2027ലെ കേരളത്തിലെ പൊതു അവധി ദിനങ്ങൾ അറിയാം

OCTOBER 20, 2026, 6:51 PM

തിരുവനന്തപുരം: 2027ലെ കേരളത്തിലെ പൊതു അവധി ദിനങ്ങൾ സംസ്ഥാന സർക്കാർ പ്രഖ്യാപിച്ചു.

റിപ്പബ്ലിക് ദിനം, വിഷു, ഈസ്റ്റർ, ബക്രീദ്, ഓണം, ക്രിസ്മസ് തുടങ്ങി 21 ദിവസങ്ങളാണ് പട്ടികയിൽ പൊതു അവധികളായി ഉൾപ്പെടുത്തിയിരിക്കുന്നത്. ഇതിന് പുറമെ എല്ലാ ഞായറാഴ്ചകളും മാസത്തിലെ രണ്ടാം ശനിയാഴ്ചകളും സർക്കാർ ഓഫീസുകൾക്ക് അവധിയായിരിക്കും. ഒക്ടോബർ 18ന് പ്രസിദ്ധീകരിച്ച കേരള ഗസറ്റിലാണ് അവധി ദിനങ്ങൾ സംബന്ധിച്ച വിജ്ഞാപനമുള്ളത്.

2027ലെ പൊതു അവധി ദിനങ്ങൾ ആരംഭിക്കുന്നത് ജനുവരി രണ്ടിന് മന്നം ജയന്തിയോടെയാണ്. മാർച്ചിൽ മഹാശിവരാത്രി, റംസാൻ, പെസഹ വ്യാഴം, ദുഃഖവെള്ളി തുടങ്ങിയ അവധി ദിനങ്ങളുണ്ട്. ഏപ്രിലിൽ അംബേദ്കർ ജയന്തിയും വിഷുവും മെയിൽ മെയ് ദിനവും ബക്രീദും അവധികളാണ്. ഓണം സെപ്റ്റംബറിലാണ്. മൂന്നാം ഓണം സെപ്റ്റംബർ 13നും നാലാം ഓണം സെപ്റ്റംബർ 14നും ശ്രീനാരായണ ഗുരു ജയന്തി സെപ്റ്റംബർ 15നുമാണ്. സെപ്റ്റംബർ 22ന് ശ്രീനാരായണ ഗുരു സമാധി ദിനവും അവധിയായിരിക്കും.

ഒക്ടോബർ രണ്ടിന് ഗാന്ധി ജയന്തിയും ഒക്ടോബർ 28ന് ദീപാവലിയും ഡിസംബർ 25ന് ക്രിസ്മസും പൊതു അവധി ദിനങ്ങളാണ്. റംസാൻ, ബക്രീദ്, മുഹറം എന്നീ അവധി ദിനങ്ങൾ ചന്ദ്രദർശനത്തിന് അനുസരിച്ച് മാറാൻ സാധ്യതയുണ്ടെന്ന് വിജ്ഞാപനത്തിൽ വ്യക്തമാക്കിയിട്ടുണ്ട്.

മന്നം ജയന്തി – ജനുവരി 2 ശനി

റിപ്പബ്ലിക് ദിനം – ജനുവരി 26 ചൊവ്വ