചിട്ടില്ല. വേഗപരിധി സൃഷ്ടിച്ച പ്രതിസന്ധിക്കിടയിലും ഉക്രെയ്‌നിലുടനീളം റഷ്യ മിസൈല്‍, ഡ്രോണ്‍ ആക്രമണങ്ങള്‍ കടുപ്പിച്ചിരിക്കുകയാണ്. 39 ബാലിസ്റ്റിക്-ക്രൂയിസ് മിസൈലുകളും 128 ഡ്രോണുകളും ഉപയോഗിച്ച് റഷ്യ നടത്തിയ ആക്രമണത്തില്‍ തലസ്ഥാനമായ കീവിലും ഖാര്‍കീവിലും കനത്ത നാശനഷ്ടമാണുണ്ടായത്. ആക്രമണത്തെ തുടര്‍ന്ന് രാജ്യത്തുടനീളം ആറ് ലക്ഷത്തിലധികം ആളുകള്‍ വൈദ്യുതിയില്ലാതെ ഇരുട്ടിലായി.
തലസ്ഥാനത്ത് മൂന്ന് പേര് കൊല്ലപ്പെട്ടു. റഷ്യയും ഉക്രെയ്‌നും തമ്മില്‍ ഊര്‍ജ്ജ വെടിനിര്‍ത്തല്‍ നിലവിലുണ്ടെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് അവകാശപ്പെട്ടിരുന്നെങ്കിലും, തുടര്‍ച്ചയായ രണ്ടാം രാത്രിയിലും മുന്നറിയിപ്പ് സൈറണുകള്‍ മുഴങ്ങുന്നതിന് മുമ്പ് തന്നെ കീവില്‍ റഷ്യന്‍ മിസൈലുകള്‍ പതിച്ചു. റഷ്യന്‍ ആക്രമണം അവസാനിച്ചാല്‍ തിരിച്ചുള്ള ആക്രമണങ്ങള്‍ നിര്‍ത്താന്‍ തയ്യാറാണെന്ന് സെലെന്‍സ്‌കി വ്യക്തമാക്കിയെങ്കിലും, ഉക്രെയ്ന് ഇളവ് നല്‍കുന്നത് അവര്‍ക്ക് കൂടുതല്‍ ആയുധങ്ങള്‍ സംഭരിക്കാന്‍ മാത്രമാണ് സഹായിക്കുകയെന്ന് റഷ്യന്‍ വിദേശകാര്യ മന്ത്രി സെര്‍ജി ലാവ്‌റോവ് പ്രതികരിച്ചു.
പ്രതിരോധ സംവിധാനങ്ങള്‍ ശക്തിപ്പെടുത്തുന്നതിന്റെ ഭാഗമായി ഉക്രെയ്ക്രന്‍ പ്രസിഡന്റ് വോളോഡിമിര്‍ സെലെന്‍സ്‌കി ലണ്ടനിലെത്തി ബ്രിട്ടീഷ് പ്രധാനമന്ത്രി ആന്‍ഡി ബര്‍ണാമുമായി ചര്‍ച്ച നടത്തി. റഷ്യയുടെ വേഗതയേറിയ ജെറ്റ് ഡ്രോണുകളെ ചെറുക്കാന്‍ സഹായിക്കുന്ന മള്‍ട്ടിറോള്‍ മിസൈലുകള്‍ ഉക്രെയ്ന് വേഗത്തില്‍ ലഭ്യമാക്കുമെന്ന് യു.കെ പ്രധാനമന്ത്രി ഉറപ്പുനല്‍കി. സാങ്കേതിക സഹായങ്ങളും വ്യോമ പ്രതിരോധ ശേഷിയും അടിയന്തരമായി വര്‍ദ്ധിപ്പിച്ച് യുദ്ധക്കളത്തിലെ തിരിച്ചടികള്‍ക്ക് പരിഹാരം കാണാനാണ് ഉക്രെയ്ന് ഇപ്പോള്‍ ശ്രമിക്കുന്നത്.
English Summary
Ukraine's battlefield operations have been severely disrupted after Elon Musk's SpaceX imposed an unannounced overnight speed limit of 100 mph (160 km/h) on its Starlink satellite internet terminals, causing high-speed interceptor and strike drones to lose connectivity. The technical restriction hits Kyiv at a critical moment, as massive Russian missile and drone strikes hit key energy infrastructure and leave over 600,000 Ukrainians without power despite claims of a temporary "energy ceasefire." Faced with degraded air defense tracking capabilities and escalating aerial attacks, Ukrainian President Volodymyr Zelensky is seeking urgent military assistance from international allies to bolster the country's defensive grid.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019105234.jpg)
1-20261011083138.jpg)
-20260119112814.webp)
-20260603054738.jpg)
