യു.എസ്.ഐ.സി.എസ് ഇമിഗ്രേഷൻ ഫീസുകൾ വർദ്ധിപ്പിച്ചു: പുതിയ നിരക്കുകൾ ഒക്ടോബർ 16 മുതൽ

OCTOBER 2, 2026, 11:42 PM

വാഷിംഗ്ടൺ ഡി.സി: യു.എസിൽ അഭയം തേടുന്നവരുടെയും കുടിയേറ്റക്കാരുടെയും ചില പ്രധാന ഫീസുകൾ വർദ്ധിപ്പിച്ചുകൊണ്ട് യു.എസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (USCIS) ഉത്തരവിട്ടു. 2026 ഒക്ടോബർ 16 മുതൽ പുതിയ നിരക്കുകൾ പ്രാബല്യത്തിൽ വരും.

പണപ്പെരുപ്പ നിരക്കിലെ വർദ്ധനവ് കണക്കിലെടുത്താണ് ഈ നടപടി.

വാർഷിക അഭയ അപേക്ഷാ ഫീസ് $102ൽ നിന്ന് $105 ആയി ഉയർന്നു. ഇമിഗ്രേഷൻ പെറോൾ ഫീസ് (Form I-131): $1,020ൽ നിന്ന് $1,050 ആയി വർദ്ധിച്ചു.

അഭയാർത്ഥികൾ, പെറോൾ ലഭിച്ചവർ, ടി.പി.എസ് അപേക്ഷകർ എന്നിവരുടെ പ്രാരംഭ വർക്ക് പെർമിറ്റ് ഫീസ് $560ൽ നിന്ന് $570 ആയി കൂടി.

താൽക്കാലിക സംരക്ഷിത പദവി അപേക്ഷ : $510ൽ നിന്ന് $520 ആയി ഉയർന്നു.

ബാധകമാകുന്ന തീയതി: 2026 ഒക്ടോബർ 16 അതിനുശേഷമോ പോസ്റ്റ്മാർക്ക് ചെയ്യുന്ന അപേക്ഷകൾക്ക് മാത്രമേ പുതിയ ഫീസ് ബാധകമാകൂ. അതിനുമുമ്പുള്ള അപേക്ഷകൾക്ക് പഴയ ഫീസ് തുടരും.

പുതിയ ഫീസ് അടയ്ക്കാതെ അയക്കുന്ന അപേക്ഷകൾ യു.എസ്.ഐ.സി.എസ് നിരസിക്കുന്നതായിരിക്കും. ട്രംപ് ഭരണകൂടത്തിന്റെ പുതിയ കുടിയേറ്റ നയങ്ങളുടെയും നിയമങ്ങളുടെയും ഭാഗമായാണ് ഈ വാർഷിക ഫീസ് ക്രമീകരണം.

ഈ ഫീസ് വർദ്ധനവ് മാനുഷിക പരിഗണനയോടെ എത്തുന്ന കുടിയേറ്റക്കാർക്ക് കൂടുതൽ സാമ്പത്തിക ബുദ്ധിമുട്ട് ഉണ്ടാക്കുമെന്ന് അവകാശവാദികൾ വിമർശിക്കുമ്പോൾ, അപേക്ഷകൾ പരിശോധിക്കുന്നതിനുള്ള ചെലവുകൾ കണ്ടെത്താനാണ് ഫീസ് വർദ്ധിപ്പിച്ചതെന്ന് ഭരണകൂടം വ്യക്തമാക്കുന്നു.

പി.പി. ചെറിയാൻ