ബെംഗളൂരു: റോഡില് കുഴഞ്ഞുവീണ യുവാവിന് സമയോചിതമായി സി.പി.ആര് നല്കി ജീവന് തിരിച്ചുനല്കി കര്ണാടക പോലീസ്. വെസ്റ്റ് ബെംഗളൂരുവിലെ മഗാഡി റോഡ് പോലീസ് സ്റ്റേഷന് പരിധിയില് കഴിഞ്ഞ ശനിയാഴ്ചയാണ് സിനിമാ രംഗങ്ങളെ വെല്ലുന്ന സംഭവ വികാസങ്ങള് നടന്നത്. Bengaluru Police
Hoysala Team Saves 34-Year-Old Man Suffering Cardiac Emergency on Magadi
Road —
Yasir Mushtaq (@path2shah) August
29, 2026
ജോലി സ്ഥലത്തേക്ക് സ്കൂട്ടറില് പോവുകയായിരുന്ന രവി (34) എന്ന യുവാവാണ് ഹൊയ്സാല പോലീസിന്റെ മാതൃകാപരമായ ഇടപെടലിലൂടെ പുതുജീവന് നേടിയത്. യാത്രയ്ക്കിടയില് നെഞ്ചുവേദന അനുഭവപ്പെട്ടതിനെ തുടര്ന്ന് രവി വണ്ടി വഴിയരികിലേക്ക് ഒതുക്കി നിര്ത്തിയെങ്കിലും നിമിഷങ്ങള്ക്കകം ബോധരഹിതനായി റോഡിലേക്ക് കുഴഞ്ഞുവീഴുകയായിരുന്നു.
ഈ സമയം സമീപപ്രദേശത്ത് പട്രോളിങ് നടത്തുകയായിരുന്ന ഹൊയ്സാല പോലീസ് സംഘത്തിലെ അസിസ്റ്റന്റ് സബ് ഇന്സ്പെക്ടര് സച്ചിദാനന്ദ മൂര്ത്തി, കോണ്സ്റ്റബിള് ബസവരാജു എന്നിവര് ഉടന് തന്നെ സ്ഥലത്തെത്തി. സമയം കളയാതെ രോഗിയുടെ ഗുരുതരാവസ്ഥ മനസിലാക്കിയ പോലീസുകാര് നിമിഷങ്ങള്ക്കകം രവിക്ക് ജീവന്രക്ഷാ മാര്ഗമായ സി.പി.ആര് നല്കാന് ആരംഭിച്ചു. കൃത്യസമയത്ത് നല്കിയ ഈ പ്രാഥമിക ശുശ്രൂഷയില് യുവാവിന്റെ ശ്വാസോച്ഛ്വാസം വീണ്ടെടുക്കാനായി. വൈകാതെ തന്നെ ഇദ്ദേഹത്തെ സമീപത്തെ ആശുപത്രിയിലേക്ക് മാറ്റി വിദഗ്ധ ചികിത്സ ഉറപ്പാക്കി.
സംഭവത്തിന്റെ മുഴുവന് ദൃശ്യങ്ങളും സമീപത്തെ സിസിടിവി ക്യാമറയില് പതിഞ്ഞിരുന്നു. ഈ ദൃശ്യങ്ങള് പുറത്തുവന്നതോടെ ജനങ്ങളുടെ ജീവന് സംരക്ഷിക്കാന് കാക്കിയണിഞ്ഞ കാവലാളുകളായി മാറിയ പോലീസ് ഉദ്യോഗസ്ഥരെ അഭിനന്ദിച്ച് സോഷ്യല് മീഡിയയില് നിരവധി ആളുകളെത്തി.
Bengaluru
Quick thinking
and timely cardiopulmonary resuscitation (#CPR)
by a #Bengaluru
city police patrolling team saved the life of a 34 year old two wheeler
rider who suffered a… pic.twitter.com/D3cbYVAfPq
ജീവന് കാക്കാന് സി.പി.ആര്
ഹൃദയസ്തംഭനം സംഭവിക്കുന്ന അടിയന്തര ഘട്ടങ്ങളില് ഒരാളുടെ ജീവന് രക്ഷിക്കാന് സഹായിക്കുന്ന ഒന്നാമത്തെ വഴി കാര്ഡിയോപള്മണറി റെസസിറ്റേഷന് അഥവാ സി.പി.ആര് ആണ്. ഹൃദയ സ്പന്ദനം നിലച്ച് ആളുകള് കുഴഞ്ഞുവീഴുമ്പോള് ആദ്യത്തെ 5 മിനിറ്റിനുള്ളില് കൃത്യമായ പരിചരണം ലഭിച്ചില്ലെങ്കില് ജീവന് നഷ്ടപ്പെടാന് സാധ്യതയേറെയാണ്. ആശുപത്രിയിലെത്തിക്കാന് കാത്തുനില്ക്കാതെ ഈ സമയത്ത് നല്കുന്ന സി.പി.ആര് തലച്ചോറിലേക്കുള്ള രക്തയോട്ടം നിലനിര്ത്താന് സഹായിക്കും.
ചെയ്യേണ്ട വിധം:
പ്രതികരണം പരിശോധിക്കുക: കുഴഞ്ഞുവീണ ആളെ വിളിച്ച് ബോധമുണ്ടോയെന്നും ശ്വാസമെടുക്കുന്നുണ്ടോ എന്നും പരിശോധിക്കുക.
സഹായത്തിനായി വിളിക്കുക: ഉടന് തന്നെ ആംബുലന്സിനെയോ (108/112) സമീപത്തുള്ളവരെയോ സഹായത്തിന് വിളിക്കുക.
സമ്മര്ദ്ദം നല്കുക: രോഗിയെ കട്ടിയുള്ള തറയില് മലര്ത്തിക്കിടത്തി, നെഞ്ചിന്റെ മധ്യഭാഗത്തായി കൈപ്പത്തികള് ഒന്നിനുമീതെ ഒന്നായി വെച്ച് മിനിറ്റില് 100-120 തവണ എന്ന വേഗതയില് ശക്തമായി അമര്ത്തുക.
വഴിയോരത്തോ ഓഫീസിലോ വീട്ടിലോ ഇത്തരം അടിയന്തര സാഹചര്യങ്ങള് ഉണ്ടായാല് കാഴ്ചക്കാരായി നില്ക്കാതെ ധൈര്യത്തോടെ മുന്നോട്ടുവന്ന് സി.പി.ആര് നല്കിയാല് നമുക്കും ഒരു ജീവന് രക്ഷിക്കാനാകും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201002015842.jpg)
-20260830092828.jpg)
-20260830092332.jpg)
-20201113035659.jpg)
