തിരുവനന്തപുരം: സർക്കാരിനെതിരേ സമരം ശക്തമാക്കാൻ എൽപിഎസ്ടി ഉദ്യോഗാർഥികൾ.ഇതിന്റെ ഭാഗമായി നിരാഹാരം കിടക്കുന്ന സമരസമിതി നേതാവ് ജയകൃഷ്ണൻ വെള്ളിയാഴ്ച തല മുണ്ഡനം ചെയ്ത് പ്രതിഷേധിക്കും.
സർക്കാർ വീണ്ടും ചർച്ചവെച്ചത് സമരം നീട്ടിക്കൊണ്ടുപോകാനാണെന്നാണ് എൽപിഎസ്ടി ഉദ്യോഗാർഥികൾ ആരോപിക്കുന്നത്.സർക്കാർ നിലപാട് വൈകിപ്പിക്കുകയാണെന്നും ഇതിൽ ആശങ്കയുണ്ടെന്നും യാതൊരു മുന്നൊരുക്കവും ഇല്ലാതെയാണ് സർക്കാർ നേരത്തേ ചർച്ചയ്ക്കെത്തിയതെന്നും സമരക്കാർ പറയുന്നു.
മുഖ്യമന്ത്രി നിലപാട് മാറ്റിയതായും സമരക്കാർ വിമർശനം ഉന്നയിക്കുന്നു.മുഖ്യമന്ത്രി മുൻകൈയെടുത്ത് നടത്തിയ ചർച്ചയിൽ അധ്യാപക-വിദ്യാർഥി അനുപാതം കുറയ്ക്കാനുള്ള നിർദേശത്തെ ധനവകുപ്പാണ് എതിർത്തതെന്നും ഉദ്യോഗാർഥികൾ പറയുന്നു.
അതേസമയം, എൽപിഎസ്ടി ഉദ്യോഗാർഥികളുമായി ഇനിയും ചർച്ചകൾ തുടരുമെന്നാണ് വിദ്യാഭ്യാസ മന്ത്രി എൻ. ഷംസുദ്ദീൻ കഴിഞ്ഞദിവസം അറിയിച്ചത്. അധ്യാപക-വിദ്യാർഥി അനുപാതം 1:25 ആക്കണമെന്ന ആവശ്യത്തിൽ ഇനിയും ചർച്ചകൾ വേണമെന്നും ഇക്കാര്യത്തിൽ പെട്ടെന്ന് തീരുമാനമെടുക്കാനാകില്ലെന്നും സാമ്പത്തിക ബാധ്യത വലിയ പ്രശ്നമാണെന്നും മന്ത്രി പ്രതികരിച്ചിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
