ആഗോള ഭീകരവിരുദ്ധ ഏജൻസിയായ ഫിനാൻഷ്യൽ ആക്ഷൻ ടാസ്ക് ഫോഴ്സിന്റെ (FATF) പരിശോധനയ്ക്ക് മുൻപായി കണ്ണ് കെട്ടൽ തന്ത്രവുമായി പാകിസ്ഥാൻ.

ജെയ്‌ഷെ മുഹമ്മദ് തലവനും പ്രമുഖ ഭീകരനുമായ മസൂദ് അസ്ഹറിനെ പിടികൂടാൻ സഹായിക്കുന്നവർക്ക് നൽകുന്ന പാരിതോഷിക തുക 70 ലക്ഷം പാകിസ്ഥാനി രൂപയായി വർദ്ധിപ്പിച്ചു.

പാകിസ്ഥാൻ ഫെഡറൽ ഇൻവെസ്റ്റിഗേഷൻ ഏജൻസി (എഫ്ഐഎ) പുറത്തുവിട്ട 2026-ലെ ഏറ്റവും തിരയപ്പെടുന്ന ഭീകരരുടെ റെഡ് ബുക്കിലാണ് അസ്ഹറിനെ ഉൾപ്പെടുത്തിയിരിക്കുന്നത്.

ഒക്ടോബറിൽ നടക്കാനിരിക്കുന്ന എഫ്‌എടിഎഫ് യോഗത്തിൽ ഗ്രേ ലിസ്റ്റിലേക്ക് തിരികെ തള്ളപ്പെടുന്നത് ഒഴിവാക്കാനാണ് പാകിസ്ഥാൻ ഈ നാടകം കളിക്കുന്നതെന്ന് അന്താരാഷ്ട്ര നിരീക്ഷകർ വിലയിരുത്തുന്നു.

മുൻപ് അസ്ഹറിന്റെ തലയ്ക്ക് 50 ലക്ഷം പാകിസ്ഥാനി രൂപയാണ് പ്രഖ്യാപിച്ചിരുന്നതെങ്കിൽ ഇത്തവണ അത് 20 ലക്ഷം രൂപ കൂട്ടി 70 ലക്ഷമാക്കുകയായിരുന്നു.

മസൂദ് അസ്ഹർ പാകിസ്ഥാനിൽ ഇല്ലെന്നും അഫ്ഗാനിസ്ഥാനിലേക്ക് കടന്നെന്നുമാണ് ഇസ്ലാമാബാദ് ഭരണകൂടം അന്താരാഷ്ട്ര സമൂഹത്തിന് മുൻപിൽ വച്ചുനീട്ടുന്ന പ്രധാന വാദം.

എന്നാൽ ഈ അവകാശവാദങ്ങൾ പൂർണ്ണമായും തള്ളിക്കളയുന്നതാണ് ഭാരതീയ രഹസ്യാന്വേഷണ ഏജൻസികളുടെ കണ്ടെത്തലുകൾ.

സാങ്കേതിക നിരീക്ഷണങ്ങളിലൂടെ പാകിസ്ഥാനിലെ സിന്ധ് പ്രവിശ്യയിലുള്ള നവാബ്ഷാ നഗരത്തിൽ അസ്ഹർ സുരക്ഷിതമായി കഴിയുന്നുണ്ടെന്ന് ഇന്ത്യൻ ഏജൻസികൾ സ്ഥിരീകരിച്ചിട്ടുണ്ട്.

പാകിസ്ഥാന്റെ മണ്ണിൽ ഭീകരർക്ക് നൽകുന്ന സുരക്ഷിത താവളങ്ങൾ മറച്ചുവെക്കാനുള്ള ശ്രമങ്ങളുടെ ഭാഗമായാണ് എഫ്ഐഎ ഈ തലവില പ്രഖ്യാപിച്ചിരിക്കുന്നത്.

2019-ൽ 40 സിആർപിഎഫ് ജവാന്മാരുടെ വീരമൃത്യുവിന് കാരണമായ പുൽവാമ ഭീകരാക്രമണത്തിന്റെ പ്രധാന സൂത്രധാരനാണ് മസൂദ് അസ്ഹർ.

ഇതിനുപുറമെ 2001-ലെ ഭാരതീയ പാർലമെന്റ് ആക്രമണം, പത്താൻകോട്ട് വ്യോമസേനാ താവള ആക്രമണം എന്നിവയ്ക്ക് പിന്നിലും ഈ ഭീകര സംഘടനയ്ക്ക് പങ്കുണ്ടായിരുന്നു.

2008-ലെ മുംബൈ ഭീകരാക്രമണത്തിന് സഹായം നൽകിയ 19 ഭീകരരുടെ പേരുകളും എഫ്ഐഎയുടെ പുതിയ ലിസ്റ്റിൽ ഉൾപ്പെടുത്തിയിട്ടുണ്ട്.

എഫ്‌എടിഎഫിന്റെ സാമ്പത്തിക ഉപരോധങ്ങളിൽ നിന്ന് രക്ഷപ്പെടാൻ മുൻപും പാകിസ്ഥാൻ സമാനമായ താൽക്കാലിക നടപടികൾ കൈക്കൊണ്ടിരുന്നു.

ഭീകരവാദത്തിനെതിരെ കർശന നടപടി സ്വീകരിക്കുന്നു എന്ന് ലോകത്തെ വിശ്വസിപ്പിക്കാനാണ് പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫും ഭരണകൂടവും ശ്രമിക്കുന്നത്.

യുഎൻ പൊതുസഭയുടെ ഭാഗമായി യുഎസ് പ്രസിഡന്റ് ഡൊണാൾഡ് ട്രംപുമായി ഷെഹ്ബാസ് ഷെരീഫ് നടത്തുന്ന കൂടിക്കാഴ്ചയ്ക്ക് മുൻപ് ഇമേജ് വീണ്ടെടുക്കലും ഇവരുടെ ലക്ഷ്യമാണ്.

എന്നാൽ പാകിസ്ഥാന്റെ ഇത്തരം തന്ത്രങ്ങൾ വെറും കണ്ണിൽ പൊടിയെക്കൽ മാത്രമാണെന്ന് ആഗോള സമൂഹം തിരിച്ചറിയുന്നുണ്ട്.

ഭീകരതയ്ക്ക് ഫണ്ട് നൽകുന്നതും കള്ളപ്പണം വെളുപ്പിക്കുന്നതും തടയാൻ രൂപീകരിച്ച അന്താരാഷ്ട്ര കൂട്ടായ്മയാണ് എഫ്‌എടിഎഫ്.

ഗ്രേ ലിസ്റ്റിൽ പെട്ടാൽ വിദേശ വായ്പകളും സാമ്പത്തിക സഹായങ്ങളും ലഭിക്കുന്നത് പാകിസ്ഥാന് കടുത്ത ബുദ്ധിമുട്ടാകും.

അതുകൊണ്ടുതന്നെ ഒക്ടോബറിലെ യോഗത്തിന് മുൻപ് പരമാവധി തെളിവുകൾ ഉണ്ടാക്കാനാണ് പാക് അന്വേഷണ ഏജൻസികളുടെ നീക്കം.

പക്ഷേ ഭാരതീയ അതിർത്തികളിൽ ഭീകരത വിതയ്ക്കുന്ന മസൂദ് അസ്ഹറിനെതിരെ യഥാർത്ഥ നടപടിയെടുക്കാൻ ഇസ്ലാമാബാദ് തയ്യാറാകുന്നില്ലെന്നതാണ് വാസ്തവം.

English Summary:

Pakistan Federal Investigation Agency updated its Red Book of most wanted terrorists and increased the bounty on Jaish-e-Mohammed chief Masood Azhar to PKR 70 lakh. The move is viewed as a smokescreen ahead of the Financial Action Task Force plenary in October to avoid getting placed back on the grey list. While Pakistan claims Azhar is hiding in Afghanistan, Indian intelligence agencies confirm he remains sheltered in Sindh province of Pakistan.

Tags:

Malayalam News, News Malayalam, Latest Malayalam News, Vachakam News, Pakistan News Malayalam, Masood Azhar Bounty, FATF Grey List Pakistan, World News Malayalam

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്