തിരുവനന്തപുരം: കേരളത്തിന്റെ 29-ാമത് ഗവർണറായി ഓം പ്രകാശ് മാഥൂർ ചുമതലയേറ്റതിനെ തുടർന്ന് ലോക് ഭവനിലെ അടുക്കളയിൽ സസ്യാഹാരം മാത്രം പാകം ചെയ്താൽ മതിയെന്ന നിർദ്ദേശം വന്നത് വലിയ വാർത്തയായിരുന്നു. ഈ വിവാദത്തിൽ വിശദീകരണവുമായി ലോക്ഭവൻ രംഗത്തെത്തി. ഗവർണറുടെ അടുക്കളയിൽ സസ്യാഹാരം മാത്രമാണ് പാകം ചെയ്യുക. എന്നാൽ ലോക്ഭവനിലെ ജീവനക്കാർക്ക് മാംസാഹാരം കഴിക്കുന്നതിന് യാതൊരു വിലക്കുമില്ലെന്ന് ഗവർണറുടെ അഡീഷണൽ പ്രൈവറ്റ് സെക്രട്ടറി ശ്രീകുമാർ വ്യക്തമാക്കി.
ഗവർണർ വ്യക്തിപരമായി പൂർണ്ണ സസ്യാഹാരിയായതിനാലാണ് അദ്ദേഹത്തിന്റെ ഭക്ഷണം തയാറാക്കുന്ന അടുക്കളയിൽ ഈ ക്രമീകരണം വരുത്തിയതെന്നും, ജീവനക്കാരുടെ ആഹാരരീതികൾക്ക് യാതൊരു വിലക്കുമില്ലെന്നും പിന്നീട് ലോക് ഭവൻ വൃത്തങ്ങൾ വ്യക്തത വരുത്തുകയുണ്ടായി.
ഗവർണറുടെ ഭക്ഷണരീതിയുമായി ബന്ധപ്പെട്ട വിഷയത്തെ ജീവനക്കാരുടെ ഭക്ഷണശീലങ്ങളുമായി കൂട്ടിക്കുഴയ്ക്കേണ്ടതില്ലെന്നും ലോക്ഭവൻ വ്യക്തമാക്കി. ലോക്ഭവനിലെ അടുക്കള ഗവർണർക്കും കുടുംബാംഗങ്ങൾക്കും ബന്ധുക്കൾക്കും അതിഥികൾക്കും ഭക്ഷണം പാകം ചെയ്യുന്നതിനുള്ളതാണ്. അവിടെ എന്ത് ഭക്ഷണം പാകം ചെയ്യണമെന്ന് തീരുമാനിക്കുന്നത് ഗവർണറുടെ താൽപര്യവും ഇഷ്ടങ്ങളും അനുസരിച്ചാണെന്നും വിശദീകരണത്തിൽ പറയുന്നു.
ലോക്ഭവനിലെ ജീവനക്കാർക്ക് പുറത്തുനിന്ന് മാംസാഹാരം കൊണ്ടുവരുന്നതിനോ വീട്ടിൽനിന്ന് ഭക്ഷണം കൊണ്ടുവന്ന് കഴിക്കുന്നതിനോ വിലക്കില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
