എങ്ങിനെയാണവർക്കിങ്ങനെയൊരവസരം വന്നുചേർന്നത് എന്ന ചോദ്യം ഇവിടെ പ്രസക്തമാണ്. കശ്മീരിൽ നിയമസഭാ തിരഞ്ഞെടുപ്പ് നടത്തണമെന്ന് 2022 ഡിസംബറിലാണ് സുപ്രീംകോടതി ഉത്തരവിടുന്നത്. അന്ന് നൽകിയ കാലപരിധി 2024 സെപ്തംബർ 30 ആയിരുന്നു.
ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ, ജസ്റ്റിസുമാരായ സഞ്ജയ് കിഷൻ കൗൾ, സഞ്ജീവ് ഖന്ന, ബി.ആർ. ഗവായ്, സൂര്യകാന്ത് എന്നിവർ ഉൾപ്പെട്ട ബെഞ്ചാണ് വിധി പുറപ്പെടുവിച്ചത്. ജമ്മു കശ്മീരിന്റെ പ്രത്യേക പദവി റദ്ദാക്കുന്നതുമായി ബന്ധപ്പെട്ട് സമർപ്പിച്ച ഹർജികൾ പരിഗണിക്കുകയായിരുന്നു കോടതി.

കശ്മീരിന്റെ പ്രത്യേക പദവി റദ്ദാക്കിയും സംസ്ഥാനത്തെ ജമ്മു കശ്മീരും ലഡാക്കുമാക്കി വിഭജിച്ചും കൊണ്ടുള്ള 2019 ഓഗസ്റ്റ് അഞ്ചിനു വന്ന കേന്ദ്ര സർക്കാർ തീരുമാനം ബെഞ്ച് ഐക്യകണ്‌ഠേന അംഗീകരിക്കുകയായിരുന്നു. ഈ പ്രദേശങ്ങൾക്ക് എത്രയും പെട്ടന്ന് സംസ്ഥാനപദവി നൽകണമെന്നും 2024 സെപ്തംബർ 30നുള്ളിൽ നിയമസഭാ തിരഞ്ഞെടുപ്പ് നടത്തണമെന്നും കോടതി ഉത്തരവിടുകയായിരുന്നു.

പുനഃസംഘടന നിയമത്തിലെ 14-ാം വകുപ്പ് പ്രകാരം രൂപീകരിച്ച ജമ്മുകശ്മീർ നിയമസഭയിലേക്ക് 2024 സെപ്തംബർ 30ന് മുമ്പായി തിരഞ്ഞെടുപ്പ് നടത്താനുള്ള നടപടികൾ തിരഞ്ഞെടുപ്പ് കമ്മിഷൻ സ്വീകരിക്കണം, സംസ്ഥാനപദവി കഴിയാവുന്നത്രയും വേഗത്തിൽ തന്നെ നൽകണം' എന്നായിരുന്നു ചീഫ് ജസ്റ്റിസ് ചന്ദ്രചൂഡ് ഉത്തരവിൽ പറഞ്ഞത്.

അൽപം ചരിത്രം

കശ്മീരിന് സ്വാതന്ത്ര്യം എന്ന ആവശ്യം പണ്ടേയുള്ളതാണ്; ജാതിമഭേദമെന്യെ ഉയർന്നു വന്നിട്ടുള്ളതും. ആദ്യമായി ഇത് ആവശ്യപ്പെട്ടത് മഹാരാജ ഹരിസിംഗ് ആയിരുന്നുവല്ലോ. സ്വാതന്ത്ര്യംവേണ്ട എന്ന് 1947ൽ ശൈഖ് അബ്ദുള്ളയാണ് പറഞ്ഞത്. അതിന് രണ്ടു കാരണമുണ്ടായിരുന്നു: സ്വാതന്ത്ര്യത്തിന്റെ പേരിൽ സ്ഥിരമായൊരു ഫ്യൂഡലിസം അദ്ദേഹം ആഗ്രഹിച്ചില്ല. അതേ സമയം സ്വയം ഭരണാധികാരമുള്ളകശ്മീർ (മഹാരാജാ ഒപ്പിട്ട കരാറിന്റെ 370-ാം വകുപ്പ് ഇത് ഉറപ്പു നൽകിയിരുന്നു).

നെഹ്‌റു രൂപം നൽകുന്ന സോഷ്യലിസ്റ്റസറ്റ് സെക്യുലർ ഇന്ത്യയുടെ തുല്യ പങ്കാളിയാകുമെന്ന് അദ്ദേഹം പ്രതീക്ഷിക്കുകയും ചെയ്തു. എന്നാൽ ഉയിരെടുക്കുന്ന ഇന്ത്യയിൽ സോഷ്യലിസമോ, സെക്യുലറിസമോ ഇല്ലെന്നു കണ്ടപ്പോൾ അദ്ദേഹം സ്വാതന്ത്ര്യമെന്ന ആശയത്തിലേക്കു തന്നെ മടങ്ങി. ഫലമോ, രണ്ടു പതിറ്റാണ്ടു നീണ്ട ജയിൽവാസം. ഡൽഹി പക്ഷപാതിയായ ബക്ഷിഗുലാം മുഹമ്മദാകട്ടെ, കശ്മീർ ഭരണഘടന സഭയയെ ഡൽഹിയുടെ ഇങ്കിതം ഏറ്റുപറയുന്ന വേദിയാക്കി മാറ്റി. സ്വാതന്ത്ര്യം പോയിട്ട് സ്വയംഭരണം എന്നുപോലും ഉച്ചരിച്ചുകൂടെ എന്നായി.
1965ൽ കശ്മീർ ബലമായി പിടിച്ചെടുക്കാൻ പാക്കിസ്ഥാൻ വ്യഥാ ഒരുശ്രമം നടത്തിനോക്കി.

ഇന്ത്യയും പാക്കിസ്ഥാനും തമ്മിലുള്ള അകൽച്ചയ്ക്ക് പ്രധാന കാരണം കശ്മീർ തന്നെയല്ലേയെന്ന് എല്ലാവരും സംശയിക്കുന്നു. തങ്ങൾ ഉൾപ്പെട്ടിരിക്കുന്ന ദൂഷിതവലയങ്ങളിൽ നിന്നു പുറത്തുകടക്കാൻ ഇരുരാജ്യങ്ങൾക്കും സാധിക്കുന്നില്ല. ഇരുരാജ്യങ്ങളും തമ്മിലുള്ള ശത്രുത മുമ്പെന്നത്തേക്കാളും രൂക്ഷമായിട്ടുമുണ്ട്. എങ്കിലും ഇന്ത്യ കടപ്പാടുകളിൽ നിന്നും പിന്നാക്കം പോകരുത്. 1971ലെ  ഇന്ത്യ-പാക് യുദ്ധത്തിൽ പാക്കിസ്ഥാന്റെ പരാജയം കശ്മീരി ദേശീയ പ്രസ്ഥാനത്തെ ദുർബലപ്പെടുത്തുകയും അബ്ദുള്ള വിഘടനവാദം ഉപേക്ഷിക്കുകയും ചെയ്തു. 1975ലെ ഇന്ദിര-ഷൈഖ് ഉടമ്പടി പ്രകാരം, ഈ പ്രദേശത്തെ ഇന്ത്യയുടെ ഭാഗമായി അദ്ദേഹം അംഗീകരിച്ചു,

നിയമങ്ങൾ നിർമ്മിക്കുന്നതിന് രാഷ്ട്രപതിയുടെ അംഗീകാരം ആവശ്യമുള്ള സംസ്ഥാന നിയമസഭയും വിഘടനവാദത്തിനെതിരായ നിയമങ്ങൾ പ്രഖ്യാപിക്കാൻ ഇന്ത്യൻ പാർലമെന്റിന് കഴിയും. പ്രത്യുപകാരമായി, ആർട്ടിക്കിൾ 370 തൊട്ടുകൂടാതെ, അബ്ദുള്ള സംസ്ഥാനത്തിന്റെ മുഖ്യമന്ത്രിയായി. 1982ൽ അദ്ദേഹത്തിന്റെ മരണം വരെ ഈ പ്രദേശം ഏറെക്കുറെ സമാധാനപരമായിരുന്നു. 1980കളുടെ അവസാനത്തിൽ, കേന്ദ്ര ഗവൺമെന്റിന്റെ ഉന്നത നയങ്ങളിലുള്ള അതൃപ്തിയും 1987ലെ ജമ്മു കശ്മീർ നിയമസഭാ തിരഞ്ഞെടുപ്പിലെ കൃത്രിമം സംബന്ധിച്ച ആരോപണങ്ങളും അക്രമാസക്തമായ കലാപത്തിനു കാരണമായി. വിഘടനവാദ പ്രസ്ഥാനത്തിന് 'ധാർമ്മികവും നയതന്ത്രപരവുമായ' പിന്തുണ നൽകുന്നതായി പാകിസ്ഥാൻ അവകാശപ്പെട്ടു. ജമ്മു കാശ്മീരിൽ യുദ്ധം ചെയ്യാൻ മുജാഹിദ്ദീനുകളെ പിന്തുണക്കുകയും ആയുധങ്ങൾ നൽകുകയും പരിശീലിപ്പിക്കുകയും ചെയ്യുന്നതായി ഇന്ത്യയും അന്താരാഷ്ട്ര സമൂഹവും ഒരേസ്വരത്തിൽ പറയുകയുണ്ടായി.

1989 മുതൽ, ഇസ്ലാമിക തീവ്രവാദികളായ വിഘടനവാദികളും ഇന്ത്യൻ സൈന്യവും തമ്മിൽ ഒരു നീണ്ട, രക്തരൂക്ഷിതമായ സംഘർഷം നടന്നു, ഇരുവരും തട്ടിക്കൊണ്ടുപോകൽ, കൂട്ടക്കൊല, ബലാത്സംഗം, സായുധ കൊള്ള എന്നിവയുൾപ്പെടെ വ്യാപകമായ മനുഷ്യാവകാശ ലംഘനങ്ങൾ ആരോപിച്ചിരുന്നു. തീവ്ര ഇസ്ലാമിക വീക്ഷണങ്ങളുള്ള നിരവധി പുതിയ തീവ്രവാദ ഗ്രൂപ്പുകൾ ഉയർന്നുവരുകയും പ്രസ്ഥാനത്തിന്റെ പ്രത്യയശാസ്ത്രപരമായ ഊന്നൽ ഇസ്ലാമികത്തിലേക്ക് മാറ്റുകയും ചെയ്തു. 1980കളിലെ സോവിയറ്റ്-അഫ്ഗാൻ യുദ്ധത്തിന്റെ അവസാനത്തെത്തുടർന്ന് കശ്മീർ താഴ്‌വരയിൽ പ്രവേശിച്ച ഇസ്ലാമിക 'ജിഹാദി' പോരാളികളുടെ വലിയൊരു ഒഴുക്കാണ് ഇതിന് സഹായകമായത്.

1999 ആയപ്പോഴേക്കും, യൂണിയൻ ലിസ്റ്റിലെ 97 വിഷയങ്ങളിൽ 94ഉം ഇന്ത്യൻ ഭരണഘടനയിലെ 395 ആർട്ടിക്കിളുകളിൽ 260ഉം സംസ്ഥാനത്ത് ബാധകമായിത്തീർന്നു. 2008ലെ കശ്മീർ അശാന്തിയെത്തുടർന്ന്, മേഖലയിൽ വിഘടനവാദ പ്രസ്ഥാനങ്ങൾ ശക്തിപ്പെട്ടുവന്നു. കാശ്മീർ അശാന്തിയിൽ 90ലധികം സിവിലിയന്മാർ കൊല്ലപ്പെടുകയും 15,000ത്തിലധികം പേർക്ക് പരിക്കേൽക്കുകയും ചെയ്തു. 2017 ജൂണിൽ അനന്ത്‌നാഗിൽ പാകിസ്ഥാൻ ആസ്ഥാനമായുള്ള ലഷ്‌കർഇതൊയ്ബയുടെ തീവ്രവാദികൾ അതിക്രമിച്ച് കടന്ന് ഒരു സബ് ഇൻസ്‌പെക്ടർ ഉൾപ്പെടെ ആറ് പോലീസുകാർ കൊല്ലപ്പെട്ടു. 2019 ഫെബ്രുവരിയിൽ പുൽവാമയിൽ ഒരു ഇന്ത്യൻ പോലീസ് വാഹനവ്യൂഹത്തിന് നേരെയുണ്ടായ ആക്രമണത്തിൽ 40 പോലീസ് ഉദ്യോഗസ്ഥരുടെ മരണത്തിൽ കലാശിച്ചു. ആക്രമണത്തിന്റെ ഉത്തരവാദിത്തം പാകിസ്ഥാൻ പിന്തുണയുള്ള തീവ്രവാദ സംഘടനയായ ജെയ്‌ഷെ മുഹമ്മദ് ഏറ്റെടുത്തിരുന്നു.

2019 ഓഗസ്റ്റിൽ, ഇന്ത്യൻ പാർലമെന്റിന്റെ ഇരുസഭകളും ആർട്ടിക്കിൾ 370 ഭേദഗതി ചെയ്യാനും ഇന്ത്യൻ ഭരണഘടനയെ സംസ്ഥാനത്തേക്ക് പൂർണ്ണമായി വ്യാപിപ്പിക്കാനുമുള്ള പ്രമേയങ്ങൾ പാസാക്കി, ഇത് ഇന്ത്യൻ രാഷ്ട്രപതി ഭരണഘടനാ ഉത്തരവായി നടപ്പാക്കുകയും ചെയ്തു. അതേസമയം, ജമ്മു കശ്മീർ സംസ്ഥാനം പിരിച്ചുവിട്ട് രണ്ട് പുതിയ കേന്ദ്രഭരണ പ്രദേശങ്ങൾ സ്ഥാപിക്കുന്ന വ്യവസ്ഥകൾ ഉൾക്കൊള്ളുന്ന ജമ്മു കശ്മീർ പുനഃസംഘടന നിയമം, 2019 ലും പാർലമെന്റ് പാസാക്കി.

അത് 2019 ഒക്ടോബർ 31 മുതൽ പ്രാബല്യത്തിൽ വന്നു. ഈ നടപടികൾക്ക് മുമ്പ്, കേന്ദ്ര സർക്കാർ കശ്മീർ താഴ്‌വര പൂട്ടി, സുരക്ഷാ സേനയെ വർധിപ്പിച്ചു, സമ്മേളനം തടയുന്ന സെക്ഷൻ 144 ചുമത്തി, കൂടാതെ ജമ്മു കശ്മീർ മുൻ മുഖ്യമന്ത്രിമാരായ ഒമർ അബ്ദുള്ള, മെഹ്ബൂബ മുഫ്തി തുടങ്ങിയ രാഷ്ട്രീയ നേതാക്കളെ വീട്ടുതടങ്കലിലാക്കുകയും ഇന്റർനെറ്റ്, ഫോൺ സേവനങ്ങൾ തടയുകയുമൊക്കെ ചെയ്തിരുന്നു. എന്തായാലുമിപ്പോൾ നിയമസഭാ തിരഞ്ഞെടുപ്പിന് കളമൊരുങ്ങുന്ന ജമ്മുകശ്മീരിൽ രാഷ്ട്രീയ നീക്കങ്ങൾ പുരോഗമിക്കുന്നു. നിർണായക രാഷ്ട്രീയ മാറ്റങ്ങൾ ഉണ്ടായേക്കുമെന്ന സൂചനകളാണ് കോൺഗ്രസ് നേതാക്കൾ നൽകുന്നത്.

എമ എൽസ എൽവിൻ

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1