ഗൾഫ് മേഖലയിൽ ഇറാനും അമേരിക്കയും തമ്മിലുള്ള യുദ്ധം കൊടുമ്പിരിക്കൊള്ളുമ്പോൾ ചൈനയുടെ തന്ത്രപരമായ നീക്കങ്ങൾ ലോകശ്രദ്ധ നേടുന്നു. യുദ്ധം തുടങ്ങുന്നതിന് മാസങ്ങൾക്ക് മുൻപേ ചൈന വൻതോതിൽ എണ്ണ സംഭരിച്ചുവെച്ചതായാണ് പുതിയ റിപ്പോർട്ടുകൾ സൂചിപ്പിക്കുന്നത്. ഹോർമുസ് കടലിടുക്ക് അടയ്ക്കപ്പെടുമെന്നും ആഗോള വിപണിയിൽ ഇന്ധന വില കുതിച്ചുയരുമെന്നും ചൈന മുൻകൂട്ടി പ്രവചിച്ചതായാണ് സാമ്പത്തിക വിദഗ്ധർ വിലയിരുത്തുന്നത്. ഏകദേശം 120 ദിവസത്തേക്ക് ആവശ്യമുള്ള എണ്ണശേഖരം നിലവിൽ ചൈനയുടെ പക്കലുണ്ടെന്നാണ് വിവരം.

ഇറാന്റെ എണ്ണ കയറ്റുമതിയുടെ 13 ശതമാനവും ചൈനയിലേക്കായതിനാൽ ഈ യുദ്ധം ചൈനയെ വലിയ രീതിയിൽ ബാധിക്കേണ്ടതായിരുന്നു. എന്നാൽ യുദ്ധം തുടങ്ങുന്നതിന് മുൻപ് തന്നെ ഇറാനിൽ നിന്നും വെനിസ്വേലയിൽ നിന്നും കുറഞ്ഞ നിരക്കിൽ ചൈന എണ്ണ വാങ്ങിക്കൂട്ടി. ഇറാന്റെ കപ്പലുകൾക്ക് ഹോർമുസ് കടലിടുക്കിലൂടെ ഇപ്പോഴും സുരക്ഷിത പാത ഒരുക്കുന്നത് ഈ രഹസ്യ ഇടപാടുകളുടെ തുടർച്ചയാണെന്ന് കരുതപ്പെടുന്നു. യുദ്ധം കാരണം എണ്ണവില ബാരലിന് 120 ഡോളർ വരെ എത്തിയപ്പോഴും ചൈനയ്ക്ക് വലിയ പ്രതിസന്ധി നേരിടേണ്ടി വന്നില്ല.

അമേരിക്കൻ പ്രസിഡന്റ് ഡൊണാൾഡ് ട്രംപ് ഇറാനുിന്മേൽ ഏർപ്പെടുത്തിയ ഉപരോധങ്ങൾ ചൈന പാടേ അവഗണിക്കുകയായിരുന്നു. റഷ്യയിൽ നിന്നുള്ള എണ്ണ ഇറക്കുമതി വർദ്ധിപ്പിച്ചും തദ്ദേശീയമായി പുനരുപയോഗ ഊർജ്ജത്തിലേക്ക് മാറിയും ചൈന തങ്ങളുടെ ഊർജ്ജ സുരക്ഷ ഉറപ്പാക്കി. യുദ്ധം നീണ്ടുപോയാൽ ലോകരാജ്യങ്ങൾ ഇന്ധനത്തിനായി വലയുമ്പോൾ ചൈനയ്ക്ക് അത് വലിയൊരു സാമ്പത്തിക നേട്ടമായി മാറും. കടൽ വഴിയുള്ള ചരക്കുനീക്കം തടസ്സപ്പെടുമെന്ന് കണ്ട് കരമാർഗ്ഗമുള്ള പൈപ്പ് ലൈനുകൾ ചൈന നേരത്തെ തന്നെ സജ്ജമാക്കിയിരുന്നു.

കാനഡയും യൂറോപ്യൻ രാജ്യങ്ങളും ഇന്ധന വിലക്കയറ്റത്തിൽ വലയുമ്പോൾ ചൈനയുടെ ഈ മുൻകരുതൽ അവരുടെ നയതന്ത്ര വിജയാമായാണ് കാണുന്നത്. അമേരിക്കയുടെ നീക്കങ്ങളെ പ്രതിരോധിക്കാൻ ഇറാന് സാങ്കേതിക സഹായങ്ങൾ ചൈന നൽകുന്നതായും ആരോപണമുണ്ട്. ഉപഗ്രഹ വിവരങ്ങളും റഡാർ സംവിധാനങ്ങളും ഉപയോഗിച്ച് അമേരിക്കൻ കപ്പലുകളെ നിരീക്ഷിക്കാൻ ചൈന ഇറാനെ സഹായിക്കുന്നുണ്ട്. ഇത് മേഖലയിൽ അമേരിക്കയുടെ സ്വാധീനം കുറയ്ക്കാനുള്ള ചൈനയുടെ വലിയൊരു പദ്ധതിയുടെ ഭാഗമാണ്.

ഇറാൻ യുദ്ധം അവസാനിക്കുമ്പോൾ ലോകത്തെ ഏറ്റവും വലിയ സാമ്പത്തിക ശക്തിയായി മാറാനാണ് ചൈനയുടെ ശ്രമം. ചൈനയുടെ വൻകിട എണ്ണ സംഭരണശാലകൾ ഇപ്പോൾ പൂർണ്ണ ശേഷിയിലാണ് പ്രവർത്തിക്കുന്നത്. ഇത് ആഗോള വിപണിയിലെ എണ്ണവില നിയന്ത്രിക്കാൻ പോലും ചൈനയെ സഹായിച്ചേക്കാം. വരും മാസങ്ങളിൽ ചൈനയുടെ ഈ എണ്ണ തന്ത്രം ആഗോള രാഷ്ട്രീയത്തിൽ വലിയ മാറ്റങ്ങൾ വരുത്തുമെന്ന് ഉറപ്പാണ്. മറ്റു രാജ്യങ്ങൾ ഇപ്പോൾ ചൈനയുടെ ഈ മാതൃക പിന്തുടരാൻ ആലോചിക്കുന്നുണ്ട്.

English Summary:

China strategic oil stockpiling ahead of the Iran US conflict suggests long term planning for a global energy crisis. Despite the war disrupting Middle East supplies China remains relatively secure with an estimated 120 day oil reserve. Reports indicate that Beijing had been purchasing cheap Iranian and Venezuelan oil for months before the hostilities began. By diversifying its energy sources and strengthening ties with Russia China has effectively insulated its economy from the current oil price shocks that are affecting other major nations.

Tags:

Malayalam News, News Malayalam, Latest Malayalam News, Vachakam News, USA News, USA News Malayalam, China Oil Strategy, Iran War 2026, China Energy Security, Donald Trump Iran Policy

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്