കോഴികളെ ജീവനോടെ തിളച്ച വെള്ളത്തിലിടുന്നതിൻ്റെ വീഡിയോകൾ സമൂഹമാധ്യമങ്ങളിൽ പ്രചരിച്ചതിന് പിന്നാലെ ക്വാലാലംപൂരിലെ ഒരു ഇറച്ചി വിതരണക്കാരൻ വിവാദത്തിൽ. ഇസ്ലാമിക രീതികൾ അനുസരിച്ച് കോഴികളെ അറുക്കുന്നില്ലെന്ന് പലരും ചൂണ്ടിക്കാട്ടുന്നു. ഈ പ്രവൃത്തി മാംസത്തെ ഹലാലല്ലാത്തതാക്കി മാറ്റുമെന്നും സോഷ്യൽ മീഡിയ ഉപയോക്താക്കൾ വാദിക്കുന്നു.

സംഭവത്തിൽ ഇസ്ലാമിക് ഡെവലപ്‌മെൻ്റ് ഡിപ്പാർട്ട്‌മെൻ്റ് (JAKIM) അന്വേഷണം ആരംഭിച്ചതായി JAKIM ഡയറക്ടർ ജനറൽ ഡാതുക് ഡോ. സിറാജുദ്ദീൻ സുഹൈമി അറിയിച്ചു. പാസർ പുഡുവിനടുത്തുള്ള ഒരു ഇറച്ചി സംസ്കരണ കേന്ദ്രത്തിനെതിരെയാണ് ആരോപണം ഉയർന്നിരിക്കുന്നത്. ഈ സ്ഥാപനത്തിന് മലേഷ്യൻ ഹലാൽ സർട്ടിഫിക്കറ്റ് ഇല്ലെന്നും പ്രാദേശിക അധികാരികളുമായി സഹകരിച്ച് അന്വേഷണം നടക്കുന്നുണ്ടെന്നും അദ്ദേഹം പറഞ്ഞു.

ഹലാൽ മാംസമായി വിൽക്കുന്ന കോഴികൾ ഇസ്ലാമിക ആചാരപ്രകാരം അറുക്കണമെന്നാണ് നിയമം. ഈ വീഡിയോയിലുള്ള സ്ഥാപനം ഹലാൽ സർട്ടിഫിക്കേഷനുള്ള മറ്റ് ബിസിനസ്സുകൾക്കോ റെസ്റ്റോറന്റുകൾക്കോ മാംസം നൽകുന്നുണ്ടെങ്കിൽ അവർക്ക് നിയമപരമായ പ്രശ്നങ്ങൾ നേരിടേണ്ടി വരുമെന്നും സൂചനയുണ്ട്. വിതരണം ചെയ്യുന്ന കോഴികളുടെ ഹലാൽ പദവിയും ഭക്ഷ്യ സുരക്ഷയും ഉറപ്പാക്കാൻ വിതരണം ചെയ്യുന്ന കോഴികളുടെ ഹലാൽ പദവിയും ഭക്ഷ്യ സുരക്ഷയും ഉറപ്പാക്കാൻ ഈ സംഭവം എവിടെയാണ് സംഭവിച്ചതെന്നും എവിടെയാണ് കോഴികൾ വിൽക്കുന്നതെന്നും കണ്ടെത്തണമെന്ന് പുത്രജയ എംപി ഡാതുക് ഡോ. റാഡ്സി ജിദിൻ ആവശ്യപ്പെട്ടു.

ക്വാലാലംപൂർ സിറ്റി ഹാൾ (DBKL), ആരോഗ്യ മന്ത്രാലയം (KKM), ഇമിഗ്രേഷൻ ഡിപ്പാർട്ട്മെൻ്റ് എന്നിവയുമായി ചേർന്ന് സമഗ്രമായ അന്വേഷണം വേണമെന്ന് റാഡ്സി ആവശ്യപ്പെട്ടു. ഹലാൽ ലോഗോയുടെ ദുരുപയോഗം, വിദേശ തൊഴിലാളികളുടെ പെർമിറ്റ് എന്നിവയും അന്വേഷണത്തിൽ ഉൾപ്പെടുത്തണം. ഈ വിഷയത്തിൽ താൻ JAKIM ഡയറക്ടർ ജനറലിന്റെ ഓഫീസിലും പ്രധാനമന്ത്രിയുടെ വകുപ്പിലെ (മതകാര്യം) മന്ത്രിയുടെ ഓഫീസിലും ഔദ്യോഗിക പരാതി നൽകിയിട്ടുണ്ടെന്നും അദ്ദേഹം ഫേസ്ബുക്കിലൂടെ അറിയിച്ചു.

View on Threads

English Summary: A viral video showing a poultry supplier allegedly boiling chickens alive in Kuala Lumpur has sparked a halal debate on social media. Users argue the chickens were not slaughtered according to Islamic methods, rendering the meat non-halal. The Department of Islamic Development (JAKIM) has launched a full investigation, confirming the implicated company near Pasar Pudu does not hold a Malaysian Halal Certificate. Putrajaya MP Datuk Dr Radzi Jidin has urged a comprehensive probe into the supply chain, food safety, and potential misuse of the halal logo, emphasizing that halal status and food safety cannot be taken lightly.

Tags: Malayalam News, News Malayalam, Latest Malayalam News, Vachakam News, Halal Debate, Poultry Supplier, Viral Video, Kuala Lumpur, JAKIM Investigation, Food Safety, Malaysia News Malayalam

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്