ന്യൂയോർക്ക് സ്റ്റോക്ക് എക്സ്ചേഞ്ചിൽ ഒരു ബോംബ് സ്ഥാപിച്ച് ഒരു റിമോട്ട് നിയന്ത്രിത ഉപകരണം ഉപയോഗിച്ച് പൊട്ടിക്കാനുള്ള ഗൂഢാലോചന നടത്തിയതിന് ബുധനാഴ്ച ഒരു ഫ്ലോറിഡക്കാരനെ അറസ്റ്റ് ചെയ്തതായി അറിയിച്ചു എഫ്ബിഐ.

ഫ്ലോറിഡയിലെ കോറൽ സ്പ്രിംഗ്‌സിലെ ഹാരുൺ അബ്ദുൾ-മാലിക് യെനർ (30) എന്നയാളെയാണ് ഗൂഢാലോചന കുറ്റം ചുമത്തി അറസ്റ്റ് ചെയ്തത്.

"ബോംബ് നിർമ്മാണ സ്കീമാറ്റിക്സ്" ഒരു സ്റ്റോറേജ് യൂണിറ്റിൽ സൂക്ഷിക്കുന്നുണ്ടെന്ന സൂചനയുടെ അടിസ്ഥാനത്തിൽ ഫെബ്രുവരിയിൽ എഫ്ബിഐ യെനറിനെതിരെ അന്വേഷണം ആരംഭിച്ചു. എഫ്ബിഐ പറയുന്നതനുസരിച്ച് ബോംബ് നിർമ്മാണ രേഖാചിത്രങ്ങൾ, ടൈമറുകളുള്ള നിരവധി വാച്ചുകൾ, ഇലക്ട്രോണിക് സർക്യൂട്ട് ബോർഡുകൾ, മറ്റ് ഇലക്ട്രോണിക്സ് എന്നിവ ഇയാളുടെ പക്കൽ നിന്നും അവർ കണ്ടെത്തി. 

2017 മുതൽ ബോംബ് നിർമ്മാണവുമായി ബന്ധപ്പെട്ട കാര്യങ്ങൾക്കായി അദ്ദേഹം ഓൺലൈനിൽ തിരഞ്ഞിരുന്നതായി എഫ്ബിഐ പറയുന്നു.

താങ്ക്സ്ഗിവിംഗിന് മുമ്പുള്ള ആഴ്‌ച ബോംബ് സ്‌ഫോടനം നടത്താൻ താൻ ആഗ്രഹിക്കുന്നുവെന്നും ലോവർ മാൻഹട്ടനിലെ സ്റ്റോക്ക് എക്‌സ്‌ചേഞ്ച് ലക്ഷ്യമിടാനുള്ള ഒരു ജനപ്രിയ സൈറ്റായിരിക്കുമെന്നും യെനർ രഹസ്യ എഫ്ബിഐ ഏജൻ്റുമാരോട് പറഞ്ഞു എന്നും റിപ്പോർട്ടുകൾ ഉണ്ട്.

യുഎസ് ഗവൺമെൻ്റിനെ "റീബൂട്ട്" ചെയ്യുന്നതിനായി ആണ് സ്റ്റോക്ക് എക്സ്ചേഞ്ചിൽ ബോംബിടാൻ അയാൾ ആഗ്രഹിച്ചത് എന്നാണ് റിപ്പോർട്ടുകൾ വ്യക്തമാക്കുന്നത്. ബുധനാഴ്ച ഉച്ചതിരിഞ്ഞ് യെനർ ആദ്യമായി കോടതിയിൽ ഹാജരായി. വിചാരണ കാലാവധിയിൽ ഇയാൾ തടങ്കലിലാകും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്