ഡാളസ്സിൽ നാല് നായ്ക്കളുടെ ആക്രമണത്തിൽ പരിക്കേറ്റ വ്യക്തി ആശുപത്രിയിൽ

OCTOBER 9, 2026, 11:07 PM

ഡാളസ്: ഡാളസ്സിൽ നാല് നായ്ക്കളുടെ ക്രൂരമായ ആക്രമണത്തിന് ഇരയായ ഒരാളെ പരിക്കുകളോടെ ആശുപത്രിയിൽ പ്രവേശിപ്പിച്ചു. വെള്ളിയാഴ്ച പുലർച്ചെയാണ് സംഭവം നടന്നതെന്ന് ഡാളസ് പോലീസ് അറിയിച്ചു.

പുലർച്ചെ മൂന്ന് മണിയോടെ ഈസ്റ്റ് ഇല്ലിനോയി അവന്യൂവിലെ 3200 ബ്ലോക്കിൽ മൃഗങ്ങളുടെ ആക്രമണം നടന്നു എന്ന സന്ദേശത്തെ തുടർന്ന് പോലീസ് സ്ഥലത്തെത്തുകയായിരുന്നു.

പ്രാഥമിക അന്വേഷണത്തിൽ ഇയാൾക്ക് നേരെ നാല് നായ്ക്കൾ ആക്രമണം നടത്തിയതായി സ്ഥിരീകരിച്ചിട്ടുണ്ട്.

എന്നാൽ ആക്രമിച്ച നായ്ക്കളുടെ ഇനം ഏതാണെന്നോ, അവയുടെ ഉടമ ആരാണെന്നോ, കൃത്യമായി എവിടെ വെച്ചാണ് ആക്രമണം നടന്നതെന്നോ ഉള്ള വിവരങ്ങൾ പോലീസ് ഇതുവരെ പുറത്തുവിട്ടിട്ടില്ല.

ഗുരുതരമായി പരിക്കേറ്റ ഇയാളെ ഡാളസ് ഫയർറെസ്‌ക്യൂ സംഘമാണ് ആശുപത്രിയിൽ എത്തിച്ചത്. നിലവിൽ അദ്ദേഹത്തിന്റെ ആരോഗ്യനില തൃപ്തികരമാണെന്ന് പോലീസ് വ്യക്തമാക്കി, സംഭവവുമായി ബന്ധപ്പെട്ട് ഇതുവരെ ആരെയും അറസ്റ്റ് ചെയ്തിട്ടില്ലെന്നും കേസിൽ അന്വേഷണം പുരോഗമിക്കുകയാണെന്നും പോലീസ് അറിയിച്ചു.

പി.പി. ചെറിയാൻ