അമ്മയെയും പ്രായപൂർത്തിയാകാത്ത മകനെയും ചേർത്ത് ലൈംഗികാധിക്ഷേപം; യൂട്യൂബർ അറസ്റ്റിൽ

OCTOBER 19, 2026, 8:12 AM

തൃപ്പൂണിത്തുറ: സമൂഹമാധ്യമങ്ങളിലൂടെ ലൈംഗികാധിക്ഷേപം നടത്തിയെന്ന പരാതിയിൽ യൂട്യൂബറെ പൊലീസ് അറസ്റ്റ് ചെയ്തു. അമ്മയെയും പ്രായപൂർത്തിയാകാത്ത മകനെയും ചേർത്താണ് ലൈംഗികാധിക്ഷേപം നടത്തിയത്.

തിരുവനന്തപുരം വട്ടിയൂർക്കാവ് കാർത്തികയിൽ മുംതാസ് മുംതാസി (39) നെയാണ് ഹിൽപാലസ് പൊലീസ് അറസ്റ്റ് ചെയ്തത്. . പരാതിയുടെ അടിസ്ഥാനത്തിൽ പൊലീസ് അന്വേഷണം നടത്തുകയും പ്രതിക്കെതിരെ നിയമനടപടികൾ സ്വീകരിക്കുകയുമായിരുന്നു.

പോക്സോ നിയമത്തിലെ വകുപ്പുകൾ ഉൾപ്പെടെ ചുമത്തിയാണ് കേസെടുത്തിരിക്കുന്നതെന്ന് പൊലീസ് അറിയിച്ചു. പ്രായപൂർത്തിയാകാത്ത കുട്ടിയെ ഉൾപ്പെടുത്തിയുള്ള പരാതിയായതിനാൽ സംഭവത്തെ ഗൗരവത്തോടെയാണ് കാണുന്നതെന്ന് പൊലീസ് പറഞ്ഞു.

കേസുമായി ബന്ധപ്പെട്ട തുടർനടപടികൾ സ്വീകരിച്ച് വരികയാണ് പൊലീസ്. സമൂഹമാധ്യമങ്ങളിലൂടെ അമ്മയ്ക്കും പ്രായപൂർത്തിയാകാത്ത മകനും എതിരെ ലൈംഗിക അധിക്ഷേപം നടത്തിയെന്ന് ആരോപിച്ചാണ് പരാതി നൽകിയത്