'ഉപ്പ് തിന്നവര്‍ വെള്ളം കുടിക്കും'; വിജിലന്‍സ് അന്വേഷണത്തെ സ്വാഗതം ചെയ്ത് പി.പി. ദിവ്യ

OCTOBER 23, 2026, 7:20 AM

കണ്ണൂർ ജില്ലാ പഞ്ചായത്ത് പ്രസിഡന്റ് പദവിയിലിരിക്കെ ക്രമക്കേട് നടത്തിയെന്ന ആരോപണങ്ങളെ തുടർന്ന് വിജിലൻസ് അന്വേഷണം പ്രഖ്യാപിച്ചതിന് പിന്നാലെ പി.പി. ദിവ്യ ശക്തമായ പ്രതികരണവുമായി രംഗത്ത്. അപവാദ പ്രചാരണങ്ങൾക്ക് മുന്നിൽ താൻ തലകുനിക്കില്ലെന്നും അന്വേഷണത്തെ പൂർണ്ണമായി സ്വാഗതം ചെയ്യുന്നുവെന്നും അവർ ഫേസ്ബുക്ക് പോസ്റ്റിലൂടെ അറിയിച്ചു.

തന്റെ പേരിലോ ഭർത്താവിന്റെ പേരിലോ ബിനാമിയായോ മറ്റാരുടെയെങ്കിലും പേരിലോ നിയമവിരുദ്ധമായ സ്വത്തുക്കളുണ്ടെങ്കിൽ അത് കണ്ടെത്താൻ അവർ വെല്ലുവിളിച്ചു. ഒരു തുണ്ട് ഭൂമി പോലും അനധികൃതമായി കണ്ടെത്തിയാൽ അത് മുഹമ്മദ് ഷമ്മാസിന്റെ പേരിൽ എഴുതി നൽകാൻ താൻ തയ്യാറാണെന്ന് പി.പി. ദിവ്യ വ്യക്തമാക്കി. ഈ വിഷയത്തിൽ തനിക്ക് അത്രയധികം ആത്മവിശ്വാസമുണ്ടെന്നും അവർ കൂട്ടിച്ചേർത്തു.

അന്വേഷണത്തെ ഭയന്ന് നാടുവിടാനോ അതിന്റെ നടപടികൾ തടസ്സപ്പെടുത്താൻ ഇടപെടാനോ താൻ ഉദ്ദേശിക്കുന്നില്ലെന്ന് ദിവ്യ പറഞ്ഞു. ഭയന്ന് ഒളിച്ചിരിക്കാൻ താൻ ഒരുക്കമല്ലെന്നും അവർ ഊന്നിപ്പറഞ്ഞു.

English Summary: PP Divya challenged her critics stating that if even an inch of illegally acquired land is found it can be registered in Shammas name. She welcomed the vigilance investigation into allegations of irregularities during her tenure as Kannur District Panchayat President. Divya asserted that she would not bow down to false accusations and is confident in her integrity.

Tags: Malayalam News, News Malayalam, Latest Malayalam News, Vachakam News, PP Divya, Kannur, Vigilance Investigation, Politics Malayalam, Kerala Politics