എസ്എംഎ മരുന്ന് വിവാദത്തിൽ അന്വേഷണം വന്നേക്കും

OCTOBER 24, 2026, 2:38 AM

തിരുവനന്തപുരം: എസ്എംഎ മരുന്ന് വിവാദത്തിൽ നാഷണൽ ഹെൽത്ത് മിഷൻ നോഡൽ ഓഫീസറുടെ ഇടപെടലിൽ അന്വേഷണത്തിന് നീക്കമെന്ന് സൂചന.

എസ്എംഎ മരുന്ന് വാങ്ങിയത് എൽഡിഎഫ് കാലത്തെ കൂടിയാലോചനകളെ തുടർന്നാണെന്ന് റിപ്പോർട്ടുകൾ പുറത്തുവന്നിരുന്നു. സംസ്ഥാന മിഷൻ ഡയറക്ടർ അഡിഷണൽ ചീഫ് സെക്രട്ടറിക്ക് നൽകിയ കത്തിലാണ് സുപ്രധാന വിവരം.

അതേസമയം നോഡൽ ഓഫീസർ ഡോ. യു.ആർ. രാഹുൽ ഇടപെടലിൽ ദുരൂഹത സംശയിക്കുകയാണ് ആരോഗ്യവകുപ്പ്. നാറ്റ്ക്കോ മരുന്നു വാങ്ങാനുള്ള നീക്കത്തിൽ വീഴ്ചയുണ്ടായെന്നാണ് പ്രാഥമിക കണ്ടെത്തൽ. തുടർന്നാണ് അന്വേഷണത്തിന് നീക്കം.

എൽഡിഎഫ് സർക്കാരിന്റെ കാലത്ത് നിയമിക്കപ്പെട്ട രാഹുലിനെ അടുത്തിടെ ചൈൽഡ് ഹെൽത്തിൽ നിന്നും മാറ്റിയിരുന്നു.

സംസ്ഥാന മിഷൻ ഡയറക്ടർ അഡിഷണൽ ചീഫ് സെക്രട്ടറിക്ക് നാറ്റ്കോ മരുന്ന് ശുപാർശ ചെയ്തുകൊണ്ട് ടെക്നിക്കൽ കമ്മിറ്റി നൽകിയ നിർദേശങ്ങൾ ഉൾപ്പെടെ രേഖപ്പെടുത്തിയ കത്താണ് നൽകിയത്. എൽഡിഎഫ് സർക്കാർ നിയമിച്ച സംസ്ഥാന നോഡൽ ഓഫീസർ ഡോ. യു ആർ രാഹുൽ ഒപ്പിട്ടാണ് കത്ത് നൽകിയത്. ഈ കത്തിൻറെ അടിസ്ഥാനത്തിൽ ആയിരുന്നു യുഡിഎഫ് സർക്കാർ മരുന്നു വാങ്ങാൻ കരാർ ഉണ്ടാക്കിയത്.