ന്യൂയോർക്ക്: മാർത്തോമ്മാ സഭയുടെ വടക്കേ അമേരിക്ക ഭദ്രാസനത്തിലെ അമേരിക്കയുടെ വടക്ക്-കിഴക്കൻ സംസ്ഥാനങ്ങളിലുൾപ്പെട്ട ഇടവകകളുടെ സംയുക്താഭിമുഖ്യത്തിൽ (മാർത്തോമ്മാനോർത്ത് ഈസ്റ്റ് റീജിയണൽ ആക്റ്റിവിറ്റി കമ്മിറ്റി) ഈ വർഷത്തെ റീജിയണൽ കൺവൻഷൻ ഒക്ടോബർ 9, 10, 11 തീയതികളിൽ യഥാക്രമം സെന്റ്‌ജോൺസ് മാർത്തോമ്മാ പള്ളി (ക്യൂൻസ് വില്ലേജ്), സെന്റ്‌തോമസ് മാർത്തോമ്മാ പള്ളി (യോങ്കേഴ്‌സ്), സ്റ്റാറ്റൻ ഐലൻഡ് മാർത്തോമ്മാ പള്ളി എന്നിവിടങ്ങളിൽ വെച്ച് നടത്തപ്പെടുന്നു.
മാർത്തോമ്മാ സഭയിലെ സീനിയർ വൈദീകനും തിരുവല്ല ക്രൈസ്തവ സാഹിത്യ സമിതി (CSS) സെക്രട്ടറിയുമായ റവ. സാംകോശി ടി. മുഖ്യ പ്രസംഗകനായിരിക്കും. കൺവൻഷൻയോഗങ്ങൾക്ക് ഭദ്രാസനാധിപൻ അഭിവന്ദ്യഡോ. ഏബ്രഹാം മാർ പൗലോസ് എപ്പിസ്‌കോപ്പ അദ്ധ്യക്ഷത വഹിക്കും. അഭിവന്ദ്യ ഡോ.ജോസഫ് മാർ ബർന്നബാസ് സഫ്രഗൻ മെത്രാപ്പോലീത്താ കൺവൻഷൻ ഉദ്ഘാടനം നിർവ്വഹിക്കും.
കൺവൻഷന്റെ സമാപനദിവസമായ ഞായറാഴ്ച ഈമേഖലയിലെ എല്ലാ ഇടവകകളും സംയുക്തമായിചേർന്നുള്ള വിശുദ്ധ കുർബാനയ്ക്ക് സഫ്രഗൻ മെത്രാപ്പോലീത്താ നേതൃത്വം നൽകും. ഭദ്രാസന എപ്പിസ്‌കോപ്പ സഹകാർമികനായിരിക്കും. വിവിധ ഇടവകകളിൽ നിന്നുള്ള അൻപതംഗ ഗായകസംഘം ഗാനശുശ്രൂഷയ്ക്ക് നേതൃത്വം നൽകും.
റവ. ബിജു പി. സൈമൺ (വൈസ് പ്രസിഡന്റ്), ജേക്കബ് ചാക്കോ (സെക്രട്ടറി), ഈപ്പൻ കെ.ജോർജ് (ട്രഷറർ), ജിജിടോം (അക്കൗണ്ടന്റ്), റവ.ജോയൽ സാമുവേൽതോമസ് (ഭദ്രാസന സെക്രട്ടറി), ഷാജു സാം (ഭദ്രാസന ട്രഷറർ), റവ. ജെയ്‌സൺ വർഗീസ്, തോമസ് ജേക്കബ്, ശാമുവേൽ കെ. ശാമുവേൽ, റിയാ വർഗീസ് എന്നിവരടങ്ങിയ കമ്മിറ്റി കൺവൻഷന്റെ അനുഗ്രഹപ്രദമായ നടത്തിപ്പിനായി പ്രവർത്തിക്കുന്നു.
ജീമോൻ റാന്നി
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261007055039.jpg)
-20261007043155.jpg)
-20261007021744.jpg)
